«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Осы жылғы 23 маусым күні Сарыағаш қаласында ауданның адами әлеуетті дамыту бөлімі мен аудандық кәсіподақ комитетінің ұйымдастыруымен Тәуелсіздіктің 30 жылдығына орай жарық көрген «Ұлт болашағының бастауы – мектеп, арқауы кәсіподақ» атты Сарыағаш ауданының кіші педагогикалық энциклопедияның тұсаукесері өтті.

Атаулы іс шараға ауданның білім беру саласының ардагерлері Сайлаубай Мырзабаев, Рахым Оспанов бастаған  алқалы топ арнайы қатысып, Тәуелсіздіктің 30 жылдығына орай ауданымыздың білім беру саласын толық қамтыған педагогикалық кіші энциклопедияның тұсауын кесіп, тарихи-танымдық жинақты қалың оқырман қауымға ұсынды. Мерекелік іс шараны ардагер ұстаз Қазақстан Республикасы Педагогика академиясының профессоры, Өмірәлі Керімбек жүргізіп отырды.

«Ұлт болашағының бастауы – мектеп, арқауы кәсіподақ» атты кіші педагогикалық энциклопедияның тұсау кесеріне ардагер педагогтар, ауданның зиялы қауым өкілдері қатысып, ойларын ортаға салды. Аталған тарихи-танымдық жинақтың жарық көруіне қолдау көрсеткен аудандық кәсіподақ комитетінің төрағасы Әкімбай Тастанбековке қалың елдің алғысын жеткізді.

Тұсаукесерге «Сарыағаш»  қоғамдық–саяси газетінің редакторы М.Бекей, аудандық «Сәтті» әлеуметтік-экономикалық ақпараттық апталығының редакторы Ж. Есенбеков қатыстып, тарихи-танымдық, кіші педагогикалық энциклопедияның жарық көруі  аудан тарихында елеулі оқиға болғанын атап өтті және жинаққа сәтті сапар тіледі.

Тарихи-танымдық, кіші педагогикалық энциклопедияның жинақтаушы редакторы Асылбек Ақбергенов бұл педагогикалық кіші энциклопедияның шығармашылық топтың ғана емес, жүздеген педагогтардың жылға жуық еткен ерен еңбегінің жемісі екенін атап өтті және әріптестеріне алғысын білдірді.

Іс шара соңында барлық қатысушыларға «Ұлт болашағының бастауы – мектеп, арқауы кәсіподақ» атты Сарыағаш ауданының  кіші педагогикалық энциклопедиясы сыйға тартылды.

Қазақстан Республикасы Тәуелсіздігінің 30 жылдығына орай дайындалған «Ұлт болашағы мектеп, арқауы – кәсіподақ» кітабының тұсау кесері

17 маусым күні өткен атқару комитетінің кеңейтілген мәжілісі алдында Сарыағаш аудандық кәсіподақ комитеті мен аудандық адами әлеуетті дамыту бөлімінің Қазақстан Республикасы Тәуелсіздігінің 30 жылдығына орай  аудан білім беру ұйымдарының тарихы, тәуелсіздік жылдарындағы олардың дамуы мен өркендеуі, озат және алдыңғы қатарлы педагогтар туралы тарихи-танымдық кіші энциклопедия кітабының тұсау кесері өткізілді.

Тұсау кесерді облыстық кәсіподақ комитетінің төрағасы Б.Еркінбек  ашып,  сөзінде Сарыағаш аудандық кәсіподақ комитеті мен адами әлеуетті дамыту бөлімінің еліміз Тәуелсіздігінің айтулы мерекесін лайықты атап өту мақсатындағы аудан білім саласы ұйымдары мен ұжымдарының тәуелсіздік жылдарындағы өркендеуі мен жетістіктері,  озат  және алдыңғы қатарлы  мұғалімдер, кәсіподақ ұйымдарының жұмысы  жайлы кітап шығару туралы ойы кәсіподақ активі мен білім саласы қызметкерлерінің мемлекетіміз мерекесіне деген сыйы, отаншылдық сезімдерінің белгісі екендігін атап көрсетті.

Аудандық кәсіподақ комитетінің төрағасы Ә.Тастанбеков және кітапты дайындау жұмысына редакторлық қызмет атқарған А.Ақбергенов кітап шығарудың мақсаты мен атқарылған жұмыстар, кітап шығаруға қатысқан мұғалімдер мен кәсіподақ активі, материал жинақтауға көмек берген еңбек ардагерлері және  кітаптың мазмұны  туралы жан-жақты мағлұмат жасады, сұрақтарға жауап берді.

Ә.Тастанбеков кітаптың бір-бір данасын Б.Еркінбекке, аудандық және қалалық кәсіподақ комитеттері бойынша әріптестеріне сыйға  таратты. Кітап жайлы пікір және лебіздерін білдіргендер: Арыс қалалық, Отырар, Жетісай аудандық кәсіподақ комитеттерінің төрағалары Ж.Мухаев, Е.Қасым, А.Ниязбеков.

Облыстық кәсіподақ комитетінің баспасөз қызметі.

Келелі мәселелер қараған атқару комитеті

2021  жылғы 17 маусым күні    «Түркістан облысы білім және ғылым қызметкерлерінің жергілікті кәсіптік одағы» ҚБ атқару комитетінің  кеңейтілген мәжілісі өткізілді.

Кеңейтілген мәжіліске атқару комитетінің мүшелері және аудандық, қалалық кәсіподақ комитеттерінің төрағалары қатысты.

Кеңейтілген мәжілісті облыстық кәсіподақ комитетінің төрағасы Б.Еркінбек ашып, жүргізіп отырды.

Күн тәртібінде қаралған мәселелер:

1. «Облыстық кәсіподақ комитетінің 2020 жылғы кәсіподақ бюджетінің орындалуы және 2021 жылға кәсіподақ бюджеті туралы».
2. «Облыстық кәсіподақ комитетіне 2020 жылы түскен кәсіподақ мұшелік жарнасы және оның жұмсалуы жайлы».

3.«Сарыағаш аудандық кәсіподақ комитетінің әлеуметтік әріптестікті дамыту, үш жақты келісім және ұжымдық шарттардың орындалу барысын бақылау жасау жөніндегі жұмыс тәжірибесі туралы».

4. Облыстық «Үздік аудандық, қалалық кәсіподақ комитеті» байқауына дайындық жұмыстарының барысы туралы Жетісай, Отырар, Түлкібас аудандық кәсіподақ комитеттері төрағаларының хабарламалары.
5. Түрлі мәселелер.

Күн тәртібіндегі «Облыстық кәсіподақ комитетінің 2020 жылғы кәсіподақ бюджетінің  орындалуы және 2021 жылға кәсіподақ бюджеті туралы» және «Облыстық кәсіподақ комитетіне 2020 жылы түскен кәсіподақ мұшелік жарнасы және оның жұмсалуы жайлы» мәселелер бойынша облыстық кәсіподақ комитетінің бас бухгалтері Р.Жолдықараева есептер берді.

Есептер бойынша талқылауда  Кентау қалалық және Түлкібас, Бәйдібек аудандық кәсіподақ комитеттерінің төрағалары Т.Садуов, Д.Абишев, С.Әмзеева сөйлеп, есептердің нақты көрсетілгені, талдау жұмысы жүргізіле отырып жан жақты жасалғанын айта келе,  бекітілсін деген ұсыныстарын айтты. Талқылауды Б.Еркінбек қорытты.

«Сарыағаш аудандық кәсіподақ комитетінің әлеуметтік әріптестікті дамыту, үш жақты келісім және ұжымдық шарттардың орындалу барысын бақылау жасау жөніндегі жұмыс тәжірибесі туралы» мәселе бойынша облыстық кәсіподақ комитетінің маманы Д.Мухтаров анықтамамен таныстырды, сұрақтарға жауап берді. Сарыағаш аудандық кәсіподақ комитетінің төрағасы Ә.Тастанбеков күн тәртібіндегі мәселе бойынша аудандық кәсіподақ комитетінің жұмысы  жайлы қосымша хабарлама жасады.

Қаралған мәселе бойынша Мақтаарал, Сайрам аудандық кәсіподақ комитеттерінің төрағалары А.Жолдасов, М.Сейдалиева және облыстық кәсіподақ комитеті төрағасының орынбасары А.Абуов сөйлеп, Сарыағаш аудандық кәсіподақ комитетінің әлеуметтік әріптестікті дамыту, келісім мен ұжымдық шарттардың орындалуына бақылау және басшылық жасау жөніндегі іс-тәжірибесіне, осы жұмыстар арқылы ұжымдық шарттардың ықпалы артып отырғаны туралы пікірлерін білдірді.

Күн тәртібіндегі мәселе бойынша Б.Еркінбек қорытынды сөз сөйледі.

«Облыстық «Үздік аудандық, қалалық кәсіподақ комитеті» байқауына дайындық жұмыстарының барысы туралы» мәселеде Жетісай, Отырар, Түлкібас аудандық кәсіподақ комитеттерінің төрағалары А.Ниязбеков, Е.Қасым, Д.Абишевтің  хабарламалары тыңдалды.

Атқару комитеті қаралған мәселелер бойынша қаулылар қабылдады.

Облыстық кәсіподақ комитетінің баспасөз қызметі.

Түркістан облысы Білім және ғылым қызметкерлері облыстық жергілікті кәсіподақ комитетінің филиялы-Түлкібас аудандық білім және ғылым қызметкерлері кәсіподақ комитетінің төрағасы Даулен Абишев, кеңесші Ануар Полатбеков және комитет мүшелерінің қатысуымен аудандық барлық бастауыш кәсіподақ ұйымдарымен тікелей кездесулер өткізілді.Кездесудің басты мақсаты-бастауыш кәсіподақ ұйымдарының рөлін күшейту, озық тәжірибелерді біріктіру, әлеуметтік әріптестік тұрғыда мекеме басшыларымен түзілген “Келісім”, “Ұжымдық шарт” тараптарының орындалуы, заңнамалық құжаттар бойынша түсініктемелер беру, және сала қызметкерлерін толғандырған сұрақтарға жауап беру болатын. Кездесу бойынша өткізілетін іс-шараға ауданның 10 қоғамдық бірлестігінің барлық бастауыш кәсіподақ ұйымдарының төрағалары, тексеру комиссиясының төрағалары мен мүшелері қатысты.

Кездесу барысында кәсіподақ ұйымдарында мұғалімдер мен жұмысшы қызметкерлердің әлеуметтік-экономикалық жағдайларының жақсаруына, құқы мен техникалық қауіпсіздігінің сақталуына әр кез көмек беріп, қолдау көрсетіп отыру кәсіподақтың негізі қызметі екендігі ” “Кәсіподақтар туралы” заңда көрсетілгендей, түсіндіру жүргізілді.

Сонымен қатар еңбек адамының денсаулығына қамқорлық жасау кәсіподақтың назарынан тыс қалмауы да айтылып өтіліп, биылғы жылы емделуге 143 жолдама бөлінгендігі туралы хабардар етілді.Кездесуге кәсіподақ мүшелерінің еңбектерін бағалау және ынталандыру мақсатында мемлекеттік және кәсіптік мерекелерге байланысты, “Құрмет грамотасы” “Алғыс хат” “Кәсіподаққа еңбегі сіңген қызметкер” белгісі медалімен марапаттауға ұсыныстарды уақтылы жасап отыру тапсырылды.

Әрбір кездесу ашық пікір алысу, бастауыш кәсіподақ ұйымдары төрағаларының пікірлерін тыңдау және заңнамалық құжаттар бойынша нақты түсініктемелер беру арқылы өткізілді.

Кездесулер барысында еңбек жағдайлары және білім саласы қызметкерлерін толғандыратын басқада сұрақтарға нақты жауаптар беріліп, отырылды.

Мұндай кездесудің аудандық кәсіподақ комитетінің өз жұмысын жаңа талапқа сай түзетуге септігін тигізгені анықталып, әлеуметтік әріптестік жүйесін одан әрі дамытуға, оның әсер ету тиімділігін арттыру міндетін әрбір бастауыш кәсіподақ ұйымына жеткізу, қолдау көрсету, қажеттілігін атап өтуге болады. Өткізілген іс-шараларда айтылған пікірлер мен қойылған сұрақтар және ұсыныстар мен тапсырмалар бойынша Аудандық кәсіподақ комитетінің төрағасы Даулен Әбишев қортындылап отырды.

Түркістан облысы, Шардара ауданы, Көксу ауылында, Саттар Ерубаев атындағы жалпы орта мектебінде 12.06.2021. жылы Шардара аудандық кәсіподақ ұйымының қатысуымен іс- шара өтті .

Шардара ауданының волейбол спортының ардагері Боровик Владимир Михайолвич ағаның 70 жас мерейтойына арналған облыстық ардагерлер турнирі өткізілді.

Жалпы турнирге келген қонақтарды таныстырсақ Қазақстан Республикасы ардагерлер волейбол федерациясының президенті, ҚР прокуратурасы ардагерлер одағының төрағасы, Әділет генерал майоры Әділхан Әсет Малғаждарұлы Нұр-сұлтан қаласы прокурорының орынбасары, ұлттық лигадағы ересектер арасындағы Волейбол федерациясының президенті Бердібек Ержан Сәкенұлы.

Аудан спортының ардагері, Өзбекстан Республикасының еңбек сіңірген физкультура және Волейбол спортының қызметкері Назарбеков Оразбай.

Шардара аудандық білім және ғылым қызметкерлері кәсіподақ ұйымының төрағасы Жұман Ұлықбек Назарұлы қатысып құттықтау сөз сөйлеп, Түркістан облысы білім және ғылым қызметкерлерінің жергілікті кәсіптік одағының “Кәсіподаққа еңбегі сіңген қызметкері” төсбелгісін тағып, арнайы сыйлықтармен марапаттады.

Мақтаарал аудандық кәсіподақ комитетінің ұйымдастыруымен 02 маусым мен 09 маусым күндері барлық карантиндік талаптарды қатаң сақтай отырып, аудандық адами әлеуетті дамыту бөліміне қарасты негізгі және жалпы орта мектептерде 2020-2021 оқу жылында өз қызметтерін жоғары дәрежеде атқарған техникалық  қызметкерлерді ынталандыру, көтермелеу мақсатында Түркі әлемінің рухани астанасы – Түркістан қаласына туристік саяхатқа жіберілді.

02 маусым күні Достық ауылдық округы, Жаңа жол ауылдық округы, А.Қалыбеков ауылдық округы және Ж.Нұрлыбаев ауылдық округында орналасқан жалпы саны 18 білім мекемесінің және 09 маусым күні Атакент кенті, Жамбыл ауылдық округы мен Мақтаарал ауылдық округында орналасқан жалпы саны 17 білім мекемесінің  кәсіподақ мүшелері Түркістан қаласына барып, Қожа Ахмед Яссауи кесенесіне зиярат етіп, жаңадан бой көтерген «Керуен сарай» демалыс аумағында болып, керемет дүниелермен танысып қайтты.

Мақтаарал ауданы адами әлеуетті дамыту бөліміне қарасты негізгі және жалпы орта мектептерде 2020-2021 оқу жылында өз қызметтерін жоғары дәрежеде атқарған жалпы саны 120 техникалық  қызметкер аудандық кәсіподақ комитеті ұйымдастырған туристік сапарға жіберілді.

Түркі әлемінің рухани астанасы – Түркістан қаласына турситік саяхатымыз жоғары деңгейде өтіп, кәсіподақ мүшелері өздерінің шынайы ризашылықтарын білдіріп, аудандық кәсіподақ комитетінің ұжымына алғыстарын білдірді.

Мақтаарал аудандық кәсіподақ комитетінің баспасөз қызметі.

02 маусым 2021 жылы Түркістан қалалық білім және ғылым қызметкерлері кәсіподақ комитеті оқу жылы аяқталуына орай бастауыш кәсіподақ ұйымы төрағаларымен жаңа форматта (ашық алаңда) жиын өткізді. Жиында қалалық кәсіподақ комитетінің төрайымы Ф. Рысбекова сөз бастап бүгінгі таңда атқарылып жатқан жұмыстар туралы баяндады. Осы орайда қолданыстағы заңнамаға және 2021-2023 жылдарға арналған екі жақты келісім, ұжымдық шартқа сәйкес өзекті мәселелерге мән беріп білім саласы қызметкерлерін кезекті ақылы еңбек демалысына мерзімінде жіберу, демалыс ақысы мен сауықтыруға арналған жәрдем ақыларын уақытылы алу, келесі оқу жылында педагог қызметкерлердің сағат жүктемелерін сақтауды, басқа жұмысқа тартпауын қадағалауды ұсынды.

Бірқатар кәсіподақ төрағалары өз ой пікірлерін ортаға салып тәжірибелерімен бөлісті, сұрақтарына жауап алды.

Жиын соңы кәсіподақ белсенділерін марапаттаумын жалғасты. «Түркістан облысы білім және ғылым қызметкерлерінің жергілікті кәсіптік » Қоғамдық бірлестігінің «Кәсіподаққа еңбегі сіңген қызметкер» төс белгісімен «Әсел» жекеменшік балабақшасының меңгерушісі А. Ширкинбаева, Р. Исетов атындағы №20 жалпы орта мектебінің кәсіподақ төрағасы А. Халтаев, «Балбөбек» бөбекжай-балабақшасының кәсіподақ төрағасы              Г. Саргелов, Ә. Науаи атындағы №13 мектеп-гимназиясының кәсіподақ төрағасы             Д. Курбанов, Н.Төреқұлов атындағы №8 жалпы орта мектебінің кәсіподақ төрайымы       Ф. Аймаханбетова, Қазыбек би атындағы №14 жалпы орта мектебінің кәсіподақ төрайымы Ғ. Елбасы, облыстық кәсіподақ комитетінің «Құрмет грамотасымен»             М. Әбенова атындағы жалпы орта мектебінің кәсіподақ төрайымы Ж. Калдыбаева, «Балдарған» бөбекжай-балбақшасының кәсіподақ төрайымы Ғ. Тоқсанбаева, «Айгүл» бөбекжай-балабақшасының кәсіподақ төрайымы А. Абиева, «Арай» бөбекжай-балабақшасының кәсіподақ төрайымы Б. Шайжанова, «№31 бастауыш мектеп-балабақшасының кәсіподақ төрағасы Н. Адырбеков, Облыстық кәсіподақ комитетінің «Алғыс хатымен»     Е. Иззатуллаев атындағы жалпы орта мектебінің кәсіподақ төрағасы Р. Аширбаев, «Асылбөбек» бөбекжай-балабақшасының кәсіподақ төрайымы                    З. Бижанова, «Ақжелкен» санаторлық балабақшасының төрайымы Ж. Байболова, «Болашақ» бөбекжай-балабақшасының кәсіподақ төрайымы А. Шағатаева, «Гүлдер» бөбекжай-балабақшасының кәсіподақ төрайымы Г. Наушабековалар марапатталды.

Кәсіподақтың негізгі мақсаты: кәсіподақ мүшелерінің рухани–моральдық, әлеуметтік–тұрмысының құқықтық қорғалуын қамтамасыз ететін бірден бір қоғамдық ұйым. Алдағы уақытта осындай іс шаралар жалғасын табатын болады.

Түркістан қалалық білім және ғылым қызметкерлері кәсіподақ комитетінің баспасөз қызметі.

Облыстық кәсіподақ комитетінің мәжілісі болып өтті!

Бүгін 01.06.2021 ж. Түркістан облысы білім және ғылым қызметкерлерінің жергілікті кәсіптік одағы атқару комитетінің кеңейтілген мәжілісі болып өтті.

Мәжіліске атқару комитетінің мүшелері және аудандық, қалалық кәсіподақ комитеттерінің төрағалары қатысты.

Мәжіліс Саяси қуғын-сүргін және ашаршылық құрбандарын еске алу күніне орай қатысушылардың бір минуттық үнсіздігімен басталды.

Кеңейтілген мәжілісті облыстық кәсіподақ комитетінің төрағасы Б.Еркінбек ашып, күн тәртібінде қаралатын мәселелерді баяндап, бүгінгі таңда атқарылып жатқан жұмыстарға қысқаша тоқталып өтті. Сондай-ақ қолданыстағы заң талаптарына сәйкес өзекті мәселелерге мән беріп, оқу жылының аяқталуына орай педагогтарды кезекті еңбек демалысына мерзімінде жіберу, демалыс ақысы мен сауықтыруға арналған жәрдемақыларды уақтылы төлеу, еңбекке жарамсыздық бойынша жәрдемақыларды толық көлемде төлеу, білім саласы қызметкерлерін емдеу және сауықтыру бойынша жұмысты жандандыру, келесі оқу жылында педагогтардың жүктемелерін сақтау, педагогтарды басқа жұмыстарға тартпауын назарда ұстауды ұсынды.

Күн тәртібіндегі мәселелер бойынша облыстық кәсіподақ комитеті төрағасының орынбасары А.Абуов хабарлама жасаса, мәжіліске қатысушылар Ә.Тастанбеков, А.Жолдасов, Қ.Төлебаев, Ф.Рысбекова т.б. төрағалар аудан, қалаларда атқарылып жатқан жұмыстар туралы айтып, өз ұсыныстарын білдірді.

Атқару комитетінің кеңейтілген мәжілісінде қаралған мәселелер бойынша тиісті қаулылар қабылданды.

Облыстық кәсіподақ комитетінің төрағасы Б.Еркінбек мәжіліске қатысушы кәсіподақ активін, сол арқылы барлық кәсіподақ мүшелерін Халықаралық балаларды қорғау күнімен құттықтады.

Облыстық кәсіподақ комитетінің баспасөз қызметі

Мақтаарал ауданы адами әлеуетті дамыту бөліміне қарасты №5 «Мақтарал» мектеп-гимназиясының әкімдігі мен бастауыш кәсіподақ ұйымының ұйымдастыруымен, аудандық кәсіподақ комитетінің қолдауымен 22 мамыр күні білім беру саласының үздігі, бар ғұмырын ағарту саласына арнаған ұлағатты ұстаз Мырзалиев Үсен Парсаханұлын еске алу мақсатында «Мәңгі жанымызда» атты спорттың волейбол түрінен мұғалімдер мен қызметкерлер арасында жарыс өткізілді.

Жарысқа Атакент кенті мен Мақтаарал ауылдық округына қарасты білім беру мекемелері қатысып, өзара мықтыны анықтады.

Сайыстың қорытындысына сәйкес жеңімпаз болған мектептерге және түрлі деңгейдегі номинацияларға ие болған ұстаздарға аудандық кәсіподақ комитетінің және №5 «Мақтарал» мектеп-гимназиясының дайындаған алғыс хаттары мен бағалы сыйлықтарын мектеп директоры Д.Дошманов пен аудандық кәсіподақ комитетінің маманы Е.Жанисов табыстады.

Мырзалиев Үсен Парсаханұлын еске алуға арналған жарыс жоғары дейңгейде ұйымдастырылып өткізілді.

Мақтаарал аудандық кәсіподақ комитетінің баспасөз қызметі.