«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Елбасы Н.Ә.Назарбаевтың биылғы «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауы дамудың жаңа белестерін айқындайтыны анық.  Бұл жолғы бас құжаттың маңызы бұрынғы Жолдаулардан аса айрықша.

Қазақстандық салалық білім және ғылым қызметкерлері кәсіодағының төрайымы Амантаева Майра Тұрғанқызы Елбасы жолдауын насихаттау мақсатында 2018 жылдың 16-шы қазан күні Түркістан облыстық білім қызметкерлері кәсіподағының активімен кездесті.

Қазақстандықтардың әл-ауқатын одан әрі арттыру мақсатында Елбасы  Үкіметке 2019 жылдың 1 қаңтарынан бастап ең төменгі жалақыны 1,5 есе, яғни 28 мыңнан 42 мыңға дейін өсіруді тапсырды .

Сегіз бөлімнен құрылған бұл басымдықтың алғышарты 5 жыл ішінде білім, ғылым, денсаулық сақтау салаларына барлық көздерден жұмсалатын қаражатты ішкі жалпы өнімнің 10 пайызына дейін жеткізу қажеттігін атап көрсетті. Мектепке дейінгі білім беру сапасын жақсарту мен орта білім беру жүйесін нақтылау керектігін,  Назарбаев зияткерлік мектептерінің оқыту жүйесі мен әдістемесінің мемлекеттік мектептер үшін бірыңғай стандарт болуға тиіс екендігін және бұл жаңартылған бағдарлама мектеп білімін реформалаудың қорытынды кезеңі болатындығын нақты айтып өтті. Жалпы мектептердегі білім сапасын бағалау жүйесі халықаралық стандарттарға негізделуге тиістігін сөз еткен Елбасы мұғалімдердің мәртебесін де, еңбекақыларын да қайта қарау қажеттігіне ерекше тоқталды.

Елбасы айтқандай, ұстаздар мемлекеттік қызметкерлер ішіндегі әлеуметтік аз қорғалған, жалақысы жасаған жұмысынан төмен, сонда да қоғамдық жұмыстарға да белсене араласып келе жатқан қызметкерлер екенін айтты. Расында да бүгінгі жас буын ертеңгі ел азаматы десек, сол елдің болашағы мен ертеңі ұстаздардың қолында. Яғни,  ұстазға жағдай жасау – ұлт болашағына жағдай жасау. 2019 жылы «Педагог мәртебесі туралы» заңды әзірлеп, қабылдау қажеттігін ескерген Елбасы заңды құжаттың мұғалімдер мен мектепке дейінгі мекемелер қызметкерлері үшін барлық игілікті қарастырып, жүктемені азайтуға, жөнсіз тексерістер мен міндеттен  тыс функциялардан арашалайтын маңызды құжат болатындығын ескертті.

Бірлік пен тірлікке шақырған Елбасының бұл Жолдауы білім беру ісінің барлық қызметкерлеріне, оның ішінде мектепке дейінгі білім беру мекемелері мен  кәсіподақ мүшелеріне тың серпін мен жігер ұялатқаны анық. «Біз, Кәсіподақтар Елбасы Жолдауын қолдаймыз!  Ел игілігін еселеу жолындағы игі істерге бірлесіп атсалысайық!» деп Майра Тұрғанқызы сөзін қортындылады. Жиынға келген аудандық,қалалық кәсіподақ төрағалары жолдауға деген өз ойларын,пікірлерін айтып,ризашылықтарын білдірді.

2018 жылдың 13-ші қазаны күні сағат 11.00-де “Кәусар” гимназиясының мәжіліс залында Түркістан облысы Ордабасы аудандық білім және ғылым қызметкерлері кәсіподағы комитетінің ұйымдастыруымен. ” Бастауыш кәсіподақ ұйымы – кәсіподақ қозғалысының негізін қалаушы” тақырыбында семинар өтті. Семинар жұмысына 190 тыңдаушы қатысты (кеңес мүшелері, жұмыс берушілер, бастауыш кәсіподақ ұйымының, төрағалары, аудандық білім бөлімінің мемлекеттік қызметшілері). Семинар жұмысы төмендегі бағыттарды қамтыды:.

1. “Қазақстандықтардың әл-ауқатының өсуі: Табыс пен тұрмыс сапасын арттыру”. атты Мемлекет басшысы Н.Назарбаевтың xалыққа арнаған жолдауына байланысты туындайтын міндеттер,
2. Есеп-беру және қайта сайлау жиналыстарын өткізудің талаптары мен міндеттері,
3. Жұмыс беруші мен жұмыскерлер арасындағы еңбек қатынастарын реттеу-өзекті мәселе.
4. Бірінші бағыт бойынша білім және ғылым қызметкерлері Ордабасы аудандық комитетінің төрағасы Сәдірмек Ә.Ш, аудандық білім бөлімінің басшысы Нұрабаева Ш.Т, М.Әуезов атындағы жом директоры Сапарымбет Д.Ш және А.Шерімқұлов атындағы жом БКҰ төрағасы Мырзанова А , кәсіподақ комитеті төрағасының кеңесшісі Маxанова З.С ,Арыс ауданы нөмірі 3-ші жом директоры Джеренова Р. О пікірлерін ортаға салды. Семинардың бірінші бағыты біткен соң “Кәусар” гимназиясының математика пәнінің мұғалімі-жас маман Раxымбай Гүлбибі семинар тыңдаушыларына адам ағзасының жұмысын жақсартуға ықпал ететін сергіту жаттығуларын жасатты!
5. Екінші бағыт бойынша. (Маxанова З.С) жұмыс беруші мен жұмыскерлер арасындағы еңбек қатынастарын реттеуде жұмыс берушілердің және қоғамдық бақылау жасаудағы кәсіподақ жетекшілерінің атқаратын міндеттері туралы сөз қозғалды. Сондай-ақ жемқорлық әрекеттердің алдын алу мақсатында қолданыстағы заңнамалардың білім саласына және жұмыскерлердің құқығын қорғауға қатысты бағыттары бойынша түсіндірмелер берілді.
6. Үшінші бағыт бойынша кәсіподақ комитетінің маманы Алтынбекова Э есеп-беру және қайта сайлау жиналыстарын сапалы өткізудің мақсаты мен маңызы және жауапкершілігі жөнінде нақты бағыттарды түсіндіріп, практикалық көмек көрсетті.

Мәжіліске атқару комитетінің мүшелері және Түркістан облысына қарасты аудандық, қалалық кәсіподақ комитетінің төрағалары қатысты.

Облыстық кәсіподақ комитетінің төрағасы Б.Еркінбек жолдауда айтылған мәселелерге тоқтала келіп, жолдаудың екінші бөліміндегі тұрмыс сапасын арттыру мәселелерінде айтылған бес жыл ішінде білім, ғылым, денсаулық сақтау салаларына барлық көздерден жұмсалатын қаражатты ішкі жалпы өнімнің он пайызына дейін жеткізу, мектепке дейінгі білім сапасын түбегейлі жақсарту, тәрбиешілердің және балабақшадағы қызметкерлердің еңбегіне ақы төлеу жүйесін қайта қарау, білім алудың қол жетімділігін арттыру, үш аусымда оқыту және апат жағдайындағы мектептерді болдырмау мақсатында Үкіметке 2019-2021 жылдарға арналған бюджеттен қосымша 50 миллиард теңге қарастыруды тапсырды. Келесі жылы «Педагог мәртебесі туралы» Заңды әзірлеп, қабылдау қажет деп атап  көрсеткен жолдаудағы Елбасы тапсырмасын ерекше атап өтті.

Кәсіподақ еңбек адамының әлеуметтік – экономикалық құқықтары мен мүдделерін қорғайтын тәуелсіз қоғамдық ұйым болғандықтан кәсіподақ белсенділері Елбасы жолдауын ерекше ықыласпен қабылдады. Мәжіліске қатысушылар «Педагог мәртебесі туралы» Заңды әзірлеп, қабылдау қажет: деген мәселелерді білім саласы қызметкерлеріне арналған мәртебе екендігін тілге тиек етті. Педагогтардың мәртебесін көтеру, әлеуметтік, тұрмыстық жағдайын жақсарту, ұстаздардың Заң тұрғысында қорғалуы бүгінгі жаңашыл ұстаздардың шығармашылықпен жұмыс жүргізуіне жасалған ерекше жағдай деп тұжырымдады.

Мәжілісте білім саласы қызметкерлерінің әлеуметтік тұрақтылықты қалыптастыруда кәсіподақ белсенділерінің атқаратын жұмыстары жайлы, қызметкерлер арасында туындайтын проблемалық жағдаяттардың шешімі туралы мәселелер де талқыланды.

Аудандық, қалалық кәсіподақ комитеттерінің жаңадан сайланған төрағаларына Түркістан қалалық кәсіподақ комитеті ізгі

тілектерін білдіріп, комитеттің тұрмыс тіршілігінен хабар беретін «Еңбек адамына лайықты өмір» атты өз басылымдарынан шыққан кітапты тарту етті.

Кәсіподақ – еңбек адамының әлеуметтік – экономикалық құқықтары мен мүдделерін қорғайтын тәуелсіз қоғамдық ұйым болғандықтан, Облыс көлемінде алғашқылардың бірі болып Түркістанда ашылған оқу әдістемелік орталықтың берері мол екені мәжіліс барысында өз нәтижесін көрсетті. Бастауыш кәсіподақ ұйымының төрағалары мен кәсіподақ белсенділеріне берілетін әдістемелік көмек орталықтан басталады. Кәсіподақ мүшелерінің еңбек жағдайларын жақсарту және еңбек қауіпсіздігін қамтамасыз ету, құқықтық мәліметтер беру, оқу семинарларын ұйымдастыруда оқу әдістемелік орталық – кәсіподақ белсенділерінің бастау бұлағы. Орталықта облыс, республика, шетел және халықаралық семинарлардың өтуі осының дәлелі. Туыстас түркі елінің кәсіподақ белсенділері жыл сайын әдіс алмасу мақсатында әдістемелік орталықта болып, комитеттің атқарып жатқан жұмыстарымен танысады. Азербайжан, Малазия, Филиппин сынды мемлекеттерден ректорлар келіп лекция оқып кәсіподақ белсенділерінің бір мақсатта еңбек ететін, еңбек адамының құқықтық қорғалуы басты назарда болуын бірлесіп қуаттайтынымызды атап өтті.

Облыстық кәсіподақ комитетінің кеңейтілген мәжілісі білім саласы қызметкерлерінің әлеуметтік – экономикалық құқықтары мен мүделлерін қорғауда тың әрі жаңа талаптарға сай мәселелердің орындалуына барлық күш – жігерімізді жұмсайық деген мәмілемен жиын қортындыланды.

«Қазақстандық салалық білім және ғылым қызметкерлері кәсіптік одағы Түркістан облыстық ұйымы»  Қоғамдық бірлестігі атқару комитетінің Түркістан қалалық кісіподақ комиитеті  оқу әдістемелік орталығында кеңейтілген мәжілісі өткізілді. Мәжілісте  Қазақстан     Республикасының    Президенті,   Елбасы            Н.Ә.Назарбаевтың «Қазақстандықтардың әл – ауқатының өсуі: Табыс пен тұрмыс сапасын арттыру» тақырыбындағы жолдауын насихаттау және түсіндірме жүргізу жөніндегі кәсіподақ ұйымдарының міндеттері туралы» мәселе қаралды.

Мәжіліске атқару комитетінің мүшелері, аудандық, қалалық кәсіподақ комитеттерінің төрағалары, кәсіподақ активі, облыстық және Түркістан қалалық кәсіподақ комитеттері аппарат қызметкерлері қатысты.

Облыстық кәсіподақ комитетінің төрағасы Б.Еркінбек Елбасының Жолдауында  айтылған мәселелер туралы айтып, білім салалына байланысты айтылған мәселелерге ерекше тоқталды:

• Білім, ғылым салаларына жұмсалатын қаражатты ішкі жалпы өнімнің он пайызына дейін жеткізу;
• Еңбек жағдайларын жақсарта отырып, тәрбиешілердің, балабақшадағы басқа да қызметкерлердің еңбегіне ақы төлеу жүйесін қайта қарау;
• Мектепке дейінгі білім беру сапасын түбегейлі жақсарту;
• Білім алудың қол жетміділігін арттыру мақсатында оқушыларға орын жетіспейтіні, мектептердің үш ауысымда оқыту және апат жағдайында болу проблемалары мейілінше сезіліп отырған өңірлер үшін Үкіметке 2019-2012 жылдарға арналған бюджеттен қосымша елу миллиард теңге қарастыру;
• «Педагог мәртебесі туралы» Заңды әзірлеп, қабылдау туралы.

Педагогтардың мәртебесін көтеру, әлеуметтік, тұрмыстық жағдайын жақсарту, ұстаздардың Заң тұрғысында қорғалуы бүгінгі жаңашыл ұстаздардың шығармашылықпен жұмыс жүргізуіне жасалған ерекше жағдай деп қабылдаймыз. Ұстаздардың беделін көтеру – бүгінгі таңдағы кезек күттірмейтін ерекше мәселенің бірі болғандықтан Елбасы Жолдауын ұстаздар қауымы үлкен қуаныш, ілтипат және құрметпен қарсы алды.

Облыстық кәсіподақ активі Қазақстан Республикасының Президенті, Елбасы Н.Ә.Назарбаевтың 2018 жылғы 5 қазан күнгі Жолдауын насихаттау, түсіндірме жүргізу жөніндегі атқарылатын жұмыстарға тоқталып, міндеттерді айқындады. Қазіргі таңда кәсіподақ ұйымдарында өтіп жатқан есеп беру-сайлау жиналыстарында Жолдау туралы арнайы мәселе қарау ұсынылды.

Түркістан облысы Төлеби аудандық кәсіподақ комитеті  5 қыркүйек күні «Мұғалімдер күні» мерекесін аудан көлемінде, білім бөлімімен бірлесе отырып атап өтті.

Салтанатты мерекеге ауданның озат мұғалімдерімен ардагерлер және 250 ұстаз шақырылып арнайы сыйлықтар және мадақтама грамоталарымен марапатталды. Мереке аудан әкімінің қатысуымен, ұстаздарды қарсы алу үшін оқушылардан тұратын тізбекпен (коридор), арнайы сценарий бойынша қызыл жолақ кілеммен, салтанатты безендірумен, концерттік бағдарламамен атап өтілді.

06.10.2018жылы Түркістан облысы Сайрам ауданы Қ.Жандарбеков атындағы мәдениет сарайында «Ұстаздар күні» мерекесіне орай аудандық білім беру бөлімімен бірлесе  отырып іс-шара өткізілді.Мерекелік іс-шараға  білім беру ұйымдарының басшылары, кәсіподақ ұйымының төрағалары,  озат мұғалімдер , еңбек ардагерлері, БАҚ құралдарының  өкілдері қатысты.Сахнаға құттықтау сөздерімен аудан әкімі , аудан мәслихатының хатшысы , білім беру бөлімінің басшы орынбасары, аудандық кәсіподақ комитетінің төрағасы шықты.Мерекелік іс-шарада озат мұғалімдерге Құрмет грамоталары мен сыйлықтар тапсырылды. Сонымен бірге іс-шараға шақырылған зейнеткерлерге бағалы сыйлықтар берілді. Ұстаздар құрметіне  сахнада № 1 Балалар саз мектебінің  шәкірттері  концерттік бағдарлама  ұйымдастырды. Мұғалімдер күніне орай жергілікті баспасөз құралдарында құттықтаулар , озат мұғалімдер туралы  мақалалар жарияланды.

Қазан айының 5-і күні Жетісай ауданында Мұғалімдер күні мерекесіне орай «Ұстаз болу жүректің батырлығы» атты шара өтті  Аудан орталығындағы Қ.Жандарбеков атындағы Жетісай драма театрында өткен салтанатты жиынға аудан басшылары мен ардагерлер, ұстаздар қауымы қатысты.  Білім саласы қызметкерлерінің құрметіне орай ұйымдастырылған шараға аудан әкімі Ж.Бейсенбаев арнайы қатысып, айтулы мерекемен ұстаздарды құттықтады.  Сонымен қатар, жиынға аудандық мәслихат хатшысы Ә.Утанов пен аудан әкімінің орынбасары М.Жолдасовтар қатысып, ардақты мамандық иелеріне ізгі тілектерін білдірді.

Арнайы жиында аудандық білім бөлімі басшысының міндетін атқарушы Т.Мырзалиев пен аудандық кәсіподақ ұйымының төрағасы А.Ниязбековтер құттықтауларын жолдап, ұстаздардың төл мерекесінде болашақ ұрпақты тәрбиелеу ісінде жемісті еңбек етіп келе жатқан бір топ мұғалімдер ҚР Білім және ғылым министрілігінің «Құрмет» грамотасымен, облыстық білім басқармасының «Алғыс хаттарымен», аудан әкімінің және аудандық білім бөлімінің «Алғыс хаттарымен», сондай-ақ «Қазақстандық салалық білім және ғылым қызметкерлері кәсіптік одағының Түркістан облыстық ұйымы» Қоғамдық бірлестігінің «Кәсіподаққа еңбегі сіңген қызметкер» төсбелгісі және Құрмет грамотасымен, аудандық кәсіподақ ұйымының Алғыс хаттарымен  марапатталды. Марапатталушы ұстаздарға аудандық кәсіподақ ұйымы тарапынан гүл шоқтары мен бағалы сыйлықтар табыс етілді. Іс-шара барысында білім мекемелерінің ұстаздары мен өнерлі оқушылары концерттік бағдарламаларын ұсынып, ұстаздарға деген құрметтерін көрсетті. Айтулы мерекеде ұстаздар қауымы туралы айшықты жырлар мен ізгі тілектер оқылып, ардақты мамандық иелеріне арналды.

Ұстаздардың төл мерекесі – Мұғалімдер күні білім мекемелерінде де ерекше атап өтіліп, концерттік бағдарлама мен сазды-танымдық кештер, дөңгелек үстел мен спорттық-мәдени іс-шара түріндегі түрлі жиындар ұйымдастырылып, ұстаз есімі ұлағатталды, ізгі мамандық иелеріне құрмет көрсетілді.

06.10.2018 жылы Оңтүстік Қазақстан политехникалық колледжінің үлкен мәжіліс залында Түркістан облыстық кәсіподақтар орталығы, облыстық салалық кәсіподақ комитеттері, кәсіподақ ардагерлері, кәсіподақ белсенділері және кәсіподақ жастары жалпы саны 350 адам қатысып,  Елбасы Н.Назарбаевтың «ҚАЗАҚСТАНДЫҚТАРДЫҢ ӘЛ-АУҚАТЫНЫҢ ӨСУІ: ТАБЫС ПЕН ТҰРМЫС САПАСЫН АРТТЫРУ» жолдауын талқылады. Елбасы үндеуі қашанда ел көңілінен шығып жатса, онда елі үшін қызмет етіп отырғандығының белгісі. Осы ретте әдеттегідей, биыл да Елбасымыз жұртшылыққа арналған жолдауын жария етті. Онда елдің әлеуметтік саласын, білім беру мен денсаулық сақтау саласына айрықша көңіл бөлінгендігін көреміз.  Өз кезегінде баяндама жасаған облыстық кәсіподақтар орталығының орынбасары Серік Әуесханов жолдаудағы басты мәселелерге тоқталып,қосымша түсіндірме беріп өтті.Жарыс сөзге шыққан кәсіподақ ардагері Досыбай Шерімқұлов, «Өрлеу» біліктілікті арттыру институтының кәсіподақ комитетінің төрағасы Гүлжан Айберова және Оңтүстік Қазақстан политехникалық колледжінің 2-курс студенті Керімбек Аманғали жолдаудағы          мұғалімдерге, жастарға, еліміздегі білімге, ғылымға деген  елбасымыздың сөздерін  қолдап, ризашылықтарын білдірді. Жолдау әрбір тұлға жауапкершілікке шақырып, жақсы бастамаларға бастайды. Елбасы Н.Ә.Назарбаев болашағына сенімді, азаматтық мақсаты анық елде ғана толыққанды мемлекет құрылатынына сенім білдірді. Ол үшін өз бойымызда және өскелең ұрпақ бойында жаңа қазақстандық патриотизмді тәрбиелеу өзекті мәселе екенін алға тартты. Жиыналған барша кәсіподақ белсенділері «Кәсіподақтар елбасы жолдауын қолдайды» деген ұранмен тарқасты .

2018 жылдың қазан айының 5-і күні Мақтаарал ауданында Мұғалімдер күні мерекесіне орай «Ұстаз – ұлы тұлға» атты шара өтті. Аудан орталығындағы №120 жалпы орта мектебінің акт залында өткен салтанатты жиынға аудан басшылары мен ардагерлер, ұстаздар қауымы қатысты.   Тәуелсіз еліміздің ертеңін ойлар білімді де саналы, Отанын, туған жерін, ұлтын сүйетін ұлтжанды, парасатты және рухани жан дүниесі бай азаматты тәрбиелеуде мұғалімнің еңбегі орасан зор екені белгілі. Білім саласы қызметкерлерінің құрметіне орай ұйымдастырылған шараға аудан әкімінің орынбасары Бейсенбай Төребеков арнайы қатысып, айтулы мерекемен ұстаздарды құттықтады.  Сонымен қатар, аудандық мәслихат депутаттары Бауыржан Адилов, Берік Шампиев, Әділхан Асауовтар қатысып, ұлағатты ұстаздарға құттықтау тілектерін жеткізді. Мақтаарал ауданының білім бөлімінің басшысы Серік Төребеков білім саласында тынбай қызмет етіп келе жатқан ұлағатты ұстаздарды құттықтады.  Аудандық ата-аналар комиетінің төрағасы Сейткерім Мелдеханов пен аудандық әжелер кеңесінің төрайымы Шахзада Құрманбаевалар да осы іс-шараға қатысып, ата-аналар тарапынан білім беруші ұстаздарға деген құрметтерін білдірді.

Ұстаздардың төл мерекесінде болашақ ұрпақты тәрбиелеу ісінде жемісті еңбек етіп келе жатқан бір топ мұғалімдер ҚР Білім және ғылым министрі Е.Сағадиевтің Құрмет грамотасымен, облыстық білім басқармасының Алғыс хаттарымен, аудан әкімінің және аудандық білім бөлімінің Алғыс хаттарымен марапатталды. Ардагер ұстаздарға аудандық кәсіподақ комитеті тарапынан гүл шоқтары мен бағалы сыйлықтар табыс етілді.

Мұғалімдер күні жалпы білім саласындағы қызметкерлерге, осы жолда жемісті еңбек еткен ардагерлерге, сондай-ақ білім беру саласындағы жалпы қызметкердерді бүгінгі кәсіби төл мерекелерімен құттықтаған  Мақтаарал ауданы кәсіподақ комитетінің төрағасы Алданияз Жолдасов өзінің алғысының риясыз екенін білдірді.  Мерекелік жиында мектептердің  өнерлі оқушылары концерттік бағдарламаларын қойып, ұстаздарға деген құрметтерін көрсетті.

Салтанатты жиынның мерекелік іс-шарасынан соң Мақтаарал аудандық кәсіподақ кеңесінің ұйымдастыруымен ардагер ұстаздарға дастархан жайылды.

Түркістан облысы Ордабасы ауданында «Ұстаздар күніне» орай аудандық мәдениет үйінде мерекелік іс-шара өтті. Мерекеге білім саласында көп жылдар талмай еңбек еткен 24   ардагер шақырылды.

Мерекелік жиында аудан әкімнің орынбасары А.Оралбаев ұстаздарды құттықтап, үздік ұстаздарды  аудан әкімінің алғыс хатымен 7-адамды және аудандық мәслихаттың грамотасымен 5-адам  марапттады.

Облыстық білім және ғылым қызметкерлері кәсіподағының төрағасы Б.Еркінбек бірқатар кәсіодақ белсенділерін құттықтады:

«Қазақстандық салалық білім және ғылым қызметкерлерінің кәсіптік одағы» Қоғамдық Бірлестігінің Құрмет грамотасы -5,

«Қазақстандық салалық білім және ғылым қызметкерлері кәсіптік одағының Оңтүстік Қазақстан облыстық ұйымы» Қоғамдық бірлестігінің Құрмет грамотасы -5,

«Ұстаз жолы» қоғамдық қорынан білім саласы қызметкерлеріне арналған «Елеулі еңбегі үшін» төсбелгісімен 1-адамды марапаттады.

Аудандық білім және ғылым қызметкерлері кәсіподағы төрағасы Ә.Сәдірмек  «Ұстаздар сабақтастығы» мен облыстық білім басқарамасының марапаттарын 6 адамға тапсырды.

Ардагер ұстаздардың мерекелік құттықтауды ардагер ұстаз Амантай Сексенбайұлы мен З.Маханова жалғастырып ,  Зейнеткерлік жасқа келген 10 кәсіподақ мүшелері,

ұстаздарды және ұстаздық еңбек жолын  бастаған 2018-2019 оқу жылында  жұмысқа  қабылданған 5 «Жас мамандарға» еңбек кітапшасын тапсырып марапттады.

Жас маман   «Достық» жалпы орта мекебінің математика пәнінің мұғалімі Орынбасар Бақтияр Амангелдіұлы Қазақстан Республикасының педагогикалық қызметкерінің АНТЫН салтанатты түрде тапсырды.