Рухани жаңғырудың жарқын жолы.

«Қазақстандық салалық білім және ғылым қызметкерлері кәсіптік одағының Оңтүстік Қазақстан облыстық ұйымы» Қоғамдық бірлестігінің 12.09.2018 жылғы № 09-04/158 хатына орай 2018 жылдың қыркүйек айының     25 жұлдызында Мақтарал аудандық кәсіподақ ұйымының бастамасымен М.Жұмабаев атындағы жалпы орта мектебінде «Рухани жаңғырудың жарқын жолы» тақырыбында семинар-кеңес болып өтті.

Семинар барысында қазіргі қоғамдағы ұстаздардың мәртебесі, білім саласындағы реформалар мен өзгерістер, сонымен қатар ағарту саласындағы кәсіподақ ұйымының рөлі мен мақсаттары туралы баяндалды. Іс-шараны лайықты атап өту мақсатында кәсіподақ ұйымын насихаттау үшін көрмелер әзірленіп, лозунгтер мен плакаттар дайындау  сияқты жұмыстар атқарылды.

Іс-шараның екінші бөлімінде М.Жұмабаев атындағы жалпы орта мектебі ұстаздарының қатысуымен «Білім сайысы» ұйымдастырылып, байқау жеңімпаздары аудандық кәсіподақ ұйымы тарапынан марапаттар мен бағалы сыйлықтарға ие болды.