Демалыс, саяхат туры

Түркістан облысы білім және ғылым қызметкерлерінің жергілікті кәсіптік одағы ҚБ ұйымдастыруымен Сарыағаш аудандық кәсіподақ комитетінің бір топ мұғалімдері, 136 білім саласындағы азамат азаматшаларымыз Қырғызстан Республикасы Ыстықкөл аймағындағы “Алмазный берег” демалыс үйіне барып 5 күн демалып, саяхаттап келді. Жоғары деңгейде ұйымдастырылған Түркістан облысы кәсіподақ комитетінің маманы Б.Қилыбай мырзаға үлкен алғысымызды айтамыз, яғни кәсіподақ мүшелеріне барынша ыңғайлы етіп орындар беріп, көліктерімен қамтамасыз етті. Саяхат барысында, Григоревский, Семеновское ущелье, сарқырама, Қаракөл, Таулы аймақтары, Ыстық емдік суы, Ыстықкөл ортасына Лайнермен аралау т.б баға жетпес керемет өлкелерімен таныстырылды. Ыстықкөлдегі әрбір сәт керемет позитивке, және эмоцияға толы болды. Кәсіподақ мүшелері ризашылығын білдіріп, көтеріңкі көңіл-күймен елге оралды.

Сарыағаш аудандық кәсіподақ комитетінің баспасөз қызметі.