Арыс қалалық іс шара

Арыс қаласындағы ер балаларға арналған Білім инновациялық лицейінің алғашқы түлектері қанат қақты. Лицей оқушылар оқу жылының қорытындысын жоғары дәрежеде зор табыспен аяқтады. Лицей оқушыларының оқу жылымен аяқталу іс-шарасы жоғары дәрежеде өткізілді.
Осы іс-шараға Арыс қалалық білім және ғылым қызметкерлерінің кәсіподақ комитеті Мухаев Жуматай Ишантайұлы қатысып, ізгі тілегін білдірді.
Республикалық, Халықаралық, облыстық олимпиадаларда және түрлі байқауларда топ жарған Пайызхан Ерайдын Асылханұлы 86 мемлекеттен шақырту алды. Ерайдын Асылханұлы мен сынып жетекшісіне Арыс қалалық кәсіподақ комитетінің атынан Манкент шипажайына арнайы жолдама табыстады.
Сонымен қатар, Таджибаев Фаррухжон Мирвахидовичке, Мельдеханова Ботакоз Мусырхановнаға, Анарбаев Самат Берікұлына, Сапарбаева Гулзат Кожагелдіқызына Арыс қалалық білім және ғылым қызметкерлері кәсіподақ комитетінің Құрмет Грамотасы табысталды.
Түркістан облыстық білім басқармасының Құрмет грамотасымен Жуманов Бауыржан Жақыпұлы марапатталды.
Қалалық кәсіподақ тарапынан ұстаздарға облыстық білім басқармасының және Арыс қалалық кәсіподақ комитетінің тарапынынан марапаттар беріліп, табыстады.

Арыс қалалық кәсіподақ комитетінің баспасөз қызметі.