Арыс қаласының ұстаздары Ыстықкөлде!

Арыс қаласынан 55 ұстаз Қырғыстан еліндегі Ыстықкөлге демалуға аттанды!

Ұстаздарымыз жыл бойы тынымсыз еңбек етіп, шәкірт тәрбиелеп, білім беруде үлкен үлес қосып келеді. Енді міне, өз еңбектерінің жемісіндей болып, табиғаты тамаша, мөлдір көлдің жағасында бір сәт тынығып, қуат алуға жолға шықты.

Бұл – тек демалыс емес, бұл – шабыт пен жаңарудың сәті. Ұстаздарымыз демалып қана қоймай, ем алып, күш жинап келеді.

Ұстаздарымызды Арыс қалалық кәсіподақ комитетінің бас есепшісі Еділбекова Ботагөз Ақтауыққызы сәтті сапар тілеп, шығарып салды.

Жолдарыңыз ашық, күндеріңіз шуақты болсын, ардақты ұстаздар!

Сәттілік пен жарқын әсерлер серіктеріңіз болсын!

Арыс қалалық кәсіподақ комитетінің баспасөз қызметі.