«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Төлеби аудандық адами әлеуетті дамыту бөлімі және аудандық кәсіподақ комитеті  ұйымдастыруымен «Мұғалімдер күні» мерекесіне орай «Ұстаздық – ұлық емес, ұлы есім!» атты аудандық мәдениет үйінде ұстаздардың төл мерекесіне арнап, мерекелік іс-шарасын өткізді.

Мерекелік іс-шараға ауданның үздік мұғалімдері және кәсіподақ төрағалары шақырылып, сыйлықтар табысталды. Салтанатты іс шарада аудан әкімі орынбасары алғашқы болып құттықтау сөзін айтып, ұстаздарды мадақтама грамоталарымен марапаттады. Аудандық білім бөлімі басшысы және кәсіподақ комитеті төрағасы оқу жылында жетістіктерге қол жеткізген, білім саласына өз үлесін қосқан, шәкірттері республикалық, облыстық байқаулардан, ғылыми жобалардан жүлделі орын иеленген ұстаздарды, сонымен қатар кәсіподақ комитетіне өз үлесін қосқан ұстаздарды марапаттады. Төлеби ауданы кәсіподақ комитеті төрағасы Р.Сайлауұлы құттықтау сөзін айтып, Түркістан облысы білім және ғылым қызметкерлерінің жергілікті кәсіптік одағы марапаттарын табыстады.  Мерекелік іс-шара концерттік бағдарламамен жалғасын тапты.

Аудандық кәсіподақ комитетінің баспасөз қызметі

ҰСТАЗДАРҒА ҚҰРМЕТ КӨРСЕТІЛДІ

Бүгін аудандық мәдениет үйінде ұстаздар күніне арналған мерекелік іс-шара өтті. Мерекелік жиынға аудан әкімі М.Отаршиев, аудан әкімінің орынбасары Н.Талипов, аудандық «Nur Otan» партиясы Сарыағаш аудандық филиалы төрағасының бірінші орынбасары Қ.Қыстаубаев, аудандық мәслихат депутаты М.Асилов, аудандық білім және ғылым қызметкерлері кәсіподағының төрағасы Ә.Тастанбеков, мектепке дейінгі және орта білім беру мекемелерінің басшылары, ардагер ұстаздар мен ұлағатты ұстаздары қатысты.

Мерекелік жиында ауданның адами әлеуетті дамыту бөлімінің басшысының міндетін атқарушы Даулет Анасұлы өз сөзінде: «Сіздерді кәсіби мерекелеріңіз – Мұғалімдер күнімен шын жүректен құттықтаймын! Бұл мереке шын мәнінде барша халыққа ортақ. Адам баласы қай заманнан бері жаңаны үйреніп, ғылымды игеріп, білімді тоқумен келеді. Қай кезеңде болмасын тәлім мен тәрбие беру – ең ұлы мұрат. Бұл орайда оқушы зердесіне осынау асылды дарытушы, білімнің бағдары, ұрпақтың бағбаны, ол ең алдымен – мұғалім. Жаңа дәуір талабына сай озық тұрған ұстаздың ғана шәкірт алдында беделі биік. Бүгінде сала мамандары педагогикалық дәстүрлерді сақтай отырып, заманауи әдістерді, инновациялық әзірленімдерді оқыту процесіне ұтымды енгізуде. Атқарылған жұмыстың сапасын оқушыларымыздың жеткен жетістіктерінен, мұғалімдердің кәсіби біліктілігінен көреміз. Ауданда 80 білім беру және 16 мемлекеттік мекетепке дейінгі мекемелерде 7000-ғе жуық мұғалім 60 мың оқушыны тәрбиелеп, білім беруде.Тиісінше соңғы жылдары педагогтарға мемлекет тарапынан үлкен қолдау көрсетіліп келеді. Елімізде “Педагог мәртебесі туралы” Заң қабылданды. Білім мен ғылымды дамытудың 2020-2025 жылдарға арналған бағдарламасы бекітілді. Нәтижесінде педагогтар мен оларға теңестірілген қызметкерлердің еңбекақысы өсуде.Биылғы Жолдауында да Президент мұғалімдерді қолдау саясаты жалғасатынын жеткізді. Бұл шаралар ұстаздардың қоғамдағы ролін арттыруға үлкен серпін беретіні анық. Аяулы ұстаздар, бүгінгідей ұлық мерекеде өскелең ұрпақты оқыту және тәрбиелеу ісіндегі еңбектеріңізге табыс, дендеріңізге саулық, отбасыларыңызға құт-береке тілеймін! Дана халқымыз «Ұстаздық еткен жалықпас, үйретуден балаға»дейді. Ендеше, кәсіби шеберлікті шыңдау жолындағы ұмтылыстарыңыз ешқашан сарқылмасын!»,–деп ізгі ниетін білдірді.

Сондай-ақ, аудан әкімі М.Отаршиев ұстаздарды төл мерекесімен құттықтай отырып, ұстаздарды Қазақстан Республикасы Білім және ғылым министрлігінің «Алғыс хаты» және аудан әкімінің «Құрмет грамотасымен» марапаттады.

Мерекелік жиын барысында аудандық мәслихат депутаты М.Асилов, «Nur Otan» партиясы Сарыағаш ауданы филиалы төрағасының бірінші орынбасары Қ.Қыстаубаев, аудандық білім және ғылым қызметкерлері кәсіподағының төрағасы Ә.Тастанбеков және ауданының адами әлеуетті дамыту бөлімі басшысының міндетін атқарушысы Д.Акатов облыстық және аудандық деңгейдегі алғыс хаттар мен бағалы сыйлықтарды табыстап, сый-құрмет көрсетті.

Мерекелік жиын соңында өнерпаздар ұстаздарға арнайы ән шашу мен мерекелік көңіл-күй сыйлады.

Кәсіподақ ұйымы  қолдау көрсетуге келді

Шардара аудандық білім қызметкерлері кәсіподақ ұйымының төрағасы Ұлықбек Жұман, “Қоссейіт” жалпы орта мектебінің бастауыш кәсіподақ ұйымының төрағасы Ибадулла Саухатов  өрт құшағына оранған мұғалімнің шаңырағында болды .

Қоссейіт ауылында тұратын Сейтжаппаров Асқар мен “Қоссейіт” мектебінің тарих пәнінің мұғалімі Бота  Шораеваның шаңырағы түк қалмай өртеніп кеткен . Кәсіподақ ұйымының төрағасы Ұлықбек Назарұлы  басу айтып, кәсіподақ атынан қаржылай көмек беретінін жеткізді.

Әрбір мұғалім кәсіподақ ұйымының мүшесі болғандықтан, қолдау көрсету  басты парызымыз.

Ел болып көмек қолын созып жатқан жаны жомарт   жандар да табылуда.

Кәсіподақ ұйымының атынан  ол кісілерге рақмет айтамыз.

Ұстазын ұлықтаған ұлы той!

Алғыс хатпен көмкеріп, гүлмен кестеленген марапатқа толы күн!

«Алты Алаштың ұрпағы бас қосса төр мұғалімдікі» -деп жоғарыдан орын ұсынатын Сауран ауданы адами әлеуетті дамыту бөлімінің басшысы Ақмарал Үсенқызы  басқарған ұжымның ұйымдастыруымен және Фатима Абутәліпқызы басқарған Сауран аудандық білім және ғылым қызметкерлері кәсіподақ комитетінің қолдауымен аудан бөліміне ауыл білім мекемелерінің мұғалімдерін жинап үлкен жиын өткізді.

Жиында Сауран Ауданы Әкімдігі әкімі Ғани Рысбеков мырза , облысымыздың бас ұстазы Түркістан адами әлеуетті дамыту басқармасын басқарып отырған Рахымбек Жолаев мырза,  Сауран аудандық білім және ғылым қызметкерлері кәсіподақ комитетінің төрайымы Фатима Абутәліпқызы, Сауран Ауданының  Мәслихат хатшысы Күнпейісов Мейрамбек мырза ұстаздарды құттықтап, мерейін тасытатын құрмет сөздерін арнап аудан білім мекемелерінің мұғалімдерін марапаттады.

Сауран ауданының әкімі Ғани Құрмашұлының «Алғыс хатымен»10 мұғалім марапатталды; Искакова Света, Абдукаримова Ләззат, Бабатаев Эльбрус, Жанабекова Гүлзипа, Ахмедова Зулпия, Абишева Рахия,Сәрсенбаева Гүлнара, Айтметов Маматрайм, Тубелбаева Эльмира, Исмайлова Захра. Ауданының  Мәслихат хатшысы Күнпейісов  Мейрамбек мырзаның  «Алғыс хатымен» 5 мұғалім марапатталды;

Батырбекова Рая, Султанова Рая, Азимова Тажихан, Анламасова Гулжахан, Қайназарова Гулдерай.

Облысымыздың бас ұстазы Түркістан адами әлеуетті дамыту басқармасының басқарып отырған Рахымбек Қуатбекұлының «Алғыс хатымен»10 мұғалім марапатталды;  Нурметова Гулнара, Кошанов Нұрлыбек, Шахапова гүлсара, Ахмедова Муқаддас, Жарасбаева Бибизада, Шажалиева Захида, Амирбекова Гулмира, Джакенова Зилайха, Усербаева Светлана, Рахманов Улугбек.

Сауран аудандық білім және ғылым қызметкерлері кәсіподақ комитетінің төрайымы Ф.Рысбекова «Кәсіподаққа еңбегі сіңген қызметкері»  төс белгісімен 9 мұғалім марапатталды;  Ерімбет Тамар, Мамитова Худайберген, Сулейменова Кенжекул, Сейсенова Гулмира, Манашев Талғат, Балтабаев Алишер, Тулепбаев Ержан, Кушанов Асадулла, Бегметова Дларам  және «Құрмет граммотасымен» Азизханов Шерзод, Камилова Махира, Сатбаева Кулзина, Гульмира Ерниязова.

Еліміздегі ежелден бері қалыптасқан жақсы дәстүрдің бірі–ол үлкенді сыйлау.

Аудан әкімі Ғани Құрмашұлы  білім саласына үлес қосқан ардагер ұстаздарымызды да ұмыт қалдырмады. Өмір мектебі, еңбек жолы кейінгі жастарға үлгі болған ұстаздарымыз Жолдасбекова Бексұлу,  Жарылқасынов Балтабай , Ахмедов Сейілхан, Абдулла Айша, Шарафутдинов Ахтам, Байбуриева Раушан, Тажибаева Шакира, Тубелбаев Кенжебек, Мухаммедов Зухриддин, Уринбасаров Абсалам, Абдуваситов Абдуважит, Нарымбетова Бибіхан,Маннапов Шавкат сынды сындарлы ардагер ұстаздарымызға елеулі еңбектерін бағалап, сый-сыяпат табыстап, құрмет көрсетті.

Кеш бүлдіршіндер әнімен түрленіп, билерімен толығып, ағалардың ән шашуымен көмкерілді.

Мерекелеріңіз құтты болсын ұстаздар!

«ҰСТАЗЫМ МЕНІҢ, ҰСТАЗЫМ…»

Түркістан қалалық адами әлеуетті дамыту бөлімінің ұйымдастыруымен және Түркістан қалалық білім және ғылым қызметкерлері кәсіподақ комитетінің қолдауымен «Ақжайық» музыкалық мектебінде ұстаздар құрметіне арналған салтанатты жиын өтті. Түркістан қаласының әкімі Н.Тұрашбеков ұстаздарды мерекемен құттықтап, білім саласының озат ұстаздарын қала әкімінің алғыс хатымен марапаттады. Облыстық адами әлеуетті дамыту басқармасының басшысы Р.Жолаев шығармашылығымен көзге түскен ұстаздарды марапаттады. «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің филиалы Түркістан қалалық білім және ғылым қызметкерлері кәсіподақ комитетінің төрайымы Г.Турежанова ұстаздар қауымын, ардагер ұсаздарды төл мерекелерімен құттықтап гүл шоқтары мен бағалы сыйлықтарын табыстады.

Белсенді кәсіподақ мүшелерін «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің “Кәсіподаққа еңбегі сіңген қызметкер» төс белгісімен:  Е.Иззатуллаев атындағы жалпы орта мектебінің директоры М.Иззатуллаевты,  Ататүрік атындағы №17 мектеп – гимназиясының орыс тілі пәні мұғалімі З.Мадиеваны, «Ататүрік атындағы №17 мектеп- гимназиясының орыс тілі пәні мұғалімі С. Хамракулованы, «Р.Исетов атындағы №20 жалпы орта мектебінің тарих пәні мұғалімі Д.Хамракуловты, Қ.Сәтбаев атындағы №12 жалпы орта мектебінің дене шынықтыру пәні мұғалімі А.Сейтжановты марапаттады. Жиын ән шашумен жалғасты.

Мақтаарал аудандық адами әлеуетті дамыту бөлімінің ұйымдастыруымен, аудандық кәсіподақ комитетінің қолдауымен 1 қазан күні «Ұстаздар күні» мен «Кәсіподақтар күні» мерекелері қарсаңында «Ұстаз – ұлы есім» атты мерекелік шара ұйымдастырылып өткізілді.

Мерекелік іс-шараға  Мақтаарал ауданы әкімінің орынбасары Б.Төребеков, аудандық әжелер алқасының төрайымы Ш.Құрбанбаева, аудандық адами әлеуетті дамыту бөлімінің басшысы М.Серікбаев, аудандық кәсіподақ комитетінің төрағасы А.Жолдасов, аудандық ата-аналар комитетінің төрағасы М.Оспанов, аудандық жастар ресурстық орталығының басшысы С.Кенжабаев, аудандық мәслихаттың депутаттары қатысып, мерекелік шараға келген барша негізгі және жалпы мектептердің директорлары мен ұлағатты ұстаздарды мерекемен құттықтап, жылы лебіздерін білдірді.

Мерекелерге орай ұйымдастырылған шара барысында Мақтаарал ауданы әкімінің орынбасары Б.Төребеков, аудандық адами әлеуетті дамыту бөлімінің басшысы М.Серікбаев білім беру саласында жоғарғы жетістіктерге қол жеткізген ұстаздарға құрмет көрсету мақсатында түрлі деңгейдегі марапаттарды табыстады.

Сонымен қатар Мақтаарал аудандық кәсіподақ комитетінің ұсынуымен «Nur Otan» партиясының Түркістан облыстық филиалы төрағасының бірінші орынбасары Б.Тәжібаевтың «Алғыс хаты» «Х.Доспанова атындағы №16 жалпы орта мектебінің директоры Б.Өстеновқа, Түркістан облыстық адами әлеуетті дамыту басқармасының басшысы Р.Жолаев пен облыстық білім және ғылым қызметкерлерінің жергілікті кәсіптік одағы Қоғамдық бірлестігінің төрағасы Б.Еркінбектің бірлескен «ҚҰРМЕТ ГРАМОТАСЫ» «В.Комаров атындағы жалпы орта мектебінің директоры З.Жаманқараева мен «Жаңа жол» жалпы орта мектебінің директоры Г.Айнабековаға, Түркістан облыстық білім және ғылым қызметкерлерінің жергілікті кәсіптік одағы Қоғамдық бірлестігінің төрағасы Б.Еркінбектің «Кәсіподаққа еңбегі сіңген қызметкер» төсбеліглерін Ж.Нұрлыбаев атындағы №27 жалпы орта мектебінің әлеуметтік педагогы К.Жораевқа, Жамбыл жалпы орта мектебінің директоры М.Сейдалиевқа, Тұрсын-Заде жалпы орта мектебінің бастауыш кәсіподақ ұйымының төрағасы Б.Сыдыковқа, облыстық кәсіподақ комитенің «ҚҰРМЕТ ГРАМОТАСЫ» мен «АЛҒЫС ХАТТАРЫ» Мақтарал мектеп-гимназиясының директорының оқу ісі жөніндегі орынбасары Ж.Кадыроваға, М.Ғабдуллин атындағы жалпы орта мектебінің қазақ тілі пәнінің мұғалімі Қ.Ирзаеваға, Абылайхан атындағы жалпы орта мектебі директорының оқу ісі жөніндегі орынбасары А.Мусабековаға, С.Айни атындағы жалпы орта мектебінің физика пәнінің мұғалімі Ф.Алимоваға, Б.Соқпақбаев атындағы жалпы орта мектебінің бастауыш сынып мұғалімі Г.Арыноваға, «Бәйтерек-Бақ» бала бақшасының меңгерушісі Б.Прановаға, «Би-Мардан» бала бақшасының меңгерушісі Р.Кубееваға аудандық кәсіподақ комитетінің төрағасы А.Жолдасов табыстады.

Білім беру саласына өлшеусіз еңбегің сіңіріп келе жатқан ұлағатты ұстаздарымызға арнайы қазақ эстрадасының жарық жұлдыздары Наркенже Серікбаева, Асан Пердешов пен Мөлдір Бақытжанқызы ән шашуларын тарту етті.

Мерекелік шараның соңы концерттік бағдараламамен жалғасын тапты.

Құрметті білім беру саласының қызметкерлері, барлықтарыңызды «Ұстаздар күні» мен «Кәсіподақтар күні» мерекелерімен шын жүректен құттықтаймыз. Мереке құтты болсын!

Мақтаарал аудандық кәсіподақ комитетінің баспасөз қызметі

Түлкібас аудандық  адами әлеуетті дамыту бөлімі мен аудандық кәсіподақ комитетінің ұйымдастыруымен әр жылы  дәстүрлі түрде аталып өтілетін «МҰҒАЛІМДЕР КҮНІ» мен «ҚАЗАҚСТАН КӘСІПОДАҚТАР КҮНІ»  мерекелері  аудан орталығындағы мәдениет үйінде аталынып өтті. Мерекелік іс-шараға аудан әкімі Н.Байғұт，мәслихат төрағасы С.Сейсенбаев адами әлеуетті дамыту бөлімінің басшысы  Е.Қадырбек аудандық кәсіподақ комитетінің төрағасы Д.Абишев  және  ардагер  ұстаздардың  қатысуымен жоғары  дәрежеде  өтті. Мерекеде  ауданның  өз мамандықтары бойынша  жетістіктерге жеткен  ұлағатты  78 ұстаздар әртүрлі дәрежедегі марапаттарымен  марапатталып  сыйлықтар берілді. Мерекелі күн соңы өнерлі ұстаздардың концертімен жалғасын тапты.

Ордабасы аудандық адами әлеуетті дамыту бөліміне қарасты А.Шерімқұлов атындағы жалпы орта мектебінде Тәуелсіздіктің 30 жылдығына орай, 1-қазан Халықаралық “Қарттар күні” мен “Ұстаздар мерекесі” қарсаңында, “Ұстаз аты-биік, әрі мәңгілік” атты мерекелік жиын өтті. Мерекелік жиынымызды мектеп директорының міндетін уақытша атқарушы Мырзабеков Ержан Айтмуханбетұлы мен Ордабасы аудандық білім және ғылым қызметкерлері кәсіподақ комитетінің төрағасы Төлебаев Қайрат мырза ашып беріп, ұстаздарымызды құттықтап, марапаттады. “Қарттар күні” мерексіне қарсы зейнетке шыққан ұстаздарымызды жиынға шақырылып марапатталды. Химия пәнінің мұғалімі Жұмабек Фарида мен орыс тілі пәні мұғалімі Байнеева Гулшахар апайларымызды зейнетке шығарып салу жиыны өтті.

Құрметті ұстаздар қауымы, Сіздерді мерекелеріңізбен шын жүректен құттықтаймыз, Сіздерді егеменді еліміздің өрелі де, өнегелі перзенттерін тәрбиелеуде қажырлы қайрат, еңбектеріңізге жеміс тілейміз.

Арыс қаласының адами әлеуетті дамыту бөлімінің ұйымдастыруымен Ергөбек мәдениет үйінде ұстаздар мерекесіне орай “Ұстаз-мектептің жүрегі” атты салтанатты іс-шара болып өтті. Мереке барысында жетістікке жеткен ұстаздар марапатталды. Атап өтетін болсақ, Түркістан облыстық білім және ғылым қызметкерлері жергілікті кәсіподақ комитетінің “Кәсіподаққа еңбегі сіңген қызметкер” төс белгісімен И.Журба атындағы жом бастауыш кәсіподақ комитетінің төрайымы Байысбай Гулжан Лесбекқызы, Арыс орта мектебінің бастауыш кәсіподақ комитетінің төрағасы Ибадуллаев Молдабай Кушербаевич, №372 бастауыш мектебінің директоры Есілбекова Тәжікүл, Түркістан облысытық адами әлеуетті дамыту басқармасы мен облыстық білім және ғылым қызметкерлері жергілікті кәсіподақ комитетінің Құрмет грамотасымен Монтайтас жом бастауыш кәсіподақ комитетінің төрағасы Оңалбаев Ержан Еркинович, Ә.Жангелдин атындағы жом бастауыш кәсіподақ комитетінің төрағасы Серманизов Қаймахан Турдалиевич, Түркістан облысы білім және ғылым қызметкерлері жергілікті кәсіподағы комитетінің Құрмет грамотасымен №376 бастауыш мектебінің бастауыш сынып мұғалімі Исаева Улжан Аманкулова, Айгөлек балабақшасының қоймашысы Жаркенова Алия Адилбекқызы, М.Шаханов атындағы жом география пәнінің мұғалімі Тулентаева Гулшат Сарыбаевна, Б.Кенжебаев атындағы жом мұғалімі Шадибекова Гулсана Амангелдиевна, Ж.Байгуттиева атындағы Өнер мектебінің домбыра пәнінің мұғалімі  Орынбай Гульмая, Түркістан облыстық Нұр Отан париясы филиалының Алғыс хатымен С.Қожанов атындағы жом бастауыш кәсіподақ комитетінің төрайымы Тургунова Гулзада Уалихановна, Түркістан облысы әкімінің Құрмет грамотасымен №2 бастауыш мектебінің директоры  Бектурганова Назипа Ермановна.

Марапаттарыңыз құтты болсын қадірлі ұстаздар!!!

Қазақстан Республикасының тәуелсіздігінің 30 жылдығына және 10 қазан Қазақстан Кәсіподақтары күніне орай 2021 жылы 30 қыркүйек күні Төлеби ауданынының адами әлеуетті дамыту бөлімі мен аудандық кәсіподақ комитеті бірлесіп мұғалімдер спартакиадасын өткізді. Ережеге сәйкес жарыс спорттың 3 түрінен жүргізіліп, №7 ІТ мектеп-лицей базасында ерлер арасында кіші футболдан, №3 П.Тәжібаева атындағы ЖОББМ базасында әйелдер арасында волейболдан, №2 Ш.Уәлиханов атындағы ЖОББМ базасында үстел теннисінен жарыстар өткізілді.

Жарыс нәтижелері бойынша:

1) Кіші футболдан жүлделі 1 орынды «Көксәйек» аймағы, 2 орынды «Қасқасу» аймағы, 3 орынды «Бірінші мамыр» аймағы иеленді.

2) Волейболдан жүлделі 1 орынды «Бірінші мамыр» аймағы, 2 орынды «Ленгір» аймағы, 3 орынды «Қаратөбе» аймағы иеленді.

3) Үстел теннисінен жүлделі 1 орынды «Қасқасу» аймағы, 2 орынды «Ленгір» аймағы, 3 орынды «Көксәйек» аймағы иеленді.

Марапаттау рәсімінде аудандық кәсіподақ комитетінің төрағасы Раджу Сайлауұлы  жүлделі орынға ие болған командаларға кубоктар, мадақтамалар және спорттық жабдықтарды табыстады. Сонымен қатар, жарысқа қатысушылар номинациялық мадақтамаларға ие болды.

Аудандық кәсіподақ комитетінің баспасөз қызметі