«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Кентау қалалық білім және ғылым қызметкерлерінің кәсіподақ комитетінің ұйымдастыруымен, Түркістан облысы білім және ғылым қызметкерлерінің жергілікті кәсіптік одағының жұмыс жоспарына сәйкес ағымдағы жылдың 03 мамыры күні Кентау қаласындағы Ю.Гагарин атындағы №16 политехникалық мектеп-лицейінің акт залында Кентау қалалық адами әлеуетті дамыту бөліміне қарасты білім беру ұйымдарының басшылары, мен басшы орынбасарлары на, әдіскерлеріне, қоғамдық еңбек инспекторлары мен бастауыш кәсіподақ комитеті төрағаларына “Білім беру ұйымдарында еңбек заңнамасының сақталуы”, “Келісу комиссиясының жұмысын ұйымдастыру” тақырыптарында оқу-семинары өткізілді. Оқу семинарына 98 кәсіподақ мүшелері қамтылып, сертификатталды. Қатысушыларғаоқу әдістемелік нұсқаулықтар таратылды. Оқу семинарында Түркістан облысы білім және ғылым қызметкерлерінің жергілікті кәсіптік одағының бөлім басшысы-заңгері Ақбердиев Ғабит Кенесұлы тақырып бойынша кең көлемде түсіндірме жүргізіп, сұрақтарға жауап берді. Облыстық білім беруді дамыту орталығының әдіскері Касымбаева Бибігүл Шарапқызы Білім беру үдерісіндегі нормативті құқықтық құжаттар, мектеп басшыларының, орынбасарларының және мұғалімдердің аттестациялануына байланысты өзгерістер, біліктілік талаптары туралы тақырыптық баяндама жасап, қатысушыларды толғандырып жүрген мәселелер, сұрақтар төңірегінде қызу талқылаулар жүрді.

Семинар қорытындысында жоғары жетістіктерге жетіп жүрген белсенді кәсіподақ мүшелері республикалық және облыстық дәрежедегі алғыс хаттармен, төсбелгілермен марапатталды.

Облыстық кәсіподақ комитетінің баспасөз қызметі.

2023 жылғы 28 сәуір күні «Түркістан облысы білім және ғылым қызметкерлерінің жергілікті кәсіптік одағы» ҚБ атқару комитетінің кеңейтілген мәжілісі өткізілді.
Мәжіліске атқару комитетінің мүшелері, аудандық және қалалық кәсіподақ комитеттерінің төрағалары және кәсіподақ активі қатысты.
Атқару комитетінің мәжілісін облыстық кәсіподақ комитетінің төрағасы Б.Еркінбек ашып, жүргізіп отырды. Б.Еркінбек мәжіліске қатысушыларды күн тәртібімен таныстырды, күн тәртібі бекітілді.
Атқару комитеті мәжілісінде «Түркістан облыстық кәсіподақ комитетінің 2022 жылы атқарылған жұмыстары туралы» облыстық кәсіподақ комитетінің төрағасы Б.Еркінбек баяндама жасады. Есепті кезеңде жоспарға сәйкес облыстық кәсіподақ комитетінің пленумы, атқару комитетінің 4 кеңейтілген мәжілісі өткізілді. Кәсіподақ қызметінің негізгі бағыттары бойынша жұмыстар атқарылды, кәсіподақ мүшелерінің әлеуметтік-экономикалық және еңбек құқықтарын қорғау жөнінде іс шаралар ұйымдастырылды, кәсіподақ активімен семинарлар өткізілді. Облыстық кәсіподақ комитеті Түркістан қаласында «Еңбек күніне», «Кәсіподақтар күніне» арналған облыстық деңгейдегі іс-шаралар өткізді. Облыстық адами әлеуетті дамыту басқармасымен бірлесіп «Ұстаз барысы» облыстық спорт жарысы, «Білім беруді дамыту орталығымен» бірге оқушылардың кітап оқуға қызығушылығын арттыру мақсатында «КitapХАН@» кітап оқу жарысы өткізілді. Аудандық және қалалық кәсіподақ комитеттері облыс бойынша озат математика мұғалімдеріне математика пәнінің жаңартылған оқулықтарының 120-дан астам комплектін алуға демеушілік жасады. Баяндаманы талқылау бойынша Сарыағаш, Мақтаарал, Түлкібас аудандық, Арыс, Кентау қалалық кәсіподақ комитеттерінің төрағалары Ә.Тастанбеков, А.Жолдасов, Д.Абишев, Ж.Мухаев және Т.Садуов сөйледі.
Түркістан облыстық адами әлеуетті дамыту басқармасы кадр бөлімінің басшысы Р.Жайлаубай кәсіподақ активіне білім беру саласындағы басшы кадрларды іріктеу, қызметке қою, ротация жасау және ауыстыру мәселелері бойынша түсіндірме жасады, сұрақтарға жауап берді.
Облыстық кәсіподақ комитетіне 2022 жылы кәсіподақ мүшелерінен түскен хаттар, арыз-шағымдар мен өтініштерді қарау қорытындылары жайлы облыстық кәсіподақ комитетінің бөлім басшысы Ғ.Ақбердиев хабарлама жасады.
Атқару комитетінің кеңейтілген мәжілісі қаралған мәселелер бойынша тиісті қаулылар қабылдады.
Атқару комитеті мәжілісінде облыстық кәсіподақ комитетінің ағымдағы жұмыстары бойынша пікір алысу жүргізілді.

Облыстық кәсіподақ комитетінің баспасөз қызметі.

«Арыс қаласының адами әлеуетті дамыту бөлімі» мемлекеттік мекемесіне қарасты №1 Е.Молдабаев атындағы жалпы мектеп- интернат базасында 28 сәуір «Дүниежүзілік еңбекті қорғау» күніне орай 2023 жылдың 27 сәуір күні «Адами әлеуетті дамыту бөлімі» және «Арыс қалалық білім және ғылым қызметкерлері кәсіподағы» комитетімен бірігіп ұйымдастырылып іс-шара өтілді.

Аталған іс-шараға «Адами әлеуетті дамыту» бөлімінің басшысы Момбеков Әшімхан Тілеуханұлы қатысып сөз алып сапалы, саналы тәрбие беретін озатты ұстаздарды Төс белгісімен құттықтап марапаттап және «Арыс қалалық білім және ғылым қызметкерлері кәсіподағы» төрағасы Мұхаев Жұматай Ишантайұлы Құрмет грамотасымен ұстаздарды құттықтады.

ҚР «MARTEBE» білім және ғылым қызметкерлері салалық кәсіподағының Алғыс хаты, Түркістан облысының адами әлеуетті дамыту басқармасының Алғыс хаты, Түркістан облыстық білім және ғылым қызметкерлері кәсіподағының Құрмет грамотасы және Алғыс хаттары, Түркістан облыстық білім және ғылым қызметкерлері кәсіподағының Төс белгісімен марапаттады.

Марапттарыңыз құтты болсын құрметті ұстаздар!

Шара соңында өнерлі оқушылар өз өнерлерімен мерекенің сәнін келтіріп, әннен шашу шашып, би биледі.

Арыс қалалық кәсіподақ комитетінің баспасөз қызметі.

Жетісай ауданының білім бөлімі және кәсіподақ комитетінің ұйымдастыруымен еңбекті қорғау, еңбек қауіпсіздігі ережелерін сақтауды үйрете отырып шыңдау мақсатында, Жетісай қаласындағы білім беру ұйымдарынан құрылған 9 команда арасында “Ой дода” сайысы өтті. Сайыстың мақсаты педагогтардың өз құқықтарын және міндеттерін білуге, еңбек заңнамаларын сақтауға шақыру аясында болды. Сайысқа қатысқан командаларға бағалы сыйлықтар табыс етіліп, алдағы уақытта ауыл мектептерін қамту көзделіп отыр. Кәсіподақ комитетінің маманы Бейсенов Сакен жеңімпаз командаларға бағалы сыйлықтар табыс етті.

Жетісай аудандық кәсіподақ комитетінің баспасөз қызметі.

27 сәуір күні, Отырар аудандық кәсіподақ комитетінің ұйымдастыруымен 28 сәуір-Дүниежүзілік еңбекті қорғау күніне орай мерекелік іс-шарасын өткізді.

Отырар ауданы бойынша білім беру мекемелерінің директорлары мен бастауыш кәсіподақ ұйымдары төрағалары және кәсіподақ активтері марапатталды. Өткізілген іс-шараға аудандық білім бөлімінің бас маманы

Арын А. қатысты.

Отырар аудандық кәсіподақ комитетінің баспасөз қызметі.

2023 жылы 26 сәуір күні аудандық білім және ғылым қызметкерлері кәсіподағы комитетінің ұйымдастыруымен аудандық мәдениет үйінде, «28 сәуір-Дүниежүзілік еңбекті қорғау күніне» орай, Ордабасы аудандық адами әлеуетті дамыту бөліміне қарасты мекемелердің бастауыш кәсіподақ ұйымының төрағалары, техникалық инспекторлары, директордың шаруашылық ісі жөніндегі орынбасарлары, шаруашылық меңгерушілері және өндірістік кеңестің төрағаларының қатысуымен «Еңбекті қорғау және еңбек қауіпсіздігін басқару жүйесі» тақырыбында семинар өтті.

Семинарға Түркістан облысы бақылау жөніндегі басқармасының мемлекеттік еңбек инспекторы Б.Нұрмаханов, «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің бөлім басшысы, заңгері, Ғ.Ақбердиев және аудандық адами әлеуетті дамыту бөлімінің заңгері М.Молдабаев қатысып, баяндама жасап, семинарға қатысушылар тарапынан қойылған әртүрлі сұрақтарға жауап берді.

Семинар барысында, семинарға қатысушылар тарапынан «Қызылжар» жом еңбекті қорғау және еңбек қауіпсіздігі жөніндегі техникалық инспекторы Калдарбекова Гулжан Асановна, «Жусансай» жом еңбекті қорғау және еңбек қауіпсіздігі жөніндегі техникалық инспекторы Жапанов Медет Қасымханұлы, «Ай-Томирис» бб бастауыш кәсіподақ ұйымының төрағасы Жакен Айгүл Айтбекқызы жарыс сөзге шығып, өз ұжымдарындағы жасаған жұмыстары жөнінде мәлімдемелер жасады.

Аудандық кәсіподақ комитетінің төрағасы Қ.Төлебаев еңбек қауіпсіздігіне, кәсіби аурулардың алдын алуға бағытталған ұжымдық шартқа енгізілген талаптарға тоқталып, қойылған сұрақтарына жауап беріп, семинарға қатысушыларға алғысын білдіріп жұмыстарына табыс тіледі. Семинар соңында еңбекті қорғау және еңбек қауіпсіздігі жөнінде белсенді жұмыс жасап жүрген кәсіподақ мүшелері, Түркістан облысы бақылау жөніндегі басқармасының алғыс хаттарымен, «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің төс белгісі және құрмет грамоталарымен марапатталды.

Ордабасы аудандық кәсіподақ комитетінің баспасөз қызметі

Төлеби аудандық кәсіподақ комитеті 28-сәуір Дүниежүзілік еңбекті қорғау күніне орай: аудан, қала көлемінде бастауыш кәсіподақ ұйымдарында іс-шаралар жасалып өтілгені жайлы мәлімдейді.

Бірнеше бастауыш кәсіподақ ұйымдарында «Дүниежүзілік еңбекті қорғау» күні аудандық кәсіподақ комитеті бекіткен іс-шара негізінде жасалды.

Бастауыш кәсіподақ ұйымдарында мектептің кәсіподақ төрағалары мұғалімдерге слайдтар бойынша кең ауқымды ақпарат берді. Ұстаздар арасында үлкен пікірталас орын алды. Мектепте еңбекті қорғаудың жай-күйіне кешенді және мақсатты зерделеу жүргізілді. Ұйым басшыларымен қауіпсіздік талаптары туралы кеңестер өткізілді. Ұстаздар тарапынан сұрақтар қойылды, еңбекті қорғаудың жай-күйіне қатысты көп мәліметтер берілді.

Төлеби аудандық кәсіподақ комитетінің баспасөз қызметі.

28 сәуір-Дүниежүзілік еңбекті қорғау күніне орай, Түлкібас ауданы бойынша білім беру мекемелерінде қызметкерлердің еңбегін қорғау және техника қауіпсіздігін сақтау бойынша атқарылған жұмыстары сараланып ең үздік мектептердің директорлары мен бастауыш кәсіподақ ұйымдары төрағаларын марапаттау бойынша 25.04.2023ж күні аудандық кәсіподақ комитетінің ұйымдастыруымен іс- шара өткізілді.

Өткізілген іс-шараға аудандық білім бөлімінің жауапты маманы Қыпшақбаев С, мектеп директорлары мен бастауыш кәсіподақ ұйымдарының төрағалары қатысты. Мектеп директорлары аудан әкімінің “Алғыс хатымен”, бастауыш кәсіподақ ұйымының төрағалары аудандық білім бөлімі мен аудандық кәсіподақ комитетінің “ Құрмет грамоталарымен” марапатталады.

Сонымен қатар 5-11 кластар оқушыларына арналған “Математика пәнін тереңдетіп оқыту” кітаптар жинағы Аудандық кәсіподақ комитетінің ұйымдастыруымен сыйға тартылды.

Түлкібас аудандық кәсіподақ комитетінің баспасөз қызметі.

31 наурыз 2023 жыл күні №33 Б.Момышұлы атындағы жалпы орта мектебінің акті залында 2022-2023 оқу жылында білім беретін пәндер бойынша Республикалық Олимпиаданың Облыстық кезеңінің жеңімпаздарын марапаттауға арналған Салтанатты жиын болды. Жиынды Сарыағаш ауданы әкімінің орынбасары А.Қозыбаев, Сарыағаш аудандық кәсіподақ комитетінің төрағасы Ә.Тастанбековтер білім сайысында жүлделі орынға ие болған оқушылар мен ұстаздарды жеңістерімен құттықтап, шығармашылық табыстар тіледі.

Олимпиададан жүлделі І орын алған 5 мұғалімге аудандық білім бөлімі мен аудандық кәсіподақ комитетінің “Алғыс хаты” және “Сарыағаш” шипажайына тегін жолдамалар берілді.

Олимпиададан жүлделі ІІ орын алған 8 мұғалімге аудандық білім бөлімі мен аудандық кәсіподақ комитетінің “Алғыс хаты” және Ыстық көл “Алмазный берег” демалыс орнына тегін жолдамалар берілді.

Олимпиададан жүлделі ІІІ орын алған 22 мұғалімге “ТҮРКІСТАН” қаласына тегін саяхат ұйымдастырылды.

Сарыағаш аудандық кәсіподақ комитетінің баспасөз қызметі.

Бүгін 2023 жылғы Наурыздың 20 күні Ордабасы аудандық білім және ғылым қызметкерлерінің кәсіподақ комитетінің төрағасы Қ.Төлебаев, аудандық кәсіподақ комитетінде білім саласында еселі еңбек етіп жүрген кәсіподақ белсенділерін Ұлыстың Ұлы күні – Наурыз мерекесіне орай құттықтап, Аудан әкімінің, Түркістан облысы адами әлеуетті дамыту басқармасының, ««Мәртебе» білім және ғылымның салалық кәсіптік одағы» Қоғамдық бірлестігінің және «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің алғыс хаттары мен грамоталарын тапсырып «Кәсіподаққа еңбегі сіңген қызметкер» төсбелгілерімен марапаттады.

Ордабасы аудандық кәсіподақ комитетінің баспасөз қызметі