«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Мақтаарал ауданы білім бөлімінің ұйымдастыруымен, аудандық білім және ғылым қызметкерлерінің кәсіподақ комитетінің қолдауымен 04 қазан күні «Ақ алтын» мәдениет үйінде «Ұстаздар күні» мен «Кәсіподақтар күні» мерекелеріне арналған мерекелік іс-шара ұйымдастырылып өткізілді.

Қос мерекеге орай ұйымдастырылған іс-шараға Мақтаарал ауданының әкімі Б.Асанов, аудандық білім бөлімінің басшысы М.Серікбаев, аудандық кәсіподақ комитетінің төрағасы А.Жолдасов, аудандық мәслихаттың депутаты, жастар ресурстық орталығының басшысы С.Кенжебаев, аудандық ардагерлер кеңесінің төрағасы С.Оңғаров, аудандық әжелер алқасының төрайымы Ш.Құрбанбаева, аудандық ата-аналар комитетінің төрағасы М.Оспанов, БАҚ өкілдері, зейнеткер ұстаздар, мектеп директорлары мен ұлағатты ұстаздар қауымы қатысты.

Мерекелік шара барысында білім беру саласында жоғарғы жетістіктерге қол жеткізген ұстаздар қауымына Түркістан облысы білім және ғылым қызметкерлерінің жергілікті кәсіптік одағының төрағасы Б.Еркінбектің «Кәсіподаққа еңбегі сіңген қызметкер» төсбелгісі – Х.Доспанова атындағы жалпы орта мектебінің директоры Б.Устеновқа, Жаңа жол жалпы орта мектебінің директоры Г.Айнабековаға, Шолпан бөбекжай бала бақшасының меңгерушісі М.Бибосыноваға табысталды. Құрмет грамоталары – О.Бапышев атындағы жалпы орта мектебінің география пәнінің мұғалімі Ж.Нурумбетоваға, Жамбыл атындағы жалпы орта мектебінің қазақ тілі пәнінің мұғалімі А.Балғабековаға, М.Тоқжігітов атындағы жалпы орта мектебінің орыс тілі пәнінің мұғалімі Т.Абдиева табысталды, Алғыс хаттар – Мырзакент мектеп-гимназиясы директорының тәрбие ісі жөніндегі орынбасары Г.Батырхановаға, Абылайхан атындағы жалпы орта мектебінің бастауыш сынып мұғалімі А.Асанбаеваға, В.Комаров атындағы жалпы орта мектебінің бастауыш сынып мұғалімі Қ.Бердалиеваға, Балалар мен жасөспірімдер шығармашылық орталығы директорының бейін бойынша оқыту жөніндегі орынбасары Ж.Рыскелдиевалар марапатталды.

Сонымен қатар мерекелерге орай ұйымдастырылған шара барысында Мақтаарал ауданының әкімі Б.Асановтың, аудандық мәслихаттың төрағасы Қ.Сәрсекбаевтың, АМАНАТ партиясының Мақтаарал аудандық филиалының төрағасы М.Сәрсеновтың, аудандық білім бөлімінің басшысы М.Серікбаевтың алғыс хаттары табысталды.

Мерекелік шараның қорытынды бөлімінде білім беру саласына бар ғұмырын арнаған ағарту саласының үздіктері, бүгінде бейнеттің зейнетін көріп отырған ардагер ұстаздарымызға Мақтаарал аудандық кәсіподақ комитетінің дайындаған бағалы сыйлықтары табысталды.

Салтанатты шараның екінші бөлімі концерттік бағдарламамен жалғасын тауып, марапат алған ұлағатты ұстаздар қауымы көтеріңкі көңіл-күймен тарасты.

Барша марапат иелерін аудандық кәсіподақ

комитетінің атынан шын жүректен құттықтаймыз!

Қос мереке құтты болсын!

Кәсіподақтың күші – бірлікте!

Мақтаарал аудандық кәсіподақ комитетінің баспасөз қызметі

Мақтаарал ауданы білім бөлімі мен аудандық білім және ғылым қызметкерлерінің кәсіподақ комитетінің ұйымдастыруымен 03 қазан күні «Ұстаздар күні» мерекесіне орай білім беру мекемелерінде қызмет атқаратын жас мамандар арасында «Ұстаз – қоғам айнасы» атты пікір-сайыс турнирі ұйымдастырылып өткізілді.

Аудан деңгейінде ұйымдастырылып өткізілген турнирге Мақтаарал ауданының білім бөліміне қарасты барлық білім беру мекемелерінің жас мамандары қатысып, өзара мықтыны анықтады.

Екі күнге созылған тартысты жарыста жеңімпаз болған, жүлдегер болған және түрлі деңгейдегі номинацияларға қол жеткізген жас мамандарға арнайы алғыс хаттар мен аудандық кәсіподақ комитетінің дайындаған бағалы сыйлықтары табысталды.

Ұстаздар күніне орай ұйымдастырылған турнирдің қорытындысына сәйкес жүлделі І орынды Мақтаарал мектеп-гимназиясының ұстаздары иеленді. ІІ орынды Қ.Мүсірепов атындағы жалпы орта мектебінің ұстаздар иеленсе, жүлделі ІІІ орынды Абылайхан атындағы жалпы орта мектебі мен Қ.Үкібаев атындағы жалпы орта мектебінің ұстаздары иеленді.

Сонымен қатар турнир барысында жақсы жетістіктерге қол жеткізген ұстаздарға арнайы номинациялар да табысталды. «Турнир жаңалығы» номинациясын – Береке жалпы орта мектебінің ұстаздары, «Үздік оратор» номинациясын – Жаңа жол жалпы орта мектебінің ұстаздары, «Үздік спикер» номинациясын –Қ.Аманжолов атындағы жалпы орта мектебінің ұстаздары, «Үздік талпыныс» номинациясын В.Комаров атындағы жалпы орта мектебінің ұстаздары, «Үздік кейс» номинациясын Қ.Қайсенов атындағы жалпы орта мектебінің ұстаздары иеленді. Және турнир барысында әділік төрелік жасағаны үшін «Үздік төреші» номинациясымен Қ.Қайсенов атындағы жалпы орта мектебінің ұстазы Е.Тағабаев марапатталды.

Барша марапат иелерін аудандық кәсіподақ комитетінің атынан шын жүректен құттықтаймыз! Кәсіподақтың күші – бірлікте!

Мақтаарал аудандық кәсіподақ комитетінің баспасөз қызметі.

Мақтаарал аудандық кәсіподақ комитетінің ұйымдастыруымен «Ұстаздар күні» мен «Кәсіподақтар күні» мерекелері қарсаңында бар ғұмырын ағарту саласына арнаған білім беру саласының үздіктері, бүгінде бейнеттің зейнетін көріп отырған ардагер ұстаздарымен кездесу жұмыстары жүргізілді.

Алдын ала түзілген жоспарға сәйкес 1933 жылы дүниеге келіп, Қ.Қайсенов жалпы орта мектебінде қызмет атқарған ардагер ұстазымыз, 90 жастағы Байзақов Тұрсынқұл атамыздың, 1937 жылы дүниеге келіп, Жас алаш жалпы орта мектебінде қызмет атқарған ардагер ұстазымыз, 86 жастағы Хан Алла әжеміздің, Қ.Сәтбаев жалпы орта мектебінде қызмет атқарып, ғұмырының 53 жылын осы білім беру саласына арнаған, 85 жастағы ардагер ұстазымыз Сидорова Лидия әжеміздің шаңырақтарына барып, Мақтаарал аудандық кәсіподақ комитетінің төрағасы А.Жолдасов, Қ.Сәтбаев жалпы орта мектебінің директоры Қ.Досқараев пен бастауыш кәсіподақ ұйымының төрағасы С.Султанова, Жас алаш жалпы орта мектебінің директоры Е.Ақназаров пен бастауыш кәсіподақ ұйымының төрағасы А.Нарзиев, Қ.Қайсенов жалпы орта мектебінің директоры А.Каныбекова мен бастауыш кәсіподақ ұйымының төрағасы Б.Балкыбекова ардагер ұстаздарымызды мерекемен құттықтап, аудандық кәсіподақ комитетінің дайындаған сыйлықтарын табыстады.

Білім беру саласына өлшеусіз үлес қосқан ардагер ұстаздарымызға мықты денсаулық пен қажымас қайрат тілейміз.

Баршамызға осы ардагер ұстаздарымыздың жолын берсін, беделін берсін.

Мереке құтты болсын!

Мақтаарал аудандық кәсіподақ комитетінің баспасөз қызметі

Бүгін қазан айының 6-сы күні Түркістан қаласындағы «Rixos Turkistan» қонақ үйінің үлкен залында ұстаздардың мерекесіне арналған облыстық «Ұстазыма мың алғыс» салтанатты мерекелік жиыны болып өтті. Мерекелік жиынды облыс әкімі Д.Сатыбалды құттықтау сөзімен ашып, бірқатар ұстаздар мен сала ардагерлерін «Облыстың құрметті азаматы» атағымен, алғыс хаттармен марапаттап, бағалы сыйлықтар табыс етті. Облыстық мәслихаттың хатшысы Н.Әбішев ұстаздарға өзінің ыстық лебізін арнап, сала үздіктерін алғыс хаттармен марапаттады.

Іс шараға Б.Еркінбек бастаған облыстық кәсіподақ комитеті мен аудандық, қалалық кәсіподақ комитеттерінің төрағалары белсене атсалысты.

Салтанатты жиында жезтаңдай әншілер мен саланың өнер ұжымдары өз өнерлерін көрсетіп, қатысушыларға жақсы көңіл-күй сыйлады.

Облысымыздың педагогтерін кәсіби мерекемен құттықтаймыз!

Облыстық кәсіподақ комитетінің баспасөз қызметі.

Құрметті ұстаздар!

«Түркістан облысы білім және ғылым қызметкерлерінің жергілікті кәсіптік одағы» ҚБ атынан Сіздерді Мұғалімдер күнімен шын жүректен құттықтаймын!

Ұстаз – келер күннің ұстасы. Балалардың қалыптасып келе жатқан дүниетанымының, өмірге деген көзқарасының иесі. Біздердің бүгінгі болмысымыз әліппені жаттатқызып, қолға қалам ұстатқан кешегі ұстаздарымыздың еңбегі.

Қазақстан Республикасының Президенті Қ-Ж. Тоқаев Қазақстан халқына Жолдауында «Сапалы орта білім алу – әрбір баланың мызғымас құқығы. Мұндағы ең түйінді сөз – «сапа». Сондықтан білім сапасын жақсарту және мұғалімдердің біліктілігін арттыру ауадай қажет», – деп білім саласын дамытуға, оқыту сапасын арттыруға ерекше назар аударып, тиісті жұмыстар жүргізу қажеттігін айтты. Бұл Президенттің білім саласына және оның қызметкерлеріне деген жанашырлығы.

Бүгінгі таңда «Педагог мәртебесі туралы» Заңы аясында мұғалімнің мерейін өсіріп, мәртебесін көтеру, оқыту мен тәрбие жұмысын жетілдіре түсуіне жағдай жасау және өзге де мәселелерді заң шеңберінде шешу жөнінде көптеген жұмыстар атқарылып жатыр.

Бүгінгі таңда облыстық кәсіподақ комитеті білім саласы қызметкерлеріне тиісті еңбек жағдайын жасауға, әлеуметтік және құқықтық жағынан қорғаудың қажетті деңгейін қамтамасыз етуге бағытталған жұмыстар жүргізіп келеді.

Ұрпақ тәрбиесі – ұстазға байланысты. “Ұяда не көрсең, ұшқанда соны ілерсің” дегендей өнегелі ұстаздан жақсы шәкірт шығатыны сөзсіз. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Сондықтан да ол әрдайым қасиетті тұлға ретінде ерекшеленеді. Білім көшін жылжытып келе жатқан ұстаздар қауымына құрмет арта бермек! Ертеңгі мемлекеттің болмысы – ұстаздың бүгінгі тәлімінде.

Қоғам алдындағы өлшеусіз еңбектеріңіз бен абыройлы істеріңізге толымды табыс тілейміз! Қызығы мен қиыншылығы қатар жүретін ұстаздық жолдарыңыз тек өрлеу мен өсуге бағытталсын.

Құрметті ұстаздар мен білім саласының ардагерлері!

Сіздерді кәсіби мерекелеріңізбен құттықтаймын! Денсаулықтарыңыз мықты, отбасы мүшелеріңіз аман, мәртебелеріңіз биік, еңбек еткен ұстаздық жылдарыңыз жемісті болсын.

Ізгі тілекпен,

облыстық кәсіподақ

комитетінің төрағасы Б.Еркінбек

Созақ ауданының 95 жылдығына орай Қарттар күні қарсаңында ауданның ардагер ұстаздары мен техникалық қызметкерлеріне Т. Рысқұлов ауылында орналасқан” Түлкібас саясы” сауықтыру кешеніне Созақ аудандық білім бөлімінің кәсіподақ комитетінің атынан отыз адамға тегін жолдама берілді.Таулы аймаққа орналасқан демалыс орны жайлы, жаһандық жаңа технологиямен жабдықталған, теннистік және жаттығу залы бар жаңа ғимаратқа орналасқандықтан демалушылардың көңілінен шықты. Ауданда білім беру саласында қызмет етіп, зейнеткерлік жасқа жеткен ұстаздар қауымына жасаған қомақты қамқорлықтары үшін Созақ аудандық білім бөлімінің басшысы Н.Айдаров, кәсіподақ комитетінің төрағасы М.Қасымов, кәсіподақ комитетінің есепшісі,аудандық мәслихаттың депутаты Р.Отыншиеваларға айтар алғысымыз шексіз.

Созақ аудандық кәсіподақ комитетінің баспасөз қызметі.

Бүгін ” Қарттар күні” мерекесіне орай іс-шара ұйымдастырылды. Шараға ауданның білім саласына еңбегі сіңген ардагер ұстаздар шақыртылды. Мерекелік шара аясында концерттік бағдарлама және ардагерлерге сый құрмет көрсетілді. Мерекелік шараны былтырғы жылдан бастау алып, әр жыл сайын дәстүрге айналған бұл шара өткен мен болашақты қалыптастыратын алтын көпір болатына қуаныштарын жеткізді.

Жетісай аудандық кәсіподақ комитетінің баспасөз қызметі.

Төлеби аудандық кәсіподақ комитеті ұйымдастыруымен «Қарттар күні» мерекесіне орай ардагер ұстаздарымызды ұлықтап, ардагелерімізді үйлеріне барып мерекесімен құттықтадық. Қарттарымыздың ғұмыр бойы істеген ерен еңбектері мен мемлекетіміздің дамуына қосқан зор үлестерін жоғары бағалап, оларға сый-құрмет көрсетілді.

Төлеби аудандық кәсіподақ комитетінің баспасөз қызметі.

Ордабасы аудандық білім және ғылым қызметкерлерінің кәсіподақ комитеті, аудандық «Жастар ресурстық орталығының» үлкен мәжіліс залында, Ордабасы аудандық білім бөліміне қарасты мекемелердің бастауыш кәсіподақ ұйымы төрағаларының қатысуымен, «Кәсіподақтың қоғамдағы маңызы мен рөлін арттыру» тақырыбында семинар өткізді.

Аудандық кәсіподақ комитетінің төрағасы Қ.Төлебаев Қазақстан Республикасының президенті Қ.К.Тоқаевтің «Әділетті Қазақстанның экономикалық бағдары» атты Қазақстан халқына Жолдауы бойынша түсіндіру жұмыстарын жүргізіп, бірқатар ұстаздардың пікірінен кейін, қойылған сұрақтарға жауап берді.

Семинарға арнайы шақырылған «Азаматтарға арналған үкімет КЕ АҚ Түркістан облысы бойынша филиалы Ордабасы аудандық әлеуметтік қамсыздандыру бөлімі» басшысының орынбасары Байдуалы Ұлықбек Күндебайұлы 2023 жылғы 1 шілдеден бастап қолданысқа енгізілген Қазақстан Республикасының Әлеуметтік Кодексі жөнінде түсіндіру жұмысын жүргізіп, семинарға қатысушылардың сұрақтарына жауап берді.

Семинарда, 01.07.2023 жылдан бастап Қазақстан Республикасының Еңбек кодексіне енгізілген өзгерістер мен толықтырулар туралы, комитет төрағасының кеңесшісі Ә.Сәдірмек мәлімдеме жасап, тақырыпқа сай қойылған сұрақтарға жауап берді.

Ордабасы аудандық кәсіподақ комитетінің баспасөз қызметі.

2023 ж 22 қыркүйек күні Келес аудандық білім және ғылым қызметкерлерінің кәсіподақ комитетінің ұйымдастыруымен облыстық кәсіподақ комитетінің төраға орынбасары А.Абуов пен заңгер Ғ.Ақбердиевтің жетекшілігімен бастауыш ұйым кәсіподақ комитеттерінің төрағаларына оқыту семинары өткізілді.

Оқыту семинарының мақсаты: кәсіподақ жұмысын жетілдіру, кәсіподақ комитеті мен оның сайланбалы кәсіподақ органдарының қызметімен таныстыру, кәсіби біліктіліктерін арттыра отырып, нағыз маман етіп даярлау.

Семинарды алғы сөзімен бастаған облыстық кәсіподақ комитетінің төраға орынбасары А.Абуов «Кәсіподақ жиналыстарын дайындау және өткізудің практикасын жақсарту, бастауыш кәсіподақ ұйымдарына әдістемелік, практикалық көмек көрсетуді арттыру туралы, кәсіподақ мүшелерінің мәселелерін уақытында шешу және кәсіподақтың ұйымдастыру қызметін жетілдіру арқылы бастауыш кәсіподақ ұйымдарының рөлін арттырудың маңыздылығына тоқталды.

Ал, облыстық кәсіподақ комитетінің заңгері Ғ.Ақбердиев «Әлеуметтік кодекс және оның ерекшеліктері туралы, жалпы кәсіподақтың құрылымы мен бастауыш кәсіподақ ұйымдарының Ережесіне сәйкес, кәсіподақ органдарының қызметі мен тұрақты комиссиялар туралы, Ұжымдық шарттың жобасын әзірлеу және оны жасасу тәртібі туралы түсіндіріп, еңбек саласында кездесетін кейбір еңбек қатынастарынан мысалдар келтіре отырып, тақырыпты аша түсті.

Семинарға қатысушылар өзара жұмыс тәжірибелерімен бөлісіп, еңбек қатынастарында туындаған сұрақтарына жауаптарын алды.

Аудандық кәсіподақ комитеті ұжымы мен облыстық кәсіподақ аппаратының қызметкерлеріне оқыту – семинарын өткізіп, кәсіподақ активінің қызметкерлердің әлеуметтік – еңбек құқықтары мен мүдделерін қорғауда кәсіподақ ұйымдарының алдына қойылған міндеттерді шешуде өздеріне қажетті ақпараттар бергені үшін ризашылықтарын білдіріп, алдағы уақытта да жалғасын тапса деген тілектерін білдірді.

Семинар соңында Түркістан облысы Еңбек инспекциясы еңбек ардагерлерін қыркүйек айының әр соңғы жексенбісінде атап өтілетін және қазақстандықтардың еңбекке деген құрметінің, олардың әрқайсысының өз ісінде кәсіби маман болуға деген ұмтылысының белгісі саналатын, жыл сайынғы мереке-халқымыздың экономикалық және әлеуметтік салададағы жетістіктеріне арналған «Еңбек күнімен» Темирова Зупар Жораевна №43 «Болашақ» жалпы орта мектебінің кәсіподақ төрайымы Дипломмен марапатталды.

Сөз соңында Өз салаларын алға жетелеп, кәсібиліктің бағзыдан келе жатқан берік ұстанымдарын бұлжытпай сақтай отырып, барлық салаға шығармашылық және оңтайландыру алып келіп, осылайша жұмыста жаңа жағдай мен тың тәсіл қалыптастырып, жүрген ерең еңбегіңізге Үлкен Рахмет! Алдағы уақытта да жас буын, жас мамандарымызға үлгі болып, жүре беріңіз. Кәсіподақ комитеті өзіңізді мақтан тұтады! Деніңізге саулық, еңбегіңізге жеміс, өміріңіз ғұмырлы болсын! Деп ізгі ниетін Келес аудандық кәсіподақ комитет төрағасы Н.Артыков білдірді.

Келес аудандық кәсіподақ комитетінің баспасөз қызметі.