«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Қадірлі жерлестер!

Ежелден жаңару мен жасампаздықтың бастауы, ырыс пен берекенің арқауы болған Әз – Наурыз барлықтарыңызға құтты болсын!

Көктің тынысын тыңдап, жердің тамырын басқан, тұрмыс-тіршілігін табиғат-анамен тығыз байланыстырған халқымыз Наурызды жаңару мен жасампаздықтың бастауы, ырыc пен берекенің арқауы деп бағалаған.

Наурыз – бұл тек көктемнің ғана емес, бұл ең әуелі ізгілік пен жақсылықтың мейрамы. Ұлыстың осы бір ұлы күні жер бетіндегі қанды соғыстар, дау-жанжалдар тоқтатылып, адамдар бір-біріне деген өкпе-реніштерін ұмытып, кешірімге келіп, татуласып, табыса білген. Халқымыз мол дастарханын жайып, ақ жарқын көңілмен жүздесіп, дәм татысып, өткен-кеткеннен сыр тартып, барша адам баласына жақсылық, аманшылық тілеп, жастарға ақ баталарын берген.

Ендеше, ақ ниетпен өткенге салауат айтып, ақ тілекпен жаңа Наурызды қарсы алайық! Елімізге – тыныштық пен татулық, халқымызға – игілік, ал әр шаңыраққа бақыт пен шаттық тілеймін. Еліміз өркен жайып, Наурыз баршамызға ынтымақ пен сәттілік алып келсін!

Ұлтымыздың мерейін өсіріп, бар болмысымызды айшықтайтын қасиетті – Наурыз мерекесі елімізге, әрбір отбасына бірлік пен қуаныш, құт – береке, бақыт пен молшылық әкелсін!

Ұлыс оң болсын, ақ мол болсын!

Құрметпен, облыстық кәсіподақ

комитетінің төрағасы

Б.Еркінбек

ҚҰРМЕТТІ

Алданияз Бастарұлы, Рабиға Шамақызы, Құманғазы Мұстафаұлы !

Сіздерді Түркістан облысы білім және ғылым қызметкерлерінің жергілікті кәсіптік одағы атынан еліміз үшін маңызы зор саяси додада жеңіске жетулеріңізбен шын жүректен құттықтаймын!

Бұл жеңіс – Cіздердің осы уақытқа дейін еткен еңбектеріңізге берілген баға, алға қойған жоспарларыңыздың нақты және өз нәтижесін береріне кепілдік, халықтың сіздерге деген ыстық ықыласы мен құрметінің көрінісі.

Халықтың тұрмыс деңгейі мен әл-ауқатын жақсарту, денсаулық сақтау, білім беру, әлеуметтік саладағы маңызды мәселелерді шешу үшін әрекет ету – халық қалаулысының алдында тұрған үлкен міндеттердің бірі.

Ұлтымыздың кемел келешегі жолында жасалған ірі саяси қадамдарыңыз қашан да нық, ел алдындағы абыройларыңыз – асқақ, мәртебелеріңіз – биік, мерейлеріңіз – үстем болсын. Халықтың сенімінен шығып, ел мүддесі, қоғам игілігі үшін аянбай еңбек ете беріңіздер.

Сайлаудағы бұл жеңістеріңіз – Сіздердің жеке және Түркістан облысы білім және ғылым қызметкерлері кәсіподағының да мәртебесі.

Жеңіс құтты болсын!

Құрметпен, облыстық кәсіподақ

комитетінің төрағасы

Б.Еркінбек

Отырар аудандық кәсіподақ комитетінің демеушілігімен, жаңартылған бағдарлама бойынша жалпы білім беретін орта мектептің оқшылары мен матаматика пәні мұғалімдеріне арналған әдістемелік құрал кітаптары және журналдарын мектептерге табыстады.

Отырар аудандық кәсіподақ комитетінің баспасөз қызметі.

Сауран ауданы адами әлеуетті дамыту бөліміне қарасты Әшірбек Сығай атындағы жалпы орта мектебінің базасында “АДАМЗАТТЫҢ АСЫЛЫ-АНА” тақырыбында дөңгелек үстел өтті.

Дөңгелек үстелге бөлімінің басшысы Ақмарал Үсенқызы Батырбекова мен аудандық білім және ғылым қызметкерлері кәсіподақ комитетінің төрайымы Рысбекова Фатима және мектептердегі белсенді ұстаздар қатысты. Бүгінгі күні қоғамда әйелдердің алатын орны ерекше екенін атап өтіп, құттықтауларын жеткізді.

Ана – тіршіліктің тірегі, отбасының берекесі, бүкіл адамзаттың тәрбиешісі, жақсылықтың бастауы болып отырған ұстаздарымыз жиын барысында заманауи қазақ әйелінің саяси және мәдени рөлі, ұлттық құндылық пен отбасы құндылығы, қазіргі кездегі бала тәрбиесі, оның ішінді қыз бала тәрбиесі жөнінде ой бөлісіп, пікір алмасты. Мұнан соң, дөңгелек үстелге қатысушылар бүгінгі қоғамда әйел азаматтардың атқарып отырған рөлі турасында пікір алмасты.

Аналар жас келіндермен өмірлік кеңестерімен бөлісіп, ұлт тәрбиесінде ұстану қажет қағидаларын тілге тиек етті.

Жиын соңында Сауран ауданы адами әлеуетті дамыту бөлімі мен Сауран аудандық кәсіподақ комитеті білім беру жолында аянбай еңбек етіп жүрген белсенді ұстаздарымызды алғыс хатпен, гүл шоқтары және естелік сыйлықтарымен табыс етілді.

Сауран аудандық кәсіподақ комитетінің баспасөз қызметі.

Көгілдір көктемнің шуақты мерекесі – 8 наурыз Халықаралық әйелдер күніне орай 3 наурыз күні Сауран ауданы Ахмет Байтұрсынұлы атындағы жалпы орта мектебінде нәзік жандыларға арналған кезекті мерекелік кеш өтті.

Салтанатты жиынға жалпы білім беретін мекемелердегі 100 мұғалім шақырылды.

Оның ішінде 50-ге жуық әртүрлі саланың майталмандарына арнайы төсбелгілерін, құрмет грамоталарын және сый-сияпаттарын табыстады.

Барлығы білім саласында ұзақ жылдар бойы жұмыс істейтін аналар, аудан көлемінде білім саласына еңбегі сіңген, облыстық және республика деңгейінде білімді шәкірттер тәрбиелеп жүлделі орындар иеленіп жүрген мұғалімдер.

Сауран ауданы әкімі аппаратының басшысы Құлажанов Қуандық Салыбекұлы салтанатты жиынды ашып, құттықтай тілегін жеткізіп, түрлі салада еселі еңбек етіп келе жатқан 36 мұғалімдерді марапаттап, гүл шоқтары мен сый-сияпаттарын табыстады.

Сауран аудандық білім және ғылым қызметкерлері кәсіподақ комитетінің төрайымы Рысбекова Фатима “Ана – барлық өмірдің бастауы. Ол баланы өмірге әкеледі, оны тәрбиелейді, өсіреді. Адам бойындағы барлық асыл қасиет күннің нұрынан, ананың ақ сүтінен дариды” деп Аналар мерекесімен құттықтап, елеулі үлес қосып жүрген өзге де нәзік жандарға құрмет көрсетті. Сонымен қатар әр отбасының ұйытқысы бола отырып, еңбекке араласып, жетістігімен ерекшеленген жандарды “Кәсіподаққа еңбегі сіңген қызметкер” төсбелгісімен марапаттап,гүл шоқтары мен сый-сияпаттарын үлестірді.

Сауран ауданы кәсіподақ комитеті атынан залдағы барлық мұғалімдерге гул шоқтары таратылып, мерекелік көңіл-күй сыйлады.

Салтанатты шара әуезді ән шашулар мен кішкентай бүлдіршіндер дайындаған билермен, көтеріңкі көңіл күйде жалғасын тапты.

Сауран аудандық кәсіподақ комитетінің баспасөз қызметі.

ҰСТАЗДАР БАҚ СЫНАСТЫ

Сайрам ауданының адами әлеуетті дамыту бөлімінің, және білім және ғылым қызметкерлерінің кәсіподақ комитеті ұйымдастыруымен ұстаздар арасында футзалдан аудандық турнир ұйымдастырылды.

Турнирге 9 команда қатысып, өзара бақтарын сынады. Турнирдің қорытындысына сәйкес

І-орынды Арыс ауыл округінде орналасқан білім ұйымдарының қызметкерлері иеленді.

ІІ-орынды Қарабұлақ ауыл округіндегі мектеп мұғалімдері иеленсе,

ІІІ-орынды Манкент ауыл округінде орналасқан мектеп ұстаздары иеленді.

Барлық жеңімпаздар мен жүлдегер ұстаздарымызды жеңістерімен құттықтаймыз.

Сайрам аудандық кәсіподақ комитетінің баспасөз қызметі.

Төлеби аудандық Адами әлеуетті дамыту бөлімі және аудандық кәсіподақ комитеті ұйымдастыруымен білім саласындағы жұмыс істейтін аналарды қошеметтеп 8 – наурыз халықаралық әйелдер күні мерекесі қарсаңында іс- шара өткізді. Іс-шараға аудандағы жалпы білім беретін мекемелердегі 200 мұғалім шақырылды. Білім саласында ұзақ жылдар бойы жұмыс істейтін аналар, аудан көлемінде білім саласына еңбегі сіңген, облыстық және республика деңгейінде білімді шәкірттер тәрбиелеп жүлделі орындар иеленіп жүрген мұғалімдер. Іс-шарада Аудан әкімі, Адами әлеуетті дамыту бөлімі басшысы, аудандық кәсіподақ комитеті төрағасы құттықтау сөздерін айтып, өз сөздерінде көктемнің алғашқы мерекесі әйелдер күні мерекесімен құттықтап, алғыс хат, құрмет грамотасы және Төлеби аудандық кәсіподақ комитетінің арнайы сыйлықтарымен марапаттады. Сондай-ақ мерекелік концерт қойылды.

Төлеби аудандық кәсіподақ комитетінің баспасөз қызметі.

Мақтаарал ауданының адами әлеуетті дамыту бөлімінің ұйымдастыруымен, аудандық кәсіподақ комитетінің қолдауымен 07 наурыз күні 8 наурыз – «Халықаралық қыз-келіншектер күні» мерекесіне орай «Ана алақанының аясы – ақ шаңырақтың саясы» атты мерекелік іс-шара өткізілді.

Мерекеге орай ұйымдастырылған іс-шараға Мақтаарал ауданы әкімінің орынбасары Б.Төребеков, аудандық адами әлеуетті дамыту бөлімінің бас маманы А.Қошқаров, аудандық кәсіподақ комитетінің маманы Е.Жанисов, аудандық қоғамдық келісімнің төрағасы М.Ердешов, аудандық ардагерлер кеңесінің төрағасы С.Оңғаров және аудандық ата-аналар комитетінің төрағасы М.Оспанов қатысып, іс-шараға келген ұстаздар қауымына жылы лебіздері мен ыстық ықыластарын, жүрек жарды тілектерін білдірді.

Мақтаарал аудандық кәсіподақ комитетінің ұсынысына сәйкес білім беру саласында толағай табыстарға кенеліп, жоғарғы жетістіктерге жете білген кәсіподақ мүшелеріне арнайы марапаттар табысталды.

Республикалық «MARTEBE» білім және ғылым салалық кәсіптік одағының төрайымы Л.Алдабергенованың «Құрмет грамотасымен» – №5 «Мақтаарал» мектеп гимназиясының ағылшын тілі пәнінің мұғалімі Утарова Жадыра Туймебаевна марапатталды.

Республикалық «MARTEBE» білім және ғылым салалық кәсіптік одағының төрайымы Л.Алдабергенованың «Алғыс хатымен» – Абылайхан атындағы жалпы орта мектебінің директорының оқу ісі жөніндегі орынбасары Мусабекова Айнур Абылаевна мен М.Ғабдуллин атындағы жалпы орта мектебінің қазақ тілі мен әдебиеті пәнінің мұғалімі Алиманова Гүлжайсан Ретбаевна марапатталды.

«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің төрағасы Б.Еркінбектің «Кәсіподаққа еңбегі сіңген қызметкер» төсбелігісімен №5 «Мақтаарал» мектеп гимназиясы директорының оқу ісі жөніндегі орынбасары Ашекова Гулшат Жалгасовна, О.Бапышев атындағы жалпы орта мектебі директорының оқу ісі жөніндегі орынбасары Маханбетова Баянсұлу Канаевна, Т.Әубәкіров атындағы жалпы орта мектебі директорының тәрбие ісі жөніндегі орынбасары Аманова Роза Тулегеновна, «Ақберен» бөбекжай-бала бақшасының меңгерушісі Мусырманкулова Бадикулжамал Акимкуловна марапатталды.

«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің төрағасы Б.Еркінбектің «Құрмет грамотасымен» «Асыл мұра» атындағы жалпы орта мектебі директорының оқу ісі жөніндегі орынбасары Аманова Алтын Сабировна, М.Ғабдуллин атындағы жалпы орта мектебінің кітапханашысы Шиманова Нағима, «Би Мардан» бөбекжай балабақшасының меңгерушісі Кубеева Роза Сатыбалдиевна, «Демеу» бөбекжай балабақшасының меңгерушісі Касымова Шолпан Азимхановна марапатталды.

«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің төрағасы Б.Еркінбектің «Алғыс хатымен» №1 «Мырзакент» мектеп-гимназиясының бастауыш сынып мұғалімі Туркменбаева Жанар Тулегеновна, Абылайхан атындағы жалпы орта мектебінің бастауыш сынып мұғалімі Байменова Райхан, Ә.Бөкейханов атындағы жалпы орта мектебі директорының тәрбие ісі жөніндегі орынбасары Тастемирова Сейдана, «Дарынды балапан» бөбекжай балабақшасының әдіскері Серикбаева Айымхан Лесбаевна, «Шолпан» бөбекжай балабақшасының шаруашылық меңгерушісі Мухтарова Райхан Жанабековна марапатталды.

Сонымен қатар мерекеге орай ұйымдастырылған іс-шара барысында білім беру саласына өлшеусіз еңбек сіңірген ардегер ұстаздарға аудандық кәсіподақ комитеті тарапынан бағалы сыйлықтар табысталды.

Мерекелік іс-шара концерттік бағдарламамен жалғасын тауып, жиынға қатысқан ұстаздар қауымы көтеріңкі көңіл-күймен тарасты.

Мақтаарал аудандық кәсіподақ комитетінің баспасөз қызметі.

Бүгін 2023 жылғы Наурыздың 07 күні Ордабасы аудандық білім және ғылым қызметкерлерінің кәсіподақ комитетінің төрағасы Қ.Төлебаев, аудандық кәсіподақ комитетінде білім саласында еселі еңбек етіп жүрген кәсіподақ белсенділерін 8 Наурыз – Халықаралық әйелдер күні мерекесіне орай құттықтап, Ордабасы аудандық адами әлеуетті дамыту бөлімі мен Ордабасы аудандық білім және ғылым қызметкерлері кәсіподағы комитетінің бірлескен грамоталарымен және «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің грамоталарымен, «Кәсіподаққа еңбегі сіңген қызметкер» белгілерімен марапаттады.

Ордабасы аудандық кәсіподақ комитетінің баспасөз қызметі

Сайрам аудандық білім және ғылым қызметкерлері кәсіподақ комитеті 8-наурыз Халықаралық әйелдер күні мерекесіне орай бастауыш кәсіподақ ұйымының төрайымдарын ма рапаттау рәсімін өткізді. Аудандық кәсіподақ комитетінің төрайымы М.Сейдалиева нәзік жанды аруларға ыстық лебізін білдіріп, құттықтау сөздерін айтты. Жиын соңында ару жандарға Құрмет грамоталары, Алғыс хаттар мен сыйлықтар табысталды. Мерекелеріңіз құтты болсын ару жандар.

Сайрам аудандық кәсіподақ комитетінің баспасөз қызметі.