«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

27 мамыр күні М. Әуезов атындағы жалпы орта мектебінің дене шынықтыру пәні мұғалімі Төленбаев Оразалі Әбілхайырұлының зейнеткерлікке шығуына байланысты, мектеп ұжымының ұйымдастырылуымен салтанатты жиын өткізілді. Жиынға ауыл әкімі, спорт мектебінің директоры Ташов Ермек, ата аналар, мектеп ұжымы, оқушылар, зейнеткер ұстаздык кластастары мен бауырлсры және жазушылар одағының мүшесі Сердалиев Ерғали қатысып құттықтау сщз сөйлеп, өлең оқыды.
Аудандық білімі қызметкерлері кәсіподақ комитетінің төрағасы Қасым Егемберді жиынға қатысып құттықтау сөз сөйлеп, аудандық білім бөлімі мен кәсіподақ комитетінің құттықтау хатын тапсырып, облыстық кәсіподақ комитетінің «Кәсіподаққа еңбегі сіңген қызметкер» төс белгісін тақты.

Отырар аудандық кәсіподақ комитетінің баспасөз қызметі.

Отырар аудандық білім бөліміне қарасты Ғ. Мұратбаев атындағы шағын жинақты орта мектебінің ашылғанына 50 жыл толуына байланысты «Кешегі, бүгінгі, ертеңгі» тақырыбында семинар кеңес өтті. Кеңеске мектеп директорлары, осы мектепті басқарған басшылар, осы мектептен зейнеткерге шыққан ардагер ұстаздар, ата-аналар және кәсіпкерлер шақырылған. Жиынға аудандық білім бөлімінің басшысының орынбасары Бекмұрат Б. әдістемелік кабинеттің меңгерушісі Ембай Д. әдістемілік кабинеттің әдіскері Масанов Н. Ауыл әкімі Иманов Б. экс әкім Сыздықов Б.Өскемен қаласында тұратын ауыл азаматы кәсіпкер Шалабаев Серік қатысты. Мектепте 3 кабинет демеушілердің есебінен жабдықталып ашылды. Мектептің «кешегі, бүгінгі, ертеңгі» тақырыбына байланысты көрме ұйымдастырылған. Аудандық білім қызметкерлері кәсіподақ комитетінің төрағасы Е. Қасым жиынға қатысып құттықтау сөз сөйлеп, кәсіподақ активтері мен мектеп оқушыларын марапаттады. Жиын барысында Қызылорда облысы Қазалы ауданы Ғ. Мұратбаев атындағы мемориалды музейі ұжымының құттықтау хаты оқылды.

Отырар аудандық кәсіподақ комитетінің баспасөз қызметі.

26 мамыр күні Түркістан қалалық білім және ғылым қызметкерлерінің кәсіподақ комитеті қалалық семинар өткізді. Семинарға білім беру ұйымдарының басшылары мен олардың орынбасарлары, бастауыш кәсіподақ ұйымдарының төрағалары, Түркістан облыстық кәсіподақ комитетінің бөлім басшысы Ғ.Ақбердиев және Облыстық адами әлеуетті дамыту басқармасының «Білім беруді дамыту орталығы» КММ әдіскері Б.Касымбаева қатысты.

Қалалық семинарды Түркістан қалалық кәсіподақ комитетінің төрайымы Г.Турежанова ашып, қатысушыларды семинар бағдарламасымен таныстырды.

Семинарда «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі облыстық комитетінің бөлім басшысы Ғ.Ақбердиев «Білім беру ұйымдарында еңбек заңнамасының сақталуы», «Еңбек даулары және оларды шешу жолдары. Келісу комиссиясының жұмысын ұйымдастыру туралы» мәселелер бойынша лекциялар оқыды. Лекциялар қарапайым тілде, көпшілікке ұғымды, нақты мысалдар мен деректер негізінде тартымды оқылды.

Облыстық адами әлеуетті дамыту басқармасының «Білім беруді дамыту орталығы» КММ әдіскері Б.Касымбаева «Білім беру ұйымдарында басшылар мен педагогтарды аттестаттау, басшы кадрларды тағайындау, ротация жасау мәселелері туралы» түсіндірме жасады, сұрақтарға жауап берді.

Семинарда өзара пікір алмасу, тәжірибелерімен бөлісу жүргізілді, ұсыныстар айтылып, сұрақтарға жауаптар берілді.

Семинар соңында кәсіподақ активіне облыстық кәсіподақ комитетінің «Кәсіподаққа еңбегі сіңген қызметкер» төс белгілері, Құрмет грамоталары мен Алғыс хаттары, ТО АӘДБ Алғыс хаттары тапсырылды.

 

Түркістан қалалық кәсіподақ комитетінің баспасөз қызметі.

Мақтаарал аудандық кәсіподақ комитетінің ұйымдастыруымен 26 мамыр күні 2022-2023 оқу жылы барысында білім беру саласында толғай табыстар мен жоғарғы жетістіктерге қол жеткізген кәсіподақ мүшелерін ынталандыру мақсатында марапаттау жұмыстары жүргізілді.

Түркістан облысы адами әлеуетті дамыту басқармасының алғыс хатымен: М.Тоқжігітов атындағы жалпы орта мектебінің бастауыш кәсіподақ ұйымының төрағасы Ұ.Абдиева, Нұрлы таң жалпы орта мектебінің бастауыш кәсіподақ ұйымының төрағасы Қ.Уматаев, Ы.Алтынсарин атындағы жалпы орта мектебінің бастауыш кәсіподақ ұйымының төрағасы Д.Дүрменбаев, М.Ғабдуллин атындағы жалпы орта мектебінің бастауыш кәсіподақ ұйымының төрағасы Д.Курбанов марапатталды.

«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің төрағасы Б.Еркінбектің «Кәсіподаққа еңбегі сіңген қызметкер» төсбелгісімен: М.Өтемісұлы атындағы жалпы орта мектебінің музыка пәнінің мұғалімі Қ.Мұратов, Ж.Нұрлыбаев атындағы №27 жалпы орта мектебінің директоры К.Абдирова, Мақтаарал аудандық кәсіподақ комитетінің бас есепшісі Ж.Клышмаганбетов марапатталды.

«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің төрағасы Б.Еркінбектің Құрмет грамотасымен: Ержігіт бала бақшасының меңгерушісі К.Пердебаева, А.Әуметхан бала бақшасының тәрбиешісі А.Бакишева, Бәйтерек-Бақ бала бақшасының меңгерушісі Б.Пранова марапатталды.

«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің төрағасы Б.Еркінбектің Алғыс хатымен: Хадиша әже бала бақшасының меңгерушісі М.Абдибекова, Балбөбек-2030 бала бақшасының меңгерушісі Л.Тукушева, Ерке сұлу бала бақшасының меңгерушісі Г.Каржаулова, Нұрсұлу бала бақшасының тәрбиешісі Г.Шайдозова марапатталды.

Барша марапат иелерін шын жүректен құттықтаймыз!

Марапаттарыңыз құтты болсын!

Мақтаарал аудандық кәсіподақ комитетінің баспасөз қызметі

Мақтаарал ауданының адами әлеуетті дамыту бөлімінің ұйымдастыруымен 25 мамыр күні «Мақтаарал» мәдениет үйінде «Кемел келешек кілті – білімде» тақырыбында жалпы білім беретін пәндер бойынша Республикалық олимпиаданың облыстық кезеңінің жеңімпаздары мен жүлдегерлерін және спорт саласы бойынша жеңімпаздарды марапаттауға арналған мерекелік іс-шара өткізілді.

Мерекелік шараға Мақтаарал ауданының әкімі Б.Асанов, «Аманат» партиясының Мақтаарал аудандық филиалының төрағасы М.Сәрсенов, аудандық ардагерлер кеңесінің төрағасы С.Оңғаров, аудандық әжелер алқасының төрайымы Ш.Құрбанбаева, аудандық ата-аналар комитетінің төрағасы М.Оспанов, аудандық адами әлеуетті дамыту бөлімінің басшысы М.Серікбаев, аудандық кәсіподақ комитетінің төрағасы А.Жолдасов, БАҚ өкілдері, мектеп басшылары, ұлағатты ұстаздар мен ата-аналар және оқушылар қатысты.

Салтанатты жиынды Мақтаарал ауданының әкімі Б.Асанов пен келген қонақтар құттықтау сөздерімен ашып, жеңімпаз болған, жүлдегер болған оқушылар мен жетекші болған ұстаздарды, ата-аналарды құттықтап, толағай табыстарға кенеле берулеріне тілектес екендіктерін жеткізді.

Мерекелік шара барысында аудандық кәсіподақ комитетінің төрағасы А.Жолдасов жеңімпаз оқушылардың пән жетекшілеріне Ыстық көлдегі демалыс аймағына арналған тегін жолдамалардың сертификаттарын табыстады.

Барша марапат иелерін шын жүректен құттықтаймыз!

Мақтаарал аудандық кәсіподақ комитетінің баспасөз қызметі

19 мамыр күні Сауран аудандық білім және ғылым қызметкерлерінің кәсіподақ комитеті аудандық семинар өткізді. Семинарға білім беру ұйымдарының басшылары мен олардың орынбасарлары, бастауыш кәсіподақ ұйымдарының төрағалары, Түркістан облыстық кәсіподақ комитетінің бөлім басшысы Ғ.Ақбердиев және Облыстық адами әлеуетті дамыту басқармасының «Білім беруді дамыту орталығы» КММ әдіскері Б.Касымбаева қатысты.

Аудандық семинарды Сауран аудандық кәсіподақ комитетінің төрайымы Ф.Рысбекова ашып, қатысушыларды семинар бағдарламасымен таныстырды.

Семинарда «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі облыстық комитетінің бөлім басшысы Ғ.Ақбердиев «Білім беру ұйымдарында еңбек заңнамасының сақталуы», «Еңбек даулары және оларды шешу жолдары. Келісу комиссиясының жұмысын ұйымдастыру туралы» мәселелер бойынша лекциялар оқыды. Лекциялар қарапайым тілде, көпшілікке ұғымды, нақты мысалдар мен деректер негізінде тартымды оқылды.

Облыстық адами әлеуетті дамыту басқармасының «Білім беруді дамыту орталығы» КММ әдіскері Б.Касымбаева «Білім беру ұйымдарында басшылар мен педагогтарды аттестаттау, басшы кадрларды тағайындау, ротация жасау мәселелері туралы» түсіндірме жасады, сұрақтарға жауап берді.

Семинарда өзара пікір алмасу, тәжірибелерімен бөлісу жүргізілді, ұсыныстар айтылып, сұрақтарға жауаптар берілді.

Семинар соңында кәсіподақ активіне Республикалық «Мәртебе» білім және ғылым саласының кәсіптік одағының марапаттарын, облыстық кәсіподақ комитетінің «Кәсіподаққа еңбегі сіңген қызметкер» төс белгілерін, Құрмет грамоталары мен Алғыс хаттарын, ТО АӘДБ Алғыс хаттарын тапсырды.

Сауран аудандық кәсіподақ комитетінің баспасөз қызметі.

Альберт Хамю

Шымкент қаласы, қалалық білім басқармасына қарасты 95 жалпы орта білім беретін мектеп ұжымы 2023 жылдың 29 сәуір күні Өзбекстан республикасының ежелгі Самарқанд қаласына саяхаттап барып қайтты.

Гур-Әмір мавзолейін (Темуридтердіңхандық қорымы), тарихи орын “Регистанды”(мұнда Тіллә-қари, Ұлықбек, Шердор медреселері), Әмір Темірдің әйелі Мүлк Ханым мешітін, Шахи Зинда ескерткішіне және Өзбекстанның алғашқы президенті И. Каримов қабіріне зиярат етіп құран бағыштады.

Сондай-ақ ұжым мамыр айының соңына қарай Сайрам өгем ұлттық табиғи паркіне баруды жоспарлауда.

Барлық саяхатты қаржыландырып отырған “Түркістан облысы білім және ғылым қызметкерлерінің жергілікті кәсіптік одағы” Қоғамдық бірлестігі. Біз бұл кәсіподаққа мүше болғанымызға ризамыз және ТО кәсіподақ комитетінің төрағасы Еркінбек Бахыт Сейітжаппарұлына және ұжымындағы барша қызметкерлерге бізбен бірге тиімді, келісімді жұмыс жүргізгені үшін рахметімізді айтамыз.

Облыстық кәсіподақ комитетінің баспасөз қызметі.

Мақтаарал аудандық білім және ғылым қызметкерлерінің кәсіподақ комитетінің ұйымдастыруымен 13 мамыр күні Абылайхан атындағы №2 жалпы орта мектебі мен С.Рахымов атындағы №4 жалпы орта мектебінде Ұлағатты ұстаз, білікті басшы, Мақтаарал ауданының құрметті азаматы, аудандық мәслихаттың VI-VII шақырылымдарының депутаты, Мақтаарал аудандық кәсіподақ комитеті төрағасының қоғамдық негізде төрағасының орынбасары болған Абилов Бауыржан Үмбеталыұлын еске алуға арналған ерлер арасында спорттың «Волейбол» ойынынан Облыстық турнир өткізілді.

Облыс деңгейінде өткен турнирге Сарыағаш, Келес, Шардара, Жетісай және Мақтаарал аудандық кәсіподақ комитеттерінің кәсіподақ мүшелері қатысып, өзара мықтыны анықтады.

Жарысқа қатысушыларға арнайы сәттілік пен толағай табыстар тілеген «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің төрағасы Еркінбек Бахыт Сейтжаппарұлы мен Мақтаарал ауданының әкімі Асанов Бақыт Насырханұлы Облыстық турнирді құттықтау сөздерімен ашып, жылы лебіздерін білдірді.

Сонымен қатар Абилов Бауыржан Үмбеталыұлын еске алуға арналған турнирге Сарыағаш, Келес, Шардара, Жетісай аудандық кәсіподақ комитеттерінің төрағалары, Мақтаарал ауданы әкімінің орынбасарлары Б.Төребеков пен Н.Саттаров, аудандық мәслихаттың төрағасы Қ.Сәрсекбаев, аудандық ардагерлер кеңесінің төрағасы С.Оңғаров, аудандық адами әлеуетті дамыту бөлімінің басшысы М.Серікбаев, аудандық мәслихаттың депутаттары, мектеп директорлары, БАҚ өкілдері мен Абилов Бауыржан Үмбеталыұлының туған-туыстары мен жора-жолдастары қатысты.

Тартысқа толы турнирде бабы мен бағы қатар шауып, жеңістің биік тұғырынан көрінген, үздік ойын көрсеткен кәсіподақ мүшелері ұйымдастырушылар тарапынан дайындаған қаржылай сый-ақы мен «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің дайындаған марапат қағаздары табысталды.

Облыс деңгейінде өткен турнирдің қорытындысына сәйкес жарыстың жеңімпазы атанып,

І орын мен 120 000 (бір жүз жиырма мың) теңгені – Жетісай аудандық кәсіподақ комитетінің командасы иеленді.

ІІ орын мен 80 000 (сексен мың) теңгені – Мақтаарал аудандық кәсіподақ комитетінің командасы.

ІІІ орын мен 60 000 (алпыс мың) теңгені – Сарыағаш аудандық кәсіподақ комитетінің командасы.

IV орын мен 40000 (қырық мың) теңгені – Мақтаарал аудандық кәсіподақ комитетінің екінші командасы.

V орын мен 20 000 (жиырма мың) теңгені – Шардара мен Келес аудандық кәсіподақ комитеттерінің командалары иеленді.

Облыстық турнирде әділ төрелік жасаған төрешілер мен жарыс барысында үздік ойын өрнегін көрсеткен кәсіподақ мүшелеріне арнайы номинациялар мен қаржылай сыйлықтар табысталды.

Абилов Бауыржан Үмбеталыұлын еске алуға арналған Облыстық турнирге қатысқан барша кәсіподақ мүшелеріне Мақтаарал аудандық білім және ғылым қызметкерлерінің кәсіподақ комитетінің атынан шынайы алғысымызды білдіреміз.

Кәсіподақтың күші бірлікте!

Мақтаарал аудандық кәсіподақ комитетінің баспасөз қызметі.

2023 жылғы 11-мамыр күні Ордабасы аудандық білім және ғылым қызметкерлерінің кәсіподақ комитеті, аудандық «Жастар ресурстық орталығының» мәжіліс залында, «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің Жарғысының 3.18. пункітіне сәйкес және №19, 36 ақпараттық бюллетендерін басшылыққа ала отырып, бастауыш кәсіподақ ұйымы қызметінің мәні, принциптері, мақсаты мен міндеттерін тиімді ұйымдастыру, жұмысын жетілдіру мақсатында бастауыш кәсіподақ ұйымы төрағаларының қатысуымен «Бастауыш кәсіподақ ұйымы жұмысының негізгі бағыттары» тақырыбында әдістемелік оқыту семинарын өткізді.

Комиет төрағасының кеңесшісі Ә.Сәдірмек күн тәртібіндегі негізгі мәселе облыстық кәсіподақ комитетінен келген №19, 36 ақпараттық бюллетендер бойынша түсіндіру жұмыстарын жүргізіп, сұрақтарға жауап берді.

Кәсіподақ комитетінің төрағасы Қ.Төлебаев семинарды қорытындылап, жұмыскерлердің әлеуметтік-экономикалық құқығын қорғауда жұмыстың тиімді жолдары басты назарға алынып, әлеуметтік-әріптестік қатынаста жұмыс жасауды жүзеге асыру, кәсіподақ қозғалысын насихаттау жұмыстарын жандандыру және құжаттармен жүйелі жұмыс жүргізуге барынша назар аудару тапсырылды. Сонымен қатар бастауыш кәсіподақ ұйымы төрағаларына аудандық кәсіподақ комитетімен бірлесе отырып, кәсіподақ мүшелерінің жазғы сауықтыру жұмысын тиімді ұйымдастыруды жүктеп, бірқатар ағымдағы мәселелер бойынша қойылған сұрақтарға жауап берді.

Ордабасы аудандық кәсіподақ комитетінің баспасөз қызметі.

Ордабасы аудандық білім және ғылым қызметкерлерінің кәсіподақ комитеті «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің «Бастауыш кәсіподақ ұйымы туралы» ережесіне сәйкес бастауыш кәсіподақ ұйымы қызметінің мәні, принциптері, мақсаты мен міндеттерін тиімді ұйымдастыру мақсатында 2023 жылғы 11-мамыр күні Ордабасы аудандық «Жастар ресурстық орталығының» мәжіліс залында «Бастауыш кәсіподақ ұйымы жұмысының негізгі бағыттары» тақырыбында жаңадан сайланған және жаңадан құрылған мекемелердің бастауыш кәсіподақ ұйымы төрағаларына әдістемелік оқыту семинары өткізілді.

Семинарды кәсіподақ комитетінің төрағасы Қ.Тулебаев ашып, күн тәртібімен таныстырды.

Комитет маманы Э.Алтынбекова мекемеде бастауыш кәсіподақ ұйымын құру және жұмыс беруші мен жұмыскерлер арасындағы ұжымдық шарт жасау тәртібімен таныстырды. Сонымен қатар, жылдық жұмыс жоспарының жобасымен, істер номенклатурасы бойынша құжаттарды жинақтап жүйелі жүргізу барысын және кәсіподақ мүшелігіне қабылданған жұмыскерлерге кәсіподақ билетін толтырып журналға тіркеу оны салтанатты түрде табыстауды ұйымдастыру туралы әдістемелік көмек берді. «Кәсіподақ бұрышын» ұйымдастыру, мүмкіндік болса жеке кабинет жасақталып, кәсіподақ мүшелерінің мұң-мұқтажын тыңдап жұмыс жасауды ескертті.

Семинардың қайтымды сәтінде жаңадан сайланған төрағалардан кәсіподақ қозғалысы туралы тест алынып, бүгінгі семинар бойынша алған әсерлері және де алдағы уақытта қандай мәселелер бойынша әдістемелік көмек берілгенін қалайтындығы туралы жазбаша ұсыныстары алынды.

Комитет төрағасы Қ.Тулебаев семинарды қорытындылап, бастауыш кәсіподақ ұйымы өзінің қызметін ҚР-ның «Кәсіптік одақтар туралы» Заңы, қолданыстағы заңнамалар, облыстық кәсіподақ ұйымының Жарғысы және Ережесі негізінде жүргізетіндігін, ұжымда әлеуметтік-әріптестік қатынаста жұмыс жасауды жүзеге асыруды атап өтті.

Семинарға қатысушылардың сұрақтарына нақты жауаптар берілді.

Ордабасы аудандық кәсіподақ комитетінің баспасөз қызметі.