«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Аудандық кәсіподақ комитетінің ұйымдастыруымен Мақталы ауылдық округі мектептерінің мұғалімдері арасында Ы. Алтынсарин мектебінде “Екі жұлдыз” байқауы өтті. Іс-шара тартысқа толы, мазмұнға бай өрбіді. Таныстыру, жағдаяттан шығу және ән орындау шарттары бойынша сайысқан әріптестер көрермендерге көтеріңкі көңіл-күй сыйлай білді.
Кәсіподақ комитетінің ұйымдастыруымен ауылдық округ, қала мен кенттер бойынша өтіп жатқан іс-шараның қорытынды аудандық кезеңі бірінші кезең жеңімпаздары арасында «10 маусым – Кәсіподақ күніне» орай өткізілетін болады

Кентау қалалық білім және ғылым қызметкерлері кәсіподақ комитеті мен қалалық білім бөлімі ұйымдастыруымен 8-Наурыз Халықаралық аналар мен арулар мерекесіне орай 2019 жылдың 07 наурызында іс-шаралар өткізді.
Қалалық кәсіподақ мүшелерін 276 құрмет грамоталары, алғыс хаттары және бағалы сыйлықтары тапсырылды. Сонымен қатар, 50 жасқа толған кәсіподақ мүшелеріне қалалық кәсіподақ комитетінің тарапынан 26 бағалы сыйлықтар берілді.
8-Наурыз Халықаралық аналар мен арулар мерекесіне орай қалалық кәсіподақ комитетінің төрағасы атынан қала аумағында тұратын 18 алтын алқа, 118 күміс алқа иегерлеріне сыйлықтар берілді, қалалық кәсіподақ комитетінің мүшелері жоғары марапаттарға ие болды.
Атап айтсақ Жайықбаева Гульжамал Маханбетжановна Қазақстан Республикасы білім және ғылым министрлігінің Алғыс хатымен, Ахметова Лаззат Баратбековна Қазақстан Республикасы білім және ғылым министрлігінің «Білім беру ісінің құрметті қызметкері» төсбелгісімен, Атабек Салтанат Атабекқызы зейнеткер ұстаз Қазақстандық салалық білім және ғылым қызметкерлерінің кәсіподағының Алғыс хатына және Гайипова Диларам Ариповна Кентау қалалық мәслихатының Алғыс хаты, облыстық кәсіподақ комитетінің тарапынан Абдухаликова Шахла Айтмухамбетовна және ардагер ұстаз Худайбергенова Тұмаркүл Асанқызы «Кәсіподаққа еңбегі сіңген қызметкер» төсбелгісімен марапатталды.

8 наурыз Халықаралық әйелдер күніне арналған
мерекелік іс-шара өтті

Сарыағаш аудандық білім және ғылым қызметкерлері кәсіподақ комитетінің ұйымдастыруымен. Сарыағаш аудандық мәдениет үйінде 8-наурыз “Халықаралық әйелдер күні” қарсаңында “Ана-гүл, Ана-өмір шуағы” тақырыбында мерекелік салтанатты іс-шара өтті. Аудандық білім мекемелерінде жұмыс жасайтын “Алтын, Күміс алқалы алтын құрсақты, бірнеше егіздерді дүниеге алып келген Батыр аналар қатысты.
Мерекеге Қазақстан Республикасы парламент сенатының депутаты Әли Бектаев, Сарыағаш ауданының әкімі Қайрат Абдуалиев, Қазақстандық салалық білім және ғылым қызметкерлерінің “Түркістан облыстық ұйымы қоғамдық бірлестігінің” төрағасы Бахыт Еркінбек, Сарыағаш аудандық кәсіподақ комитетінің төрағасы Әкімбай Тастанбеков, аудандық әйелдер кеңесінің төрайымы Назира Тәшімбетова қатысып, барша аналарды “8 наурыз – Халықаралық әйелдер күні” мерекесімен құтықтады.
Салтанатты жиынға арнайы шақырылған көп балалы Батыр аналарға марапат жасалынып, сыйлықтар тапсырылды.
Мерекелік құтықтау соңы аудандық өнер иелерінің концерттік бағдарламасына ұласты.

Түркістан облысы Ордабасы ауданы Темірлан елді мекені аудандық мәдениет үйінде білім және ғылым қызметкерлері кәсіподағының Ордабасы аудандық комитетінің ұйымдастыруымен “Мың алғыс саған,анашым!” тақырыбымен аналар мерекесі өтті. Мерекеге ардагер аналар, Алтын, Күміс алқа иелері, бірнеше егіздерді дүниеге әкелген аналар, көпбалалы аналар, үздік ұстаз-аналар, жас ұстаздар отбасылары-барлығы 470 адам қатысып, бәрінің иықтарына орамал жабылып, тарту етілді, гүл шоғы сый-сияпат тарту етілді. Сондай-ақ 74 анаға сыйлықтар беріліп, Қазақстандық салалық білім және ғылым қызметкерлері кәсіподағының облыстық және аудандық комитетерінің, аудан әкімінің және аудандық мәслиxаттың марапаттарымен көтермеленді. Мерекелік құттықтау өнер иелерінің мерекелік концертіне жалғасты. Мерекеге облыстық кәсіподақ комитетінің бөлім басшысы Ақбердиев Ғ.К, аудан әкімінің орынбасары Тілеубердиев А.С, “Нұр Отан” партиясы АФ төрағасының бірінші орынбасары Жәкей Б.Б қатысып, аналарды мерекемен құттықтады. Аналардың бал-бұл жанған түрлерін көріп, біз де мәз болдық! Шынайы құрмет, жылы лебіз қашан да көңілге қуаныш сыйлайды!

Ұш жақты келісім
Бүгін 06 наурыз күні Мақтаарал ауданы білім бөлімі басшысының міндетін уақытша атқарушы М.Бабашев, Мақтаарал аудандық кәсіподақ комитетінің төрағасы А.Жолдасов және Түркістан облысы кәсіпкерлер палатасының Мақтаарал аудандық филиалының директоры Н.Абдразакова 2019-2021 жылдарға арналған ӘЛЕУМЕТТІК-ӘРІПТЕСТІК ТУРАЛЫ КЕЛІСІМГЕ қол қойды.

Төлеби аудандық кәсіподақ комитеті мәлімдейді. Аудандық білім бөлімі және аудандық кәсіподақ комитеті Қазақстан Республикасының Президенті Н.Ә.Назарбаевтың жастардың бүгіні мен болашағына қамқорлық жасауды өз саясатының мәніне бағалап, биылғы 2019 жылды «Жастар жылы» деп жариялауына сәйкес, жастар жылын өткізуге арналған іс-шаралар жоспары барысындағы білім саласындағы жұмыс істейтін көп балалы аналарды қошеметтеп 8 – наурыз халықаралық әйелдер күні мерекесі қарсаңында іс- шара өткізді.
Іс-шараға аудандағы жалпы орта білім беретін мекемелердегі 20 мұғалім шақырылды. Олардың 10 білім саласында жұмыс істейтін 35 жасқа дейінгі көп балалы аналар, ал 10 аудан көлемінде білім саласына еңбегі сіңген, облыстық және республика деңгейінде білімді шәкірттер тәрбиелеп жүлделі орындар иеленіп жүрген мұғалімдер. Іс-шарада аудандық кәсіподақ комитеті төрағасы Раджу Сайлауұлы және аудандық білім бөлімі әдістемелік кабинет меңгерушісі Тұрғанова Ақмарал Жақсыбайқызына сөз берілді. Өз сөздерінде көктемнің алғашқы мерекесі әйелдер күні мерекесімен құттықтап, алғыс хат, құрмет грамотасы және Төлеби аудандық кәсіподақ комитетінің арнайы сыйлықтарымен марапаттады. Сондай-ақ мерекелік концерт қойылды. Концерт соңында аналар алғыстарын айтып, өз ризашылықтарын білдірді.

Мақтаарал ауданы білім бөлімі мен Мақтаарал аудандық кәсіподақ комитетінің ұйымдастыруымен 06 наурыз күні «№4 С.Рахимов атындағы жалпы орта мектебі» коммуналдық мемлекеттік мекемесінде 8 наурыз – Халықаралық аналар, қыз-келіншектер мерекесіне орай «Отбасы берекесі – Әйелдер мерекесі» құтты болсын тақырыбында мерекелік шара ұйымдастырылып өткізілді.
Мерекелік шараны Мақтаарал ауданының әкімі Б.Асанов құттықтау сөздерімен ашып беріп,
барша аналар мен қыз-келіншектерді мерекемен құттықтап, Мақтаарал ауданы әкімінің және
Мақтаарал ауданы маслихатының алғыс хаттарымен ұстаздарды марапаттады.
Сонымен қатар Мақтаарал ауданы білім бөлімі басшысының міндетін уақытша атқарушы
М.Бабашев пен Мақтаарал аудандық кәсіподақ комитетінің төрағасы А.Жолдасов мерекелік
шараға келген ұлағатты ұстаздар мен ардагер ұстаздарды мерекемен құттықтап Мақтаарал
ауданы білім бөлімі мен Мақтаарал аудандық кәсіподақ комитетінің атынан ұстаздарға алғыс
хаттарын табыстады.
8 наурыз – Халықаралық аналар, қыз-келіншектер мерекесіне орай ұйымдастырылған
мерекелік шара арнайы концерттік бағдарламамен жалғасын тапты.

Шардара аудандық білім қызметкерлерінің кәсіподақ комитетінің төрағасы Жұман Ұлықбек мырза шұғылалы көктемнің алғашқы мерекесі – 8-наурыз Халықаралық әйелдер күні мейрамымен шын жүректен құттықтап,ана қуанышы, әйел қуанышы-әр үйдің отбасының Отанның мерейі дей келе әрбір отбасына бірлік-береке, кемел табыс, қызметте өрлеу және махаббат пен әсемдік тіледі.Аудан мектептерінде алпыстан астам ұстаздарды, зейнеткер және алтын құрсақты көп балалы аналарымызды алғыс хаттарымен марапаттады. Н.Ә.Назарбаевтың 2019жылды “Жастар жылы” деп жариялануына байланысты жас кәсіподақ мүшелері де марапатқа ие болды.
Облыстық кәсіподақ басшысы Бақыт Еркінбек мырзаның құттықтау сөздерін және ұстаздарымыздың көп жылдан бергі ерен еңбектерімен шәкірттеріне сапалы білім мен саналы тәлім-тәрбие бергені үшін арнайы облыстық кәсіподақ төсбелгісімен, алғыс хаттарымен марапаттады.
Жұман Ұлықбек мырза аналарымыздың мерекесіне орай концерттік бағдарлама ұйымдастырып, қаржылай сый-сияпат жасап, гүл шоқтарын ұсынды. Аналарымыз алғыстарын айтып, ризашылықтарын білдірді.