«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Мақтаарал аудандық білім және ғылым қызметкерлері кәсіподақ комитетінің ұйымдастыруымен, Мақтаарал ауданы әкімдігінің және аудандық маслихат депутаттарының қолдауымен 06 сәуір күні Қазақстан Республикасының Тұңғыш Президенті, Елбасы Н.Ә.Назарбаевтың 2018 жылғы 05 қазандағы «ҚАЗАҚСТАНДЫҚТАРДЫҢ ӘЛ-АУҚАТЫНЫҢ ӨСУІ: ТАБЫС ПЕН ТҰРМЫС САПАСЫН АРТТЫРУ» атты Жолдауы аясынды және «2019 жыл – ЖАСТАР жылы» деп жариялануына орай «ЕЛБАСЫ ЖОЛДАУЫ – БАСТЫ БАҒДАР» атты жас ақындар мүшәйрасы ұйымдастырылып өткізілді.

Мүшәйраға 25-35 жас аралығындағы мемлекеттік және азаматтық қызметкерлер қатысып өз бақтарын сынады.

Мүшәйраға арнайы келген қонақтар: Мақтаарал ауданының әкімі Б.Асанов, Мақтаарал ауданы білім бөлімі басшысының міндетін уақытша атқарушы М.Бабашев, Мақтаарал ауданының қоғамдық келісім ұйымының төрағасы С.Мелдеханов, Мақтаарал аудандық ардагерлер кеңесінің төрағасы С.Оңғаров, Мақтаарал аудандық әжелер алқасының төрайымы Ш.Құрбанбаева, аудандық маслихаттың депутаты Б.Абилов құттықтау сөзге шығып, мүшәйраға қатысушы барша үміткерлерге сәттілік пен толағай табыстар тіледі.

Тартысты өткен мүшәйраның қорытындысына сәйкес жеңімпаз болған және бірінші орын алған үміткерлерге сайысымыздың бас демеушісі Қазақ мақта шаруашылығы ғылыми зерттеу институтының бас директоры, Қазақстан Республикасының Ұлттық ғылым академиясының академигі, Қазақстан Республикасының еңбек сіңірген қайраткері И.Үмбетаевтың арнайы сыйлықтары ТЕЛЕДИДАРМЕН және Мақтаарал аудандық білім және ғылым қызметкерлері кәсіподақ комитетінің төрағасы А.Жолдасовтың атынан тағайындалған МАДАҚТАМА қағаздарымен марапатталды. Екінші орын алған екі үміткерлеге де КІР ЖУАТЫН машинамен мадақтама қағаздары және үшінші орын алған үміткерлерге де ҚЫСҚА ТОЛҚЫНДЫ ПЕШТЕР мен мадақтама қағаздары Мақтаарал ауданы әкімдігінің және аудандық маслихат депутаттарының атынан табысталды және ынталандыру сыйлықтары, яғни бес үміткерге номинациялар мен бағалы сыйлықтар табысталды.

Аудан деңгейінде өткен жас ақындар мүшәйрасын Мақтаарал аудандық білім және ғылым қызметкерлері кәсіподақ комитетінің төрағасы А.Жолдасов өз сөздерімен қорытындылап, барлық үміткерлерге толағай табыстар тіледі.

2019 жылы әлеуметтік әріптестік жөніндегі Келісімдер мен ұжымдық шарттардың мерзімі аяқталып, жаңа мерзімге келісімдер мен ұжымдық шарттарды әзірлеу және бекіту жұмыстары жүргізілуде.

2019 жылғы 2 сәуір күні Түркістан облысының білім басқармасы, «Атамекен» Ұлттық кәсіпкерлері палатасының Түркістан облысының кәсіпкерлер палатасы және «Қазақстандық салалық білім және ғылым қызметкерлері кәсіптің одағының Түркістан облыстық ұйымы» Қоғамдық бірлестігі арасындағы әлеуметтік әріптестік жөніндегі 2019-2021 жылдарға арналған үш жақты Келісімге қол қою рәсімі өтті.

Қол қою рәсімі Түркістан облысының медиа-орталығында болып, Келісімге облыстық білім басқармасы атынан басқарма басшысының  орынбасары А.Садықова, облыстық кәсіподақ комитетінің төрағасы Б.Еркінбек, облыстық кәсіпкерлер палатасы директорының орынбасары Б.Кенжебаев тараптар атынан қол қойды.

Келісімнің тараптары:

Жұмыс берушілер атынан.

• Білім беру ұйымдарының өкілі болып табылатын Түркістан облысының білім басқармасы;
• Түркістан облысының кәсіпкерлер палатасы;

Жұмыс істеушілер атынан:

• Түркістан облысы аумағындағы білім беру мекемелері мен ұйымдарының атынан олардың өкілі болып табылатын – «Қазақстандық салалық білім және ғылым қызметкерлері кәсіптік одағының Түркістан облыстық ұйымы» ҚБ.

Әлеуметтік әріптестік жөніндегі үш жақты Келісім облыс аумағындағы білім беру ұйымдары мен мекемелерінде әлеуметтік-еңбек қатынастарын реттейтін құқықтық акт болып табылады.

Келісім Қазақстан Республикасының Еңбек кодексіне, ҚР «Кәсіптік одақтар туралы» Заңына, өзге де заңнамалық және нормативтік-құқықтық актілерге сәйкес білім беру ұйымдары қызметкерлерінің әлеуметтік-экономикалық, құқықтық және кәсіби мүдделерін қорғау және қызметкерлер үшін қосымша әлеуметтік, құқықтық және кәсіби кепілдіктер, жеңілдіктер мен артықшылықтар, сондай-ақ заңдармен, өзге де нормативтік-құқықтық актілермен, әлеуметтік әріптестік туралы Бас келісіммен, салалық келісіммен белгіленген оңтайлы еңбек жағдайларын жасауды көздейтін жұмыс беруші мен жұмысшылардың өзара міндеттемелерін айқындау және бекіту мақсатында жасалған.

Әлеуметтік әріптестік жөніндегі келісімдер мен ұжымдық шарттар жұмыс беруші мен жұмыскерлер арасындағы еңбек қатынастарын реттеудегі құқықтық акт болып қана қоймай, ұжымдар ішіндегі моральдық-психологиялық ахуалды реттеудегі, еңбекті қорғау және еңбек қауіпсіздігін сақтауды қамтамасыз етуге ықпал ететін  маңызды құрал екендігін практика дәлелдеп отыр.

Сол сияқты, әлеуметтік әріптестік жөніндегі үш жақты комиссиясының құрамы бекітілді.

Жетісай аудандық кәсіподақ комитеті

Наурыз айының 27-28 күндері Жетісай ауданы көлеміндегі білім беру ұйымдары қызметкерлері арасында білім бөлімі мен аудандық кәсіподақ комитетінің ұйымдастыруымен спорттық спартакиада өткізілді. Алдын ауылдық округ, кенттер арасында іріктеу турнирлері өтіп, осынау кезең жеңімпаздары байрақты бәсекенің аудандық кезеңінде бақ сынасты. Кіші футбол, волейбол, баскетбол, шахмат және тоғызқұмалақ сияқты спорттың 5 түрінен өткен турнир қызықты да тартысты өтті.

Турнир қорытындысында спорт түрлері бойынша сарапқа салынған жүлделі орындарға мына командалар ие болды:

Кіші футбол турнирінде:

І орын – С.Сейфуллин атындағы ЖОМ

ІІ орын – Т.Рысқұлов атындағы ЖОМ

ІІІ орын – Ғ.Мұратбаев атындағы ЖОМ

Волейбол турнирінде:

І орын – «Достық» ЖОМ

ІІ орын – А.Байтұрсынов атындағы ЖОМ

ІІІ орын – «Қайнар» МГ

Баскетбол турнирінде:

І орын – Г.Титов атындағы ЖОМ

ІІ орын – «Дәуір» ЖОМ

ІІІ орын – «Жеңіс» МГ

Шахмат турнирінде:

І орын – А.Байтұрсынов атындағы ЖОМ

ІІ орын – М.Мақатаев атындағы ЖОМ

ІІІ орын – Қазыбек би атындағы ЖОМ

Тоғызқұмалақ турнирінде:

І орын – Ш.Уалиханов атындағы ЖОМ

ІІ орын – «Асықата» ЖОМ

ІІІ орын – М.Әуезов атындағы ЖОМ

Сонымен қатар спорт бәсекелерінде Алдамұратов Е., Бакирамов О., Елмұратов Б., Матжанов Б., Шуренов Б., Қияшев М. сияқты әріптестеріміз үздік ойындарымен танылды.

Аудандық спартакиаданың жабылу салтанатында барлық жүлдегер командалар мен үздік ойыншыларға, үздік төрелік еткен төрешілер мен ұйымдастыру алқасына аудандық білім бөлімі мен кәсіподақ комиеті атынан арнайы кубоктар, медаль мен марапаттар және сый-сияпаттар табысталды.

     Түлкібас аудандық кәсіподақ комитеті

2019  жылы  Жастар жылы  деп жариялануына байланысты, Түлкібас аудандық кәсіподақ комитетінің ұйымдастыруымен  Макаренко атындағы жалпы орта мектебінің спорт залында аудан мектептерінің бастауыш кәсіподақ  ұйымдары  арасында волейболдан, кіші футболдан және баскетболдан  спартакияда өткізді,  жарысқа 23  команда қатысты.

1-орынды Келте-Машат  округінен  Жиынбай жалпы орта мектебі

2- орынды Састөбе округінен  А.Оразбаева жалпы орта мектебі

3-орынды Машат округінен Жамбыл атындағы жалпы орта мектебі.

Жеңімпаз командалар дипломдар және бағалы сыйлықтарымен марапатталды.

«Қазақстандық салалық білім және ғылым қызметкерлері кәсіптік одағы Түркістан облыстық ұйымы» ҚБ жұмыс жоспарына сәйкес 2019 жылғы 27 наурыз күні облыстық семинар өткізілді. 

Семинарға қатысқандар: университеттер, колледждер және облыстық кәсіподақ комитетіне тікелей қарасты  бастауыш кәсіподақ ұйымдарының төрағалары.

Семинар алдында Қазақстандық салалық білім және ғылым қызметкерлері кәсіптік одағы  Түркістан облыстық ұйымының жұмыстары туралы бейнефильм көрсетілді.

Семинарды облыстық кәсіподақ комитетінің төрағасы Б.Еркінбек ашып, семинардың мақсатына тоқталды.

Облыстық кәсіподақ комитеті төрағасының орынбасары Абуов А.Ш. Жастар жылына байланысты облыстық кәсіподақ ұйымының іс-шаралары. Бастауыш кәсіподақ ұйымдары туралы ереже жайлы, БКҰ-ның жұмысын жоспарлау туралы лекция оқыды.

Облыстық кәсіподақ комитетінің бөлім басшысы Акбердиев Ғ.К. Кәсіподақ мүшелерін әлеуметтік-экономикалық және құқықтық қорғаудағы әлеуметтік әріптестіктің маңызы, ұжымдық шарт пен келісім шарт жасау туралы практикалық жұмыстар, жеке еңбек дауларын қарау тәртібі, келісу комиссиясының жұмысын ұйымдастыру бойынша методикалық нұсқаулықтар туралы баяндады.

Облыстық кәсіподақ комитетінің маманы Қилыбай Б. білім мекемелеріндегі өндірістік кеңестің және еңбекті қорғау жөніндегі техникалық инспектордың жұмысын ұйымдастыру бойынша методикалық нұсқаулық туралы айтты.

     Семинар соңында семинарға қатысушылар өз ойларын білдіріп, пікір алмасты.

Мақтаарал ауданы білім бөлімі мен Мақтаарал аудандық білім және ғылым қызметкерлерінің кәсіподақ комитетінің ұйымдастыруымен «Ұлыстың Ұлы күні – Наурыз мерекесі» қарсаңында білім беру саласында толағай табыстарға кенелген білім саласының қызметкерлеріне және «Алтын алқа» иегерлеріне Мақтаарал аудандық білім және ғылым қызметкерлері кәсіподақ комитетінің төрағасы А.Жолдасов  Мақтаарал ауданының әкімі Б.Асановтың, Мақтаарал ауданы маслихатының хатшысы Қ.Сәрсекбаевтың атынан арнайы алғыс хаттарын, Қазақстандық салалық білім және ғылым қызметкерлері кәсіптік одағының Түркістан облыстық ұйымының төрағасы Б.Еркінбектің атынан арнайы «Кәсіподаққа сіңген еңбегі үшін» төс белгілерін және құрмет грамоталары мен алғыс хаттарын табыстады. Мерекелік шара барысында Мақтаарал аудандық білім және ғылым қызметкерлерінің кәсіподақ комитетінің төрағасы А.Жолдасов мерекемен құттықтап, толағай табыстар тіледі.

Созақ ауданы әкімдігінің білім  бөлімінің басшысы Айдаров Нұралы Тұрдыұлы , «Атамекен» ҰКП Созақ АФ директоры Жүсіп Ғабит Елбергенұлы, Білім және ғылым қызметкерлері Созақ аудандық кәсіподақ комитетінің төрағасы Қасым Манас Сейдахметұлы 2019-2021 жылдарға арналған әлеуметтік әріптестік жөніндегі үш жақты келісімге қол қойды.

Жасалынған құжаттың мазмұнында білім қызметкерлерінің құқығының қорғалуына және ұстаздардың әлеуметтік-экономикалық жағдайын жақсартуға баса назар аударылған.             Үш жылға жасалынған келісімнің жұмыс жоспарында қажетті тақырыптар қамтылған. Сонымен қатар, тараптардан тепе-теңдік жағдайда комиссия бекітілген.                                                                Олар белгіленген мерзімде келісімде қаралған мәселелерді бақылап, орындалуын қадағалап отырады. Келісім барысында білім саласындағы түйткілді мәселелердің алдын алуға және дер кезінде қалпына келтіруге бағытталғаны жөнінде айтылып, бұл жұмыстың оң нәтиже беретініне сенім білдірді.

Мақтаарал ауданы білім бөлімі мен Мақтаарал аудандық білім және ғылым қызметкерлерінің  кәсіподақ комитетінің ұйымдастыруымен 16 наурыз күні Мақтаарал ауданы, Жамбыл ауыл әкімшілігіне қарасты бала бақшалар арасында «Үздік тәрбиеші – 2019» байқауы ұйымдастырылып өткізілді.

Байқауға Жамбыл ауыл әкімшілігдегі «Күн әлемі», «Қызылжаға», «Жамал әже», «Айкен-Тоғжан», «Би Мардан» және «Бибіш ана» бала бақшаларының тәрбиешілері қатысып, 6 сайыс бойынша (Сәлемдесу, Педагогикалық жағдаяттарды шешу, «Өнерлі өрге жүзер» өнер сайысы, Үй тапсырмасы (еркін тақырыпта юморлық көрініс), Сұрақ-жауап және жұмыс барысындағы ең үздік көрнекіліктерімен таныстыру) сайысқа түсті.

«Үздік тәрбиеші – 2019» байқауына төрелік жасаған әділ қазылар алқасының құрамы:

1. Мақтаарал ауданы білім бөлімінің әдіскері –Баймаганбетова Сабира
2. Мақтаарал ауданы кәсіподақ комитетінің маманы – Жанисов Ержан
3. Жамбыл ауыл әкімшілігінің құрметті азаматы, жазушылар одағының мүшесі – Сыздықов Құралбек
4. Ажар бала бақшасының әдіскері – Тойлыбаева Зухра

«Үздік тәрбиеші – 2019» байқауының қорытындысына сәйкес «Үздік тәрбиеші – 2019» байқауының жеңімпазы «Күн әлемі» бала бақшасының тәрбиешісі Пішенбаева Бағланай апайымыз иеленді.

«Қызыл жаға» бала бақшасының тәрбиешісі Өмір Әйгерім «Өнерлі тәрбиеші номинациясымен.

«Жамал әже» бала бақшасының тәрбиешісі Налибаева Алеся «Ізденімпаз тәрбиеші» номинациясымен.

«Айкен-Тоғжан» бала бақшасының тәрбиешісі Нуралиева Гулсім «Заманауи тәрбиеші» номинациясымен.

«Би Мардан» бала бақшасының тәрбиешісі Жасузакова Улдыгыз «Тапқыр тәрбиеші» номинациясымен.

«Бибіш ана» бала бақшасының тәрбиешісі Төреханова Айнұр «Шығармашыл тәрбиеші» номинацияларымен марапатталды.

Сайысты ұйымдастырған және сайысқа қатысқан барлық бала бақшаның ұйымдастыруышлары мен тәрбиешілеріне Мақтаарал аудандық білім және ғылым қызметкерлерінің кәсіподақ комитеті арнайы алғыс хаттары мен мадақтамалары және бағалы сыйлықтар табысталды.

Бүгін, 14 наурыз 2019 жылы, Жетісай ауданының білім бөлімі,Түркістан облысы Кәсіпкерлер Палатасының Жетісай аудандық филиалы және аудандық кәсіподақ комитеті арасындағы 2019-2021 жылдарға арналған әлеуметтік әріптестік туралы салалық келісімге қол қойылды. Келісім құжаты жұмыс беруші мен жұмыскерлер арасындағы еңбек қатынастарын реттеу, әлеуметтік әріптестік пен құқықтық мәселелер бойынша өзара ынтымақтастықты қалыптастыруға негізделген. Барлық сала қызметкерлерінің мүддесін қорғау құралы болып табылатын салалық Келісім Түркістан облыстық Еңбек инспекциясына тіркелген соң заңды күшіне енетін болады.