«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Кәсіподақтағы батыр аналармен кездесу

Түркістан қалалық білім және ғылым қызметкерлері кәсіподақ комитеті 8 Наурыз Халықаралық әйелдер мерекесі қарсыңында «Ана – тіршіліктің тірегі» атты салтанатты жиын өткізді. Жиынға 51 “Алтын алқа, 151 “Күміс алқа” иегері атанған алтын құрсақ аналар қатысты. Мақсат: көпбалалы аналарды дәріптеу, мадақтау. Алқалы жиынды Түркістан қаласының Құрметті азаматы, Түркістан облысы ардагерлер кеңесінің мүшесі, қаланың өсіп өркендеуіне өз үлесін қосып жүрген ардақты ана, кәсіподақ комитетінің кеңесшісі Гүлжан Әсілбайқызы ашып, кәсіподақтың белсенді мүшелері білім саласында басшы қызмет атқарып жүрген 1. Примжанова Тамара Мамашевна М.Жұмабаев атындағы №15 мектеп – гимназиясы, 2. Утеуова Гулнара Кумиртаевна №22 жалпы орта мектебі, 3. Азретбергенова Жанил Жарылхасыновна №23 жалпы орта мектебі 4. Ибадуллаева Рая Серикбаевна М.Мәметова атындағы №6 жалпы орта мектебінің директорлары «Қазақстандық салалық білім және ғылым қызметкерлері кәсіптік одағының Түркістан облыстық ұйымы» Қоғамдық бірлестігінің «Кәсіподаққа еңбегі сіңген қызметкер» төс белгісін табыстады. Осы төс белгі Хамза атындағы №2 жалпы орта мектебінің өзбек тілі мен әдебиеті пәні мұғалімі Дийметова Дильбар Абдуразаковнаға да табысталды. Бүгінгі құрмет, бүгінгі гүлшоқтары Сіздерге арналады деп жүргізуші хабарлағаннан кейін 202 аналарға гүлшоқтары табысталды. Түркістан облысы Қазақстан халқы Ассамблеясы жанындағы Аналар кеңесінің төрайымы Жамболова Дүйсенкүл Жамболқызы мен Қалалық әйелдер алқасының төрайымы Мұстафаева Ұлжан Әбенқызы да “Алтын құрсақ” аналарды құттықтап ыстық лебіздерін білдіріп, кәсіподақ белсенділерін «Қазақстандық салалық білім және ғылым қызметкерлері кәсіптік одағының Түркістан облыстық ұйымы» Қоғамдық бірлестігінің «Құрмет грамотасын» 1. Орынбаева Жанил Анишовна №9 Некрасов атындағы мектеп – гимназиясы коммуналдық мемлекеттік мекемесінің директорына 2. Есетова Салтанат Махамбетовна  «Балдырған» бөбекжай балабақшасының меңгерушісі 3. Абдираманова Гульназ Бакбергеновна  «Көркем» бөбекжай балабақшасының меңгерушісі 4. Айтбенбетова Ұлжалғас Тулебайқызы  «Алтын сақа» балабақшасының меңгерушілеріне табыстады. 
Түркістан қалалық білім және ғылым қызметкерлері кәсіподақ комитетінің төрағасы Турманова Диана Абайқызы батыр аналарды мерекесімен құттықтап, кәсіподақ комитетінің заттай сыйлығын “Алтын алқы”, “Күміс алқа” иегерлері 202 анаға тапсырды. Төраға 1. Абдумауленова Гүлрайхан «Келешек» санаториялық бөбекжайының, 2. Зайтханова Зилола «Шамшырақ» балабақшасының, 3. Вапаева Дилноза «Шамшырақ» балабақшасының, 4. Сейтбекова Айнұр «Мереке» бөбекжай балабақшасының тәрбиешілерін және 5. Шарафиддинова Дилафруз
«Тажиниса ана» балабақшасының ағылшын тілі пәнінің мұғалімін Түркістан қалалық білім және ғылым қызметкерлері кәсіподақ комитетінің мақтау қағазымен марапаттады. «Алтын алқа» иегері «Шұғыла» балабақшасының тәрбиешісі Райымбаева Айсара Маткаримқызы және «Күміс алқа» иегері №9 Некрасов атындағы мектеп – гимназиясының мұғалімі Сәбден Баян Қасымқызы сахна төріне шығып шынайы алғыстарын білдірді. Әрбір құттықтау сөзден, марапаттан кейін концерттік бағдарлама, жиын соңы Ш.Қалдаяқовтың “Ана туралы жыр” әнін жиынға қатысушы аналармен бірлесе отырып орындауда жиын өз мәресіне жетті.

Қазақстандық салалық білім және ғылым қызметкерлері кәсіподағы Түркістан облыстық ұйымы атқару комитетінің 2019 жылы 22 ақпан күні кеңейтілген мәжілісі өтті.
Күн тәртібінде:
1. “Қазақстандық салалық білім және ғылым қызметкерлері кәсіптік одағының Түркістан облыстық ұйымы” ҚБ 2019 жылғы 1 қаңтарға кәсіподақ мүшелері жайлы статистикалық есебі туралы.
2. “2019 жыл-жастар жылы” болып жариялануына байланысты Түркістан облыстық кәсіподақ комитетінің іс-шаралар жоспары туралы.
3.Жастар жылына байланысты “Үздік жас кәсіподақ көшбашысы-2019” және “Үздік студенттік кәсіподақ ұйымы-2019” облыстық байқауларына өткізу туралы.
4. Түркістан облыстық білім басқармасы, “Атамекен” ҰКП Түркістан облыстық кәсіпкерлер палатасы және “Қазақстандық салалық білім және ғылым қызметкерлері кәсіптік одағының Түркістан облыстық ұйымы” ҚБ арасындағы 2019-2021 жылдарға арналған әлеуметтік әріптестік туралы келісімнің жобасы жайлы. Айтылған және басқа да түрлі мәселелер толық қаралды.

2019 жыл 20 ақпан күні сағат 10.00-де Түркістан облысы білім және ғылым қызметкерлері кәсіподағының Ордабасы аудандық комитетінің ұйымдастыруымен Темірлан е.м орналасқан “Жастар” сарайының үлкен залында “Келісу комиссиясының жұмысын ұйымдастыру” тақырыбында семинар өтті. Семинарға Ақбердиев Ғ.К-облыстық кәсіподақ комитетінің бөлім басшысы, Датқаев Ә.Ә-Түркістан облысы және Шымкент қаласы кәсіподақтар орталығы” аумақтық бірлестігінің бас маманы, Ақшегирова О.М- “Медиацияны дамыту орталығы ” республикалық ҚБ Түркістан облысы және Шымкент қаласы бойынша өкілдігінің директоры, Сапарбаева Г.П-Шымкент қаласы адвокаттар алқасының адвокаты, Абай аудандық заң консультациясының меңгерушісі, 95 бастауыш кәсіподақ ұйымының жұмыс берушілері мен бастауыш кәсіподақ ұйымының төрағалары, аудандық білім бөлімінің мамандары және С.Сейфуллин атындағы ЖОМ келісу комиссиясының мүшелері қатысты. Семинар жұмысының бағдарламасымен аудандық кәсіподақ комитетінің төрағасы Сәдірмек Ә.Ш таныстырып, семинар жұмысына төрағалық етті. Семинарда үш мәселе бойынша баяндамалар оқылып, түсіндірмелер мен сұрақтарға жауаптар берілді және “Іскерлік ойыны” өткізілді. 1.”Келісу комиссиясының жұмысын құқықтық реттеу. Келісу комиссиясы туралы ереже” (Маxанова З.С), 2.”Еңбек дауы және оның туындау себептері. Жеке еңбек дауын шешудегі келісу комиссиясының ролі”. (Сапарбаева Г.П), 3. “Медиация заңының қолдану аясы” (Ақшегирова Л.М). 4.Іскерлік ойыны:”Келісу комиссиясының” отырысы (С.Сейфуллин атындағы ЖОМ). Баяндамашылар еңбек қатынастарын реттеуге байланысты келісу комиссиясын құру және оның жұмысын жүргізу, жеке еңбек дауының туындау себептері, оны шешудегі комиссиясының ролі, медиация заңының маңызы туралы жан-жақты баяндады. Ақбердиев Ғ.К және Датқаев Ә.Ә келісу комиссиясының құрамын таңдауға мән беру керектігі, күнделікті жұмыс барысында мән беріле бермейтін қарапайым жайттардан үлкен еңбек дауының туындау жағдайлары, оны шешудің жолдары туралы өздерінің тұжырымды және салиқалы ой-пікірлерімен бөлісті. Іскерлік ойынында С.Сейфуллин атында жалпы орта мектебінің (ұжымда 175 кәсіподақ мүшесі бар) келісу комиссиясы жұмыс берушінің бастамасымен еңбек шарты тоқтатылған ҚР ЕК 52 б 1-ші тарм.24-ші тармақшасы) мұғалімнің арызы туралы істі қарады. Комиссия отырысына куә ретінде мектептің іс жүргізушісі және сарапшы-маман ретінде адвокат Сапарбаева Г.П, аудандық кәсіподақ өкілі Маxанова З.С қатыстырылды. Сондай-ақ С.Мұқанов атындағы ЖОМ директоры Табылды Н.Қ жұмыс беруші мен жұмыскер арасындағы еңбек қатынастарын реттудегі өз тәжірибесін ортаға салды. Бұл жерде көңіл бөлетін мәселе жұмысқа белгісіз себептермен бір айдан астам уақыт бойы жұмысқа келмеген жұмыскерлердің біреуімен еңбек шарты жұмыс берушінің бастамасымен (ҚР ЕК 52 б.1 т. 24), ал екіншісімен, алдымен тәртіптік шара қолданып, одан кейін еңбек шартының жұмыскердің бастамасымен (ҚР ЕК 49-5 бабы) бұзылуы. Сол сияқты келісу комисиясы істі қарауда неге көңіл бөлу керектігі жөнінде де әңгіме қозғалды. Жұмыс берушілер жеке еңбек дауы және жалпы еңбек қатынастарын реттеуге байланысты көкейлерінде жүрген сұрақтарын қойып, біліктіліктерін арттыруға мүмкіндік алды. Семинар соңында төрағалық етуші айтылған пікірлер мен ұсыныстар негізінде дайындалған семинардың резолюциясының (шешімімен) жобасымен таныстырды. Семинарға қатысушыларға бағдарламада көрсетілген мәселелер бойынша әдістемелік көмек ретінде 215 дана кітапша дайындалып, таратылды. Кітапшаға семинарды өткізу туралы қаулыдан бастап,жоспары, бағдарламасы,баяндамалар мәтіні, С.Сейфуллин атындағы ЖОМ дайындалған келісу комисиясы ережесінің үлгісі, комиссияны құру тәртібінің, оның отырысын өткізу және комиссия мүшелерін, жауапты тараптарды, сарапшылар мен куәні шақыру құжаттары, арызды тіркеу журналының, комиссияда жеке еңбек дауын қарау жөніндегі “Іскерлік” ойынының желісінің (сценарий), комисия xаттамасының, шешімінің үлгілері, семинар резолюциясының жобасы енгізілді. Жиын соңында аудандық кәсіподақ комитетінің төрағасы Сәдірмек Ә.Ш құнды баяндама жасаған Г.П.Сапарбаеваны және Л.М.Ақшегірованы аудандық кәсіподақ комитетінің Алғыс хатымен марапаттады.

Мақтаарал ауданы кәсіподақ комитетінің бастамасымен, Мақтаарал ауданы әкімшлігінің және Мақтаарал ауданы маслихатының қолдауымен 2019 жылдың 16 ақпан күні «Кеңес әскерінің ауған жерінен шығарылғанына 30-жыл толуына орай» волейболдан мекеме қызметкерлері арасында «Сыбайлас жемқорлыққа қарсы» атты ұранымен Мақтаарал ауданының біріншілігі ұйымдастырылып өткізілді.
Аудан көлемінде ұйымдастырылып өткізілген сайысты Мақтаарал ауданының әкімі Б.Асанов пен аудандық мәслихаттың хатшысы Қ.Сәрсекбаев құттықтау сөздерімен ашып берді және осы сайысқа арнайы қатысуға келген Мақтаарал ауданының сот төрағасы Қ.Мұсаев, Мақтаарал ауданының прокуроры Ж.Ботабеков, Мақтаарал ауданының ішкі істер бөлімінің басшысы Ә.Сапарбеков және Мақтаарал ауданы кәсіподақ комитетінің төрағасы А.Жолдасов, Ауған соғысының ардагері А.Сапаровтар Мақтаарал ауданына қарасты барлық мемлекеттік мекемелерден келген сайысқа қатысушы 32 командаға сәттілік пен толағай табыстар тіледі.
«Кеңес әскерінің ауған жерінен шығарылғанына 30-жыл толуына орай» волейболдан мекеме қызметкерлері арасында «Сыбайлас жемқорлыққа қарсы» атты ұранымен Мақтаарал ауданының біріншілігіне қатысқан мекемелер: Мақтаарал ауданы әкімі аппаратының қызметкерлері, Мақтаарал аудандық Прокуратурасы, Мақтаарал аудандық соты, Мақтаарал ауданы полиция бөлімі, мектеп директорлары, Жастар ресурстық орталығының қызметкерелері, Мақтаарал аудандық әкімшілігінің барлық дербес бөлімдері өз командаларымен қатысты, Мақтаарал аудандық білім бөлімінің қызметкерлері, барлық 9 ауылдық округ пен екі кент әкімшілігінің қызметкерлері, Мақтаарал ауданы кәсіподақ комитетінің екі командасы.
Аудан әкімі Б.Асанов, аудандық мәслихаттың хатшысы Қ.Сәрсекбаев, Аудандық сот төрағасы Қ.Мұсаев, Аудан прокуроры Ж.Ботабеков, полиция бөлімінің басшысы Ә.Сапарбеков, аудан әкімінің орынбасары С.Саттарханов, аппарат басшысы Н.Саттаров өз командаларымен ойынға қатысты.
Сайыстың қорытындысы:
І орында – Мақтаарал аудандық прокуратура қызметкерлерінің командасы.
ІІ орында – Мақтаарал ауданы кәсіподақ комитетінің бастауыш кәсіподақ ұйымының төрғаларынан құралған «Кәсіподақ-1» командасы.
ІІІ орында – Мақтаарал аудандық сот қызметкерлерінің командасы.
ІV орында – Мектеп директорларынан құралған команда.
Сонымен қатар сайыс барысында үздік деп танылған спортшыларға арнайы мадақтамалар мен бағалы сыйлықтар табысталды:
Үздік шабуылшы болып – Мақтаарал ауданы сот төрағасы Қ.Мұсаев марапатталды.
Үздік қорғаушы – Қ.Абдалиев атындағы жалпы орта мектебінің директоры Д.Сейсенбаев марапатталды.
Үздік доп ұзатушы – Ы.Алтынсарин атындағы жалпы орта мектебінің бастауыш кәсіподақ ұйымының төрағасы Д.Дүрменбаев марапатталды.
Жарыста төрешілік жасаған төрешілерге мақтау қағаздарымен және бағалы сыйлықтармен марапатталды.
Аудан көлемінде ұйымдастырылып өткізілген жарысқа Мақтаарал ауданы кәсіподақ комитетінің атынан бастауыш кәсіподақ ұйымының төрағаларынан құралған Кәсіподақ – 1 және Кәсіподақ – 2 командалары қатысты.

15 ақпан – Кеңес әскерінің Ауғанстан жерінен шығарылғанын күні” мерекесіне орай Жетісай аудандық кәсіподақ комитетінің ұйымдастыруымен білім мекмелерінің бастауыш кәсіподақ ұйымы төрағалары арасында ауданаралық волейбол турнирі ұйымдастырылды. Турнирге Жесісай және Мақтаарал аудандарынан жасақталған 4 команда қатысып бақ сынасты. Іс-шараны аудандық кәсіподақ ұйымдарының төрағалары А.Жолдасов пен А.Ниязбековтер ашып беріп, қатысушыларға сәттілік тіледі.
Қызықты да тартысты өткен сайыста Мақтаарал ауданының “Қайрат” командасы жеңімпаз атанса, Жетісай ауданының “Қайтпас” командасы 2-орынды иеленді. Ал қос ауданның “Самғау” және “Мақтаарал-2” командалары 3-орынға лайық деп танылды.Отан үшін от кешкен батырларға құрмет көрсету мен салауатты өмір салтын насихаттауда өнеге көрсете білген әріптестер аталған турнирдің ауқымын кеңейтіп, облыстық деңгейде өткізуге уағдаласып тарасты.

Түркістандағы білім және ғылым қызметкерлері кәсіподақ комитеті Ауған ардагерлерін ұлықтауды бүгінде дәстүрге айналдырған. 10 жыл көлемінде айтулы датаны ұмыт қалдырмай, білім саласында еңбек етіп жүрген ардагер ағаларымызға құрмет көрсету мақсатында түрлі ісшаралар ұйымдастырады. Одан бөлек жыл сайын 2 ардагерді 100% жеңілдікпен, 2 ардагерді 30% жеңілдікпен демалу-сауықтыру шипажайларына жолдама беріп отырады. Биылғы 30 жылдық басқосуды да ерекше леппен өткізді. Кәсіподақ комитетінің оқу әдістемелік орталығында өткен іс шараға білім саласында еңбек етіп жүрген 11 ауған соғысының ардагерлері қатысты. Түркістан облысы Ауған соғысы ардагерлер кеңесінің төрағасы Әзімбай Қожабаев бастаған, өнер саласында қызмет етіп жүрген Арыстан Ахметов, №3 Әмір-Темір атындағы жалпы орта мектебінен Закир Абдураимов, №15 М.Жұмабаев атындағы мектеп-гимназиясынан Тайржан Умаров, №18 Ж.Еділбаев атындағы мектеп-гимназиясынан Жақсылық Жантілес, №20 жалпы орта мектебінен Ғайрат Абдурашитов, №31 мектеп бала-бақшасынан Нұрмахан Адырбеков, «Амангелді» жалпы орта мектебінен Тілес Ақай, «Ұлықбек» жалпы орта мектебінен Гафуржан Бабаханов, «Саз мектебінен» Асан Исмаилов, Абдиразақ Керімбеков №17 Ата-Түрік атындағы жалпы орта мектебінен келген ардагерлерді мерекелік салтанатқа жиналған кәсіподақ белсенділері ерекше ілтипатпен қарсы алып, ортаға жайғастырды. Белгісіз соғыстың құрбаны болған боздақтарды бір минут еске түсіріп, тарихтың таңбалы бетінен орын алған соғыс жайында бейнеролик көрсетілді. Ауған соғысы ардагерлерін құттықтау сөз және марапаттау «Қазақстандық салалық білім және ғылым қызметкерлері кәсіптік одағының Түркістан облыстық ұйымы» қоғамдық бірлестігінің бас маманы Қилыбай Бақытжан Қилыбайұлына берілді. Құттықтау сөзден кейін «Ұстаз мерейі – ел мерейі» атты Республикалық журналистер арасындағы байқауға белсене қатысқан Ақмарал Ғаниқызын Қазақстандық салалық білім және ғылым қызметкерлері кәсіптік одағының «Алғыс хатымен», «Шапағат» мүгедекер қайырымдылық қорының төрағасы Еркінбай Шалтанға, өнер саласында көп жылдар қызмет атқарып жүрген Арыстан Ахметовке, ауғандық ардагерлер Ғайрат Абдурашитов пен Нұрмахан Адырбековке «Қазақстандық салалық білім және ғылым қызметкерлері кәсіптік одағының Түркістан облыстық ұйымы Қоғамдық бірлестігінің «Кәсіподаққа еңбегі сіңген» қызметкер төсбелгілері табысталды. Ардагер Закир Абдураимовты, Жақсылық Жантілесті «Қазақстандық салалық білім және ғылым қызметкерлері кәсіптік одағының Түркістан облыстық ұйымы Қоғамдық бірлестігінің «Құрмет грамотасымен» марапаттады. Түркістан қаласы білім және ғылым қызметкерлері кәсіподақ комитетінің төрағасы Диана Абайқызы бүгінгі кездесудің жас ұрпақтар үшін патриоттық тәрбиенің бастауы екендігін, қаруларын қаламға айырбастаған, кеудесін оққа тосқан арагерлердің еңбегі ерең екендігін айтты. Ардагерлерді кәсіподақ комитетінің «Алғыс хаттарымен» марапаттады.

Жат жерде жолдасынан айрылған, бейбіт күнде соғыс өртіне оранған майдангерлерді атқару комитетінде қызмет атқарып жүрген уақытында Гүлжан Әсілбайқызы жат жерден келген қаралы хабарды азаматтарымыздың жанұясына жеткізудегі қайғы қасіреттің куәгері болған, жылаған ананың көз жасын көрген, «Ұлым қайда деп аңыраған» ананың қайғысына ортақтаса білген бүгінгі таңда сол қайғымен қасіреттің табы жүрегінен кетпеген ана ауған соғысы ардагерлерінің ерекше еңбегін дәріптей отырып қаржылай, заттай сыйлықтармен марапаттады. Түркістан облысы Ауған соғысы ардагерлер кеңесінің төрағасы Әзімбай Қожабаев, «Шапағат» мүгедекер қайырымдылық қорының төрағасы Еркінбай Шалтан, ардагер ұстаз, зейнеткер «Керемет» мектеп балабақша кешенінің бастауыш кәсіподақ ұйымының төрағасы Маханов Ыбрайхан сөз алып кәсіподақ комитетіне арнайы ұйымдастырылған іс шара үшін алғыс сезімдерін жеткізді. Білім саласы қызметкерлері ардагерлер кеңесінің төрағасы Аманкелді Міндетбаев бата тілегін білдірді. Кездесу соңы патриоттық әндерге, концерттік бағдарлама ұласты.

Ақмарал Ғаниқызы