«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Сарыағаш аудандық білім және ғылым қызметкерлерінің кәсіподақ комитетінің ұйымдастыруымен “Ұстаз барысы – 2025” аудандық мұғалімдер арасында турнир болып өтті.

Жарыстың ашылу салтанатында аудандық білім бөлімінің басшысының м.у.а. А.Тангатаров, аудандық кәсіподақ комитетінің төрағасы Е.Тешебаев мырзалар сөз сөйлеп жарысқа қатысушы балуандарға сәттілік тіледі.

7 салмақта өткен “Ұстаз барысы – 2025” 60 тан астам ұстаздар өтінім қалдырып қатысты.

Жүлделі 1,2,3, орындарға арнайы бірлескен “Дипломдар” Медаль, бағалы сыйлықтар және “Ұстаз барысы – 2025” атанған жеңімпаздарға “Кубок” белбеу, тапсырылды.

Тартысты да қызықты өткен аудандық ауқымды іс-шарадағы жеңімпаздар Облыстық балуандар сайысына жолдама алды.

Сарыағаш аудандық кәсіподақ комитетінің баспасөз қызметі.

Жетісай ауданында 2025 жылдың 11 сәуір күні Түркістан облысы “Білім беруді дамыту орталығы” мемлекеттік мекемесінің ұйымдастыруымен жылда өтетін дәстүрлі “Ұстаз барысы-2025” қазақ күресінен облыстық жарыстың аудандық іріктеу кезеңі өтті. Жалпы жарысқа 7 салмақ дәрежесінде 22 палуан күш сынасты. Әр салмақтан жеңімпаз аталған палуандарымыз 2025 жылдың 17-18 сәуір күндері Отырар ауданында өтетін облыстық кезеңге жолдама алды. Палуандарымызға сәттілік тілейміз!

Жетісай аудандық кәсіподақ комитетінің баспасөз қызметі.

Сауран ауданының білім бөлімі мен Түркістан облысы білім басқармасының “Білім беруді дамыту орталығы” ұйымдастыруымен Т.Айтжанов атындағы мектеп базасында аудандық “Ұстаз барысы-2025” турнирі өтті.

Бұл турнирге Сауран аудандық кәсіподақ білім және ғылым қызметкерлерінің кәсіподақ комитеті демеушілік жасады.

Сайыстың мақсаты – қазақ күресін дамыту және ұстаздар арасында салауатты өмір салтын насихаттау, ұстаздардың шеберлігін шыңдау, жалпы ұстаздар арасында достық пен өзара татулық қатынастарды нығайту еді.

Ұстаздықпен қоса құрыштай шыныққан сайыпқырандардың саңлағын анықтайтын «Ұстаз барысы-2025» турнирінде ұстаздық жолында қызмет етіп, бозкілемде жауырындары жерге тимейтін балуандар өз күштерін көрсетті.

Көпшілік алғысын айтып, күресті жарқын көңілмен тамашалады. Білім мен спортты қатар алып жүрген ұстаздарға жанкүйерлері қолдау білдіріп отырды.

Жекпе-жекке кәсіби балуандар емес, жас ұрпаққа ұстаздық етушілер қатысқанына қарамастан, «Ұстаз барысы-2025» жарысы барлық ережелерге сай өтті.

Мұғалімдер боз кілемде белдесіп, күші басым түскендер жүлделі орындарды олжалады.

Олар:

• 60 кг – Әлдін Еркебұлан Есімханұлы (Қаражон мектебі, ағылшын тілі пәні)
• 66 кг – Ангуров Бекзод Алимханович (Иқан мектеп-гимназиясы, дене шынықтыру)
• 74 кг – Нарбаев Мереке Оразбаевич (Т.Айтжанов мектебі, дене шынықтыру)
• 82 кг – Дүйсенбеков Талғат Сапаралиевич (Абай мектебі, дене шынықтыру)
• 90 кг – Ергенбай Әділет Нұрланұлы (Т.Айтжанов мектебі, дене шынықтыру)
• 100 кг – Нусбатов Туйчи Гафуржанович (Ә.Молдағұлова мектебі, дене шынықтыру)
• +100 кг – Салаев Абдугани Нуритдинович (С.Рахимов мектебі, дене шынықтыру)

Жеңімпаздарға Сауран аудандық білім және ғылым қызметкерлері кәсіподақ комитетінің төрайымы Рысбекова Фатима Абуталиповна қаржылай сыйлықтар табыстады!

Сауран аудандық кәсіподақ комитетінің баспасөз қызметі.

Шардара аудандық білім бөлімі және білім және ғылым қызметкерлері кәсіподақ комитетінің ұйымдастыруымен 10 Сәуір күні Б.Соқпакбаев атындағы жалпы білім беретін мектебінің мәжіліс залында Шардара аудандық білім бөліміне қарасты білім беру мекемелеріндегі келісу комиссияларының мүшелеріне «Білім беру ұйымдарында еңбек заңнамасының сақталуы», «Еңбек даулары және оларды шешу жолдары. Келісу комиссиясының жұмысын ұйымдастыру» тақырыптары бойынша оқыту семинары өтті. Семинарды Шардара аудандық кәсіподақ ұйымының төрағасы Жұман Ұлықбек Назарұлы жүргізіп отырды. Оқыту семинарына Түркістан облысы білім және ғылым қызметкерлерінің жергілікті кәсіптік одағының төрағасы Еркінбек Бақыт Сейтжаппарұлы , бөлім басшысы, заңгер Ақбердиев Ғабит Кеңесұлы, Шардара ауданының маслихат депутаты Раймуханов Болат және білім беру мекемелеріндегі келісу комиссияларының мүшелері мен бастауыш ұйым төрағалары қатысты.

Еркінбек Бақыт Сейтжаппарұлы семинарға келген білім беру мекемелеріндегі келісу комиссияларының мүшелеріне, келісу комиссиясының жұмысын ұйымдастыру, жүргізу жұмыстарын айтып өтті. Ақбердиев Ғабит Кеңесұлы тақырыпқа байланысты білім беру ұйымдарда Еңбек заңнамасының сақталуы, еңбек даулары және олардың шешу жолдары, келісім комиссиясының жұмысын ұйымдастыру жөнінде баяндама жасап, басқада сұрақтарға нақты жауап берді.

Семинарға қатысушылар тақырыптар бойынша баяндама жасаушыларға қосымша сұрақтар қойып, өздеріне қажетті мәліметтерге ие болды. Қатысушыларға облыстық кәсіподақ комитеті тарапынан сертификаттар табыс етілді.

Аудандық Балалар саз мектебінің бастауыш кәсіподақ ұйымының төрағасы Облыстан келген кәсіподақ ұйымының басшылығына алғысын білдірді.

Іс шара жоғары деңгейде өткізілді.

Шардара аудандық кәсіподақ комитетінің баспасөз қызметі.

Жарыс 7 салмақ бойынша өткізіліп, түйе палуан анықталды. Жеңімпаз мұғалімдерге аудандық кәсіподақ комитетінің грамоталары мен бағалы сыйлықтары табысталды. Бұл ауданымызда қазақ күресінің дамуына жасалған елеулі қадам. Мұғалімдер мен барлық спортшыларға жаңа мүмкіндіктер ашады.

Жеңімпаз мұғалімдер облыс біріншілінде аудан намысын қорғайды.

Қазығұрт аудандық кәсіподақ комитетінің баспасөз қызметі.

Түркістан облысы білім басқармасы Арыс аудандық “Білім бөлімі” мемлекеттік мекемесіне қарасты “№32 Ә.Жангелдин атындағы жалпы білім беретін мектеп” коммуналдық мемлекеттік мекемесінің биология пәнінің мұғалімі Мырзалы Айзада Көпжанқызы.

Біліктілік санаты: “Педагог-модератор”.

Ұстаз – жас ұрпақтың рухани сәулеткері, қоғам, халық өзінің үміті мол болашағын тапсырытын сенімді өкілі. Олар сол сенімді ақтай отырып, зеделі де зерек, парасатты, ұлттық және адамзаттық құндылықтарды бойына дарытқан тұлғаларды тәрбиелеуде.

Мырзалы Айзада Көпжанқызы 31.07.1995 жылы Түркістан облысы, Арыс қаласында дүниеге келген. Шымкент қаласындағы Аймақтық әлеуметтік-инновациялық университетін биология пәні мұғалімі мамандығы бойынша бітіріп шықты. Мырзалы Айзада Көпжанқызы еңбек жолын 2018 жылы Арыс қаласы “№32 Ә.Жангелдин атындағы жалпы білім беретін мектеп” коммуналдық мекемесінде өзін-өзі тану пәні мұғалімі болып бастады. 2021 жылдан қазірге дейін осы мектепте биология пәні мұғалімі қызметін абыроймен атқарып келеді.

Мырзалы Айзада Көпжанқызы шәкірттері аудан, облыс көлемінде өтілген сайыстар мен жарыстарда жоғары деңгейде көрініп, ұстаз беделін асқақтатуда.

— 2019жылы «Жаңа мектепке – жаңашыл ұстаз» байқауының қалалық кезеңінде III орын алғаны үшін диплом;

-2021жылы Диплом «Дарынды балаға – талантты ұстаз» республикалық педагогикалық олимпиадасының қалалық кезеңінің II орын иегері;

-2022жылы Қалалық пән мұғалімдерінің олимпиадасында биология пәні бойынша III орын иеленгені үшін Диплом;

-2022жылы Республикалық олимпиаданың облыстық кезеңіне дарынды оқушыны дайындаған еңбегі үшін Алғыс хат;

-2022 жылы Алғыс хат «Арыс қалалық Адами әлеуетті дамыту бөлімі» мемлекеттік мекемесі;

-2022 жылы оқушысы жалпы білім беретін пәндер бойынша республикалық олимпиаданың облыстық кезеңінің Диплом Ш дәрежелі жүлдегері;

-2023 жылы оқушысы жалпы білім беретін пәндер бойынша республикалық олимпиаданың қалалық кезеңінің Диплом I дәрежелі жүлдегері; -2023 жылы «SMART сабақ-2023» байқауының III орын иегері; -2024 жылы оқушысы жалпы білім беретін пәндер бойынша республикалық олимпиаданың қалалық кезеңінің Диплом II дәрежелі жүлдегері; -2024 жылы Республикалық «Педагогикалық идеялар фестивалі» байқаудың облыстық кезеңінде 3 орын иеленгені үшін ДИПЛОММЕН; -2024 жылы Арыс қаласының әкімінің алғыс хатымен марапатталған.

Айзада апайдың шәкірттері аудандық, облыстық байқаулаға қатысып, жүлделі орындарды иемденіп мектептің атын биіктетіп, абыройын асқақтатуда.

Арыс қалалық кәсіподақ комитетінің баспасөз қызметі.

Түркістан облысы білім басқармасы Арыс аудандық “Білім бөлімі” мемлекеттік мекемесіне қарасты “№4 бастауыш мектеп” коммуналдық мемлекеттік мекемесінің бастауыш сынып мұғалімі Тұрғанбаева Сәулекүл Орынбасарқызы

Біліктілік санаты: “Педагог-зерттеуші”, «ЖЫЛДЫҢ ҮЗДІК МҰҒАЛІМІ» төсбелгісінің иегері.

Жас ұрпақтың санасына сыналай енгізетін тәлім-тәрбие, үлгі-өнеге өлшеусіз. Сырттай қарапайым болғанымен, тарихтағы ұлы істі атқарып жүрген жұмыс — ұстаздыкі. Біліммен баулып, биікке ұшыратын оқушыларының оқуда озат, өмірде патриот болуы ұстаздың ұстанымына байланысты.

Тұрғанбаева Сәулекул Орынбасарқызы 12.11.1964 жылы Түркістан облысы, Арыс қаласының дүниеге келген. М.Әуезов атындағы Оңтүстік Қазақстан мемлекеттік университетінен бастауыш сынып мұғалімі мамандығы бойынша үздік бітіріп шықты. Турганбаева Саулекул Орынбасарқызы еңбек жолын 1986–1988 жылдары Ленгір ауданы «Балдыберек» мектебінде бастауыш сынып мұғалімі болып бастады.1988-1995 жылдар аралығында Шымкент облысы Темір орта мектебінде бастауыш сыныпты оқыту мұғалімі қызметін жалғастырды.

1995-2025жылдардан бастап №4 бастауыш мектепте бастауыш сыныпты оқыту мұғалімі болып жұмыс атқарып келеді. Бүгінгі таңда осы мекемеде өз еңбегін абыроймен атқарып келеді.

Тұрғанбаева Сәулекүл Орынбасарқызы шәкірттері аудан, облыс, республика көлемінде өтілген сайыстар мен жарыстарда жоғары деңгейде көрініп, ұстаз беделін асқақтатуда.

— 2018 жылы Республикалық «Педагогикалық идеялар фестивальі» байқаудың қалалық кезеңінде 1 орын иеленгені үшін ДИПЛОММЕН;

–2018 жылы Облыстық «Педагогикалық идеялар фестивальі» байқауында I дәрежелі ДИПЛОММЕН;

–2019 жылы Қазақстан Республикасы БІЛІМ және ҒЫЛЫМ министрлігі оқу әдістемелік орталығының Алғыс хатымен;

–2019 жылы Облыстық «Ең үздік әдістемелік басылымдар» сырттай байқауында үлгілі әдістемелік жинақ номинациясын иеленгені үшін Турганбаева Саулекул ДИПЛОММЕН;

–2020 жылы «Білім беруді жаңартуда сабақ үдерісіндегі кері байланыстың маңыздылығы» тақырыбында облыстық тәжірибелік семинар барысында үздік сабақ көрсеткені үшін Турганбаева Саулекул мадақтамамен марапатталды.

–10.04.2023 Бұйрық № 132 Арыс қаласы Бастауыштар сыныптар білім сапасын арттырудың –жаңаша әдіс-тәсілдері жинағы облыстық деңгейде іс-тәжірибесі таратылды. 4 кітаптың авторы.

Сәулекүл апайдың шәкірттері аудандық, облыстық, республикалық байқаулаға қатысып, жүлделі орындарды иемденіп мектептің атын биіктетіп, абыройын асқақтатуда.

Арыс қалалық кәсіподақ комитетінің баспасөз қызметі.

Түркістан облысы білім басқармасы Ордабасы аудандық білім бөлімі Елтай Ерназаров атындағы жалпы білім беретін мектебі коммуналдық мемлекеттік мекемесінің қазақ тілі мен әдебиеті пәнінің мұғалімі Жақыпбек Ұлбала Қалдыбекқызы.

Біліктілік санаты: «Педагог-шебер», «Ы.Алтынсарин» төсбелгісінің иегері.

Еліміздің ертеңі-бүгінгі жас ұрпақтың қолында, ал жас ұрақтың тағдыры-ұстаздардың қолында екені белгілі.. «Мұғалім мамандығы-барлық мамандықтың анасы»- деп, қалай дәл тауып айтылған. Ұстаз алдынан тәрбие алмайтын жан жоқ. Ұстаз берген тәрбие әрбір жанның өміріне жол сілтер шамшырақ болары анық. Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салған диқан да, мал бағып терін төккен шопан да, көк күмбезінен әрі өткен ғарышкер де бәрі-бәрі ұстаздан білім, тәлім алған. Сондықтан ұлағатты ұстаздарға бүкіл адам баласы құрметпен бас иеді. Қиындығы да, қызығы да жетерлік, ең бастысы – жауапкершілігі жоғары мамандықты Ұлбала Қалдыбекқызы өміріне арқау етті. Шәкірттері — оның өмірінің бір бөлшегі. Осы бір «Балалар әлемінің теңізіне» бір бойласа, ешқашан өз мамандығымды өзгерткісі келмейді. Абай атамыз айтқандай: «Бала тәрбиесіне үш жақ әсер етеді, ата-анасы, ұстазы және жүрген ортасы. Қайсысының ықпалы зор болса, баланың мінезі солай қалыптасады» -деген.

Жақыпбек Ұлбала Қалдыбекқызы 1973 жылы Бөген ауданы Ақжол ауылында туылды. Мектепті «Алтын медалмен» бітіріп, асқақтаған арманы Алматыдағы қыздар мемлекеттік институтының қазақ тілі мен әдебиеті мамандығын алды. 1993 жылдан бері отыз жылға жуық ұстаздық жолын шәкірттеріне арнап келеді. Отбасында Пернеханұлы Абаймен 1 ұл, 2 қыз өсіріп отырған ардақты ана,аяулы жар.

Жақыпбек Ұлбаланың шәкірттері аудан, облыс, республика көлемінде өтілген сайыстар мен жарыстарда жоғары деңгейде көрініп, ұстаз беделін асқақтатуда.

Соңғы бес жыл көлемінде:

Алматы қаласы республикалық ғылыми-әдістемелік «Білім әлемі» «Стилистика» тақырыбындағы авторлық бағдарлама жарияланды Алматы 2024ж №445 санында жарияланды.

«Ыбырай Алтынсарин ізбасарлары» республикалық ғылыми-тәжірбиелік журналының «Алғыс хаты» (дипломы №19 қараша 2022ж),

«Қазақстан ұстаздары» редакциясы мен «Talent Akademy» ұжымы ұйымдастыруымен республикалық байқауға шәкірттерді белсенді қатыстырғаны үшін «Алғыс хат» 2023ж «Үздік нәтиже «көрсеткені үшін ІІ дәрежелі диплом.

«Балалар мен жасөспірімдер»арасындағы өнер байқауына сіңірген еңбегі үшін «Құрмет» грамотасы ( 2022ж №783).

Жас ұрпақты оқыту мен тәрбиелеу ісіндегі елеулі еңбегі үшін «Ы.Алтынсарин» төсбелгісімен (18.09.2024ж№2024-2/00002254).

«Балалар жылы» аясында «Оқуға құштар ұлт» жобасында «Каникулда кітап оқимыз» атты марафонға шәкірттерін қатыстырғаны үшін «Алғыс хатпен» (01.11.2022ж №79937) марапатталған.

Түркістан облыстық педагогтарының кәсіби біліктілігін арттыру мақсатында «Пән олимпиадасының» ІІ орын иегері (13.01.2020ж №437 Түркістан қаласы).

Оқу-ағарту саласына қомақты үлес қосқаны үшін «Алғыс хат» (№157027).

Түркістан облыстық «КітапХан» жобасы негізінде педагогтардың арасында 2023ж 29 апталық сайысында жүлделі ІІ орын иегері атанды.

Оның шәкірттері заманауи қоғамға сай өмір сүре алатын білімді де, білікті, елін, жерін қорғайтын нағыз ұлтжанды тұлға болып өсіп келеді.

Ордабасы аудандық кәсіподақ комитетінің баспасөз қызметі.

Түркістан облысының білім басқармасының Білім беруді дамыту орталығының бастамасымен және Түркістан облысы білім және ғылым қызметкерлерінің жергілікті кәсіптік одағының қолдауымен 2025 жылғы наурыздың 20-сы күні Жетісай ауданындағы №76 жалпы білім беретін мектеп базасында басшы кадрларға резерв дайындау мақсатындағы дәстүрлі тәжірибелік семинар болып өтті. «Педагогтердің ғылыми-әдістемелік құзыреттілігін дамыту бойынша мұғалімдердің командалық жұмысы» тақырыбындағы бұл семинар орталықтың жұмыс жоспарына сәйкес ұйымдастырылды.

Семинар барысында баяндамашылар ретінде №76 ЖББМ КММ директоры Әлімқұл Әнетбек Өтеуліұлы, директордың орынбасары Тынгозиев Жупарбек Айтмурзаевич, С. Ерубаев атындағы №56 ЖББ мектеп директоры Баян Бақытқызы, Қ. А. Яссауи атындағы №22 ЖББ мектеп директоры Бауыржан Әбдізәкірұлы, Ғ. Мұратбаев атындағы №61 ЖББ мектеп директоры Исабек Данабекұлы сөз сөйлеп, өз тәжірибелерімен бөлісті

Іс-шара барысында облыстық кәсіподақ комитетінің бөлім басшысы – заңгері Ғ.Ақбердиев «Қолданыстағы еңбек заңнамасының негіздері» тақырыбында баяндама жасап, қатысушылардың сұрақтарына жауап берді.

Жетісай аудандық кәсіподақ комитетінің баспасөз қызметі.

«Түркістан облысы білім және ғылым қызметкерлерінің жергілікті кәсіподағы» Қоғамдық бірлестігінің филиялы Түлкібас аудандық білім және ғылым қызметкерлерінің кәсіподақ комитетінің ұйымдастырылуымен «Ұлыстың ұлы күні 22-наурыз» мерекесіне орай білім саласының өркендеуіне, өскелең ұрпаққа саналы тәрбие, сапалы білім берудегі жетістіктері және бастауыш кәсіподақ ұйымдарының қоғамдық жұмыстарына өзіндік үлестерін қосуда біліктіліктерін көрсете білген ұстаздарды еңбектерін бағалау мақсатында Наурыз айының 19 күні «Аманат» партиясының Түлкібас аудандық филиалының мәжіліс залында мерекелік іс-шара өткізіліп, Ұлыстың Ұлы күні Наурыз мерекесімен құттықталды. Мектеп директорлары, мектеп директорларының оқу ісі жөніндегі орынбасарлары, ұстаздар, балалар бақшасының меңгерушілері және қызметкерлері: «Өрлеу» білім және ғылым қызметкерлерінің салалық кәсіптік одағының «Кәсіподаққа еңбегі сіңген үшін» медалі мен «Құрмет грамотасы», «Алғыс хаты», Түркістан облысы білім және ғылым қызметкерлері кәсіптік одағының» «Кәсіподаққа еңбегі сіңген Төс белгісімен» Түркістан облыстық білім басқармасының «Құрмет грамоталарымен» марапатталды.

Сонымен қатар Аудандық білім бөлімінің басшысы Д.Қыдралиевтің, Түлкібас аудандық кәсіподақ комитетінің төрағасы Д.Абишевтің, Аманат партиясының аудандық филиалының атқарушы хатшысы Е.Жүнісовтың құттықтау марапаттары табысталды.

Түлкібас ауданының жалпы білім беру мектептеріндегі бастауыш кәсіподақ ұйымдарының «Еңбек қауіпсіздігі мен еңбекті қорғау» жөніндегі өткізілген байқаудың қортындысы бойынша мектептерде Техникалық қауіпсіздік ережелері және еңбекті қорғау саласындағы құқықтары мен міндеттерінің орындалуын жүзеге асыруда ішкі бақылауды жүзеге асырудағы жетістіктері үшін аудандық кәсіподақ комитетінің байқау комиссиясының шешімі бойынша:

Жүлделі орын алған мектептер

1. М.Ломоносов атындағы мектеп-гимназия – І орын

2. Түркібасы жалпы білім беретін мектеп – ІІ орын

3. Ю.Гагарин атындағы жалпы білім беретін мектеп – ІІІ орын

орындар беріліп. Аудандық кәсіподақ комитетінің «Алғыс хаты» және сыйлықтар мен марапатталды.

Түлкібас аудандық кәсіподақ комитетінің баспасөз қызметі.