«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Білім беру мекемелеріндегі келісу комиссияларының мүшелеріне арналған семинар өткізілді. Мақтаарал аудандық білім және ғылым қызметкерлерінің кәсіподақ комитетінің ұйымдастыруымен 05 қаңтар күні С.Рахымов атындағы ЖББМ-нің мәжіліс залында Мақтаарал ауданының білім бөліміне қарасты білім беру мекемелеріндегі Келісу комиссияларының мүшелеріне арналған «Білім беру ұйымдарында еңбек заңнамасының сақталуы», «Еңбек даулары және оларды шешу жолдары. Келісу комиссиясының жұмысын ұйымдастыру» тақырыптары бойынша оқыту семинары ұйымдастырылып өткізілді.

Аудан деңгейінде ұйымдастырылған оқыту семинарына Түркістан облысы білім және ғылым қызметкерлерінің жергілікті кәсіптік одағының бөлім басшысы, заңгер Ақбердиев Ғабит Кеңесұлы, Мақтаарал ауданының білім бөлімінің басшысы Серікбаев Мұратбек Тұлапұлы, “Тәжірибелі заңгерлердің ұлттық орталығы” РҚБ-нің Түркістан облысы және Шымкент қаласы бойынша өкілдік директоры, “Халықаралық медиация орталығы” РҚБ-нің Мақтаарал ауданы бойынша өкілдік директоры, Кәсіби медиатор, Би Умирзаков Бауыржан Сапарбайұлы, Мақтаарал аудандық кәсіподақ комитетінің төрағасы Жолдасов Алданияз Бастарұлы және білім беру мекемелеріндегі Келісу комиссияларының мүшелері қатысты.

Оқыту семинары барысында Түркістан облысы білім және ғылым қызметкерлерінің жергілікті кәсіптік одағының бөлім басшысы, заңгер Ақбердиев Ғабит Кеңесұлы семинарға келген білім беру мекемелеріндегі Келісу комиссияларының мүшелеріне Келісу комиссиясының жұмысын ұйымдастыру, жүргізу сияқты сұрақтарға нақты жауап беріп, білім беру мекемелерінде Келісу комиссиясының маңыздылығына толыққанды тоқталып кетті.

Сонымен қатар Мақтаарал ауданының білім бөлімінің басшысы Серікбаев Мұратбек Тұлапұлы да семинарға келген білім беру мекемелерінің қызметкерлеріне Келісу комиссиясының маңыздылығына тоқталып, бірлесе жұмыс атқаруды, білім беру мекемелерінде орын алған түрлі деңгейдегі жағдаяттарды бірлесе отырып шешу жолдарын айтып өтті.

“Тәжірибелі заңгерлердің ұлттық орталығы” РҚБ-нің Түркістан облысы және Шымкент қаласы бойынша өкілдік директоры, “Халықаралық медиация орталығы” РҚБ-нің Мақтаарал ауданы бойынша өкілдік директоры, Кәсіби медиатор, Би Умирзаков Бауыржан Сапарбайұлы да өз кезегінде сөз алып, семинарға келген келісу комиссиясының мүшелеріне ауданымыздағы медиация орталығының жұмысы туралы ақпарат таратып, алдағы уақытта Мақтаарал ауданының білім бөлімі мен және аудандық кәсіподақ комитетімен бірлесе жұмыстар жүргізу туралы айтты.

Оқыту семинардың қорытынды бөлімінде білім беру мекемелеріндегі Келісу комиссиясының мүшелеріне «Білім беру ұйымдарында еңбек заңнамасының сақталуы», «Еңбек даулары және оларды шешу жолдары. Келісу комиссиясының жұмысын ұйымдастыру» тақырыптары бойынша оқыту семинарына қатысқандығын растайтын, «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің төрағасы Еркібек Бақыт Сейітжаппарұлының атынан берілген СЕРТИФИКАТТАР табысталды.

Аудан деңгейінде өткен оқыту семинарына қатысқан барша білім беру мекемелеріндегі Келісу комиссиясының мүшелеріне шығармашылық жетістіктер мен толағай табыстар тілейміз. Еңбектеріңіз жемісті болсын.

Кәсіподақтың күші – бірлікте!

Мақтаарал аудандық кәсіподақ комитетінің баспасөз қызметі.

Сіздерді «Түркістан облысы білім және ғылым қызметкерлерінің жергілікті кәсіптік одағы» ҚБ атынан Жаңа жыл мерекесімен құттықтаймын!

Жаңа жыл – қашанда әр адамның жүрегіне жаңа үміттер мен аппақ армандар ұялататын, ғажайып қиялдарға қол создыратын мереке.

Өткен жылдың қорытындысын жасап, атқарылған істі саралайтын кезең екендігі белгілі. Халқымызда “Өткен жылға өкпе жоқ, келер жылдан үміт көп” деген даналық сөз бар. Біз қашанда өткенге салауат айтып, болашақтан жақсылық күткен халықпыз.

2023 жыл біз үшін берекелі де жемісті жыл болды.

Келер жылда Еліміздің келешек ұрпағына тәрбие мен білім беру жолында атқарып жатқан еңбектеріңізде табыстарға жетіп, үлкен биiктерден көрiнулерiңiзге шын жүректен тілектеспін. Сіздерге және отбасы мүшелеріне амандық, дендеріңізге саулық, ұзақ әрі шаттыққа толы ғұмыр, шаңырақтарыңызға құт-береке тілеймін.

Жаңа жыл Сіздерді тек оң өзгерістерімен, ұмытылмас сәттерімен, қызықты кездесулерімен қуантсын. Ортақ ісіміздің жарқын келешегі үшін еңбектеніп жүрген барша кәсіподақ қызметкерлеріне, кәсіподақ мүшелеріне бейбіт өмір, тыныштық, мол жақсылық тілеймін!

Ізгі тілекпен,

Облыстық кәсіподақ

комитетінің төрағасы

Б.Еркінбек

Түркістан облысы білім және ғылым қызметкерлерінің жергілікті кәсіптік одағы төрағасының орынбасары Абуов Ахмет Шамұратұлы ұзақ жылдар Қазығұрт ауданының және облысымыздың әлеуметтік-экономикалық дамуына елеулі еңбегімен үлес қосқаны үшін аудандық мәслихаттың 27.12.2023 ж. №10/66-VІІІ шешімімен «Қазығұрт ауданының құрметті азаматы» атағына ие болды.

Құрметті Ахмет Шамұратұлы!

Сізді алған марапатыңызбен шын жүректен құттықтаймыз! Алдағы уақытта да ел игілігі жолында аянбай еңбек ететініңізге сенімдіміз.

Сізге барлық бастамаларыңызға сәттілік, деніңізге саулық, отбасыңызға амандық тілейміз!

Облыстық кәсіподақ комитетінің баспасөз қызметі.

Жаңа жыл қарсаңында “Атамекен” салтанат сарайында аз қамтылған, ерекше күтімді қажет ететін балалар, көпбалалы отбасының балалары және халықаралық, республикалық пән олимпиадаларының жеңімпаздарына арналған “Қош келдің, Жаңа жыл!” атты мерекелік кеш өтті. Келес аудандық білім және ғылым қызметкерлерінің кәсіподақ комитеті мен Білім бөлімінің ұйымдастыруымен осы мерекелік кешке қатысқан 100 балаға жаңа жылдық сыйлықтарын табыстады. Сонымен қатар кәсіподақ комитетіне қарасты кәсіподақ мүшелеріне, көпбалалы педагог қызметкерлеріміздің бала санына қарай тәтті сыйлықтар мен халықаралық, республикалық пән олимпиадаларының жеңімпаз ұстаздар арасында Сарыағаш, Манкент шипажайларына жолдама сыйға берілді.

Келес аудандық білім және ғылым қызметкерлерінің кәсіподақ комитеті әрқашан өз кәсіподақ мүшелеріне қорғаушы да қолдаушы бола отырып , төраға Н.Т. Артыков жаңа жылмен құттықтады:

2024 жаңа жылда жағымды жаңалықтар мен толағай табыс тілеймін, әр отбасына әрбір игі істер мен жаңа бастамаларыңызға сәттілік серік болып, отбасыңызға баянды бақыт пен бақ – береке келсін!

Жаңа 2024 жылы мерекелі, берекелі болып, мерейіңіз үстем, беделіңіз биік, абыройыңыз асқақ болуына тілектеспін!

Келес аудандық кәсіподақ комитетінің баспасөз қызметі.

Сауран ауданы білім бөлімі және Сауран аудандық кәсіподақ комитетінің бірлесе ұйымдастыруымен 26 желтоқсан 2023 жылы Түркістан қаласындағы Оқушылар сарайында балаларға арналған жаңа жылдық шырша мерекесі өтті.

Сауран ауданының әкімі Таңатаров Мақсат Асылбекұлының қатысуымен Мерекелік шыршаның шамы жағылды, думанды мерекеде Аяз ата мен Ақшақардың, театрланған ертегі кейіпкерлері балаларға таңғажайып әсер қалдырды. Жаңа жыл жағымды жаңалықтарға, сиқырлы ғажайыптарға толы болсын, құт-берекесімен келсін деген тілектерді жаудырды.

Мерекелік тарту ретінде Аз қамтылған отбасылардан шыққан 120 оқушыға кәсіподақ комитетінің төрайымы Рысбекова Фатима демеушілік жасап тәттілер мен сыйлықтар үлестірді.

Балалар салтанатты шарада ән мен биден шашу шашып көтеріңкі көңіл күймен тарқасты.

Сауран аудандық кәсіподақ комитетінің баспасөз қызметі.

Мақтаарал ауданының білім бөлімі мен аудандық кәсіподақ комитетінің ұйымдастыруымен 2023 жылдың 27 желтоқсан күні «Ақ алтын» мәдениет үйінде мектепке дейінгі тәрбие мен білім беру мекемелерінде жоғарғы жетістіктер мен толағай табыстарға кенелген кәсіподақ мүшелерін марапаттау рәсіміне арналған салтанатты шара өткізілді.

Мерекелік шараға аудандық ардагеркелер кеңесінің төрағасы С.Оңғаров, аудандық қоғамдық кеңестің төрағасы М.Ердешов, аудандық ата-аналар комитетінің төрағасы М.Оспанов, аудандық мәслихаттың төрағасы Қ.Сәрсекбаев, Аманат партиясының Мақтаарал аудандық филиалының төрағасы М.Сәрсенов, аудандық білім бөлімінің басшысы М.Серікбаев, аудандық кәсіподақ комитетінің төрағасы А.Жолдасов, бала бақша меңгерушілері мен қызметкерлері қатысты.

2023 жылдың қорытындысына сәйкес ұйымдастырылған іс-шара барысында бала бақша қызметкерлеріне «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің төрағасы Б.Еркінбектің «Кәсіподаққа еңбегі сіңген қызметкер» төсбелгісі, «Құрмет грамотасы» мен «Алғыс хаттары» табысталды.

Сонымен қатар Мақтаарал ауданының әкімі Б.Асановтың, аудандық мәслихаттың төрағасы Қ.Сәрсекбаевтың, Аманат партиясының Мақтаарал аудандық филиалының төрағасы М.Сәрсеновтың, аудандық білім бөлімінің басшысы М.Серікбаевтың, аудандық кәсіподақ комитетінің төрағасы А.Жолдасовтың марапаттары табысталды.

Салтанатты шараның соңы мерекелік концертпен жалғасын тауып, іс-шараға келген кәсіподақ мүшелері көтеріңкі көңіл күймен тарасты.

Барша марапат иелерін аудандық кәсіподақ комитетінің атынан шын жүректен құттықтаймыз.

Кәсіподақтың күші – бірлікте!

Мақтаарал аудандық кәсіподақ комитетінің баспасөз қызметі.

Түркістан қаласы, Халықаралық туризм және меймандостық университетінің базасында Облыстық «Intellectum DD2» Директорлар дебаты» турнирінің жылдық қорытындысы болып өтті. Турнирді Білім беруді дамыту орталығының директоры Төлімбет Бақытжан Нұрмаханбетұлы ашып, қатысушыларға сәттілік тіледі.

Дебат – бұл белгілі бір ережелерге сәйкес өткізілетін арнайы пікірталас нысаны, интеллектуалды ойын. Дебаттар логикалық және сыни ойлауды, коммуникативті мәдениетті және көпшілік алдында сөйлеу дағдыларын дамытады, тәуелсіз шешім қабылдауға және қоғамның көшбасшысы ретінде жеке тұлғаның қалыптасуына ықпал етеді.

Мақсаты: Білім беру саласындағы, қоғамдағы өзекті мәселелерді талдау, шешу жолдарын қарастыру, мектеп директорларының сөйлеу және ораторлық мәдениетін дамыту және толеранттық тәртіппен азаматтық танымды дамыта отырып, қоғамдағы маңызды мәселелер аясында өз көзқарастары арқылы шешім қабылдау, құқықтық сауаттылықты мониторингтік зерттеулер негізінде пікірсайыс арқылы толығырақ насихаттау.

2023 жылы наурыз айында 17 команда 34 директор, сәуір айында 14 команда 28 директор, қазан айында 14 команда 28 директор, қараша айында 14 команда 28 директор қатысты. Дебат турнирі Американдық парламенттік форматына сәйкес өткізіліп келді.

Жоспар бойынша 4 фракция жарысқа түсу керек болатын, Түркістан фракциясының қатыспауына байланысты жоспардан тыс “Үш би” форматында ұйымдастырылды. Яғни қазақтың үш биінің атауымен Төле би (Жетісайауданы), Қазыбек би (Түркістанқаласы), Әйтеке би (Ордабасы ауданы) фракциялары жарыссөзге түсті.

Турнирдің ақтық кезеңінде Мауленова Гүлажар Бекжігітқызы – А.Ясауи атындағы ХҚТУ-нің студенті, Пікірсайыс орталығының бас төрешісі, Махашев Ержан Мұхтарұлы – Түлкібас ауданы, Т.Рысқұлов атындағы ЖОМ директоры, Дәне Мұрат – “Сарыағаш ауданының 4 мамандандырылған мектеп-интернаты директоры, Амин Зумрат Сатыбалдықызы – Кентау қаласы Махмуд Қашғари атындағы мектеп-лицейдің ағылшын тілі пәні мұғалімі, “Саналы ұрпақ” дебат клубының жетекшісі, Ақбердиев Ғабит Кеңесұлы – Түркістан облысы білім және ғылым қызметкерлерінің жергілікті кәсіптік одағының бөлім басшысы, заңгері төрелік жасады.

Әділқазылардың шешімі бойынша Төле би фракциясы (Жетісай ауданы) І орын, Әйтеке би (Ордабасы ауданы) ІІ орын, Қазыбек би (Түркістан қаласы) ІІІ орынға ие болды.

Жеңімпаздарды құттықтаймыз! Алар асуларыңыз биік болсын!

Облыстық кәсіподақ комитетінің баспасөз қызметі.

2023 жылғы 22 желтоқсан күні Жетісай аудандық білім және ғылым қызметкерлері кәсіподақ ұйымының есеп беру және қайта сайлау конференциясы болып өтті. Конференцияға өкілеттік нормасына сәйкес сайланған 102 делегаттың 98 қатысты. Іс шараға Түркістан облыстық кәсіподақ комитетінің төрағасы Еркінбек Бахыт Сейтжаппарұлы, аудандық білім бөлімінің маманы Кадырбаев Жандос Маханбеткалиевич және басқа да шақырылған қонақтар қатысты. Конференция жұмысын Жетісай аудандық кәсіподақ комитетінің төрағасы Спарханов Мухамеджан Сапаркулович ашып, делегаттардың жалпы дауысымен күн тәртібі бекітілді.

Жетісай аудандық кәсіподақ комитетінің төрағасы Спарханов Мухамеджан Сапаркулович кәсіподақ комитетінің 2019-2023 жылдардағы атқарған жұмысы туралы есепті баяндамасы мен тексеру комиссиясының төрағасы Ибрайев Куаныш Маженович есебі тыңдалды.

Баяндамада есепті кезеңде аудандық кәсіподақ комитеті құрылымының нығаюы, әлеуметтік әріптестікті дамыту жөнінде атқарылған жұмыстар, кәсіподақ мүшелерінің әлеуметтік-экономикалық құқықтары мен мүдделерін қорғау бойынша атқарылған шаралар, еңбекті қорғау және еңбек қауіпсіздігі ережелерінің сақталуына қоғамдық бақылау жасау және оның нәтижелері, кәсіподақ мүшелерін сауықтыру, бұқаралық спорт және мәдени іс-шаралар жайлы ақпарат және мәліметтер айтылып, кемшіліктерді болдырмау, алда атқарылатын шаралар, кәсіподақ мүшелері тарапынан айтылған сын ескертпелерді орындау мәселелері қозғалды.

Баяндамаларды талқылау бойынша жарыссөзде сөйлегендер Мусабекова Роза Курбановна – М.Горький атындағы МГ директоры, Сәдібеков Бауыржан – Қожанов атындағы ЖББ мектебінің БКҰ төрағасы, Оралбаев Куламан Орынбасарович – Ә.Молдағұлова атындағы ЖББ мектебінің БКҰ төрағасы жылдарда атқарылған жұмыстарға қанағаттандырарлық деген баға беріп, алдағы уақытта кәсіподақ комитетінің жұмысына табыстар тіледі.

Облыстық кәсіподақ комитеті төрағасы Еркінбек Бахыт Сейтжаппарұлы баяндамалар бойынша өзінің ой-пікірін білдіріп, алда тұрған міндеттер және облыстық кәсіподақ комитетінің қызметі туралы делегаттарды хабардар етті.

Күн тәртібіне сәйкес аудандық кәсіподақ комитетінің комитет мүшелері, тексеру комиссиясының мүшелері мен төрағасы және облыстық конференцияға делегаттар сайланды. Жетісай аудандық кәсіподақ комитетінің төрағасы болып Спарханов Мухамеджан Сапаркулович қайта сайланды. Конференцияның күн тәртібінде қаралған мәселелер бойынша қаулылар қабылданды.

Конференция соңында үздік бастауыш кәсіподақ ұйымдары мен үздік кәсіподақ жетекшілері республикалық «ӨРЛЕУ» білім және ғылым қызметкерлерінің салалық кәсіптік одағының «Кәсіподаққа сіңірген еңбегі үшін» медалі, облыстық кәсіподақ комитетінің Алғыс хаттары, Құрмет грамоталарымен және облыстық кәсіподақ комитетінің «Кәсіподаққа еңбегі сіңген қызметкер» белгісімен марапатталды.

Облыстық кәсіподақ комитетінің баспасөз қызметі.

2023 жылғы 22 желтоқсан күні Мақтаарал аудандық білім және ғылым қызметкерлері кәсіподақ ұйымының есеп беру және қайта сайлау ІІ конференциясы болып өтті. Конференцияға өкілеттік нормасына сәйкес сайланған 83 делегаттың 75 қатысты. Іс шараға Түркістан облыстық кәсіподақ комитеті төрағасы Б.Еркінбек, аудандық білім бөлімінің маманы А.Қошқаров, аудандық мәслихаттың төрағасы Қ.Сәрсекбаев, аудандық ардагерлер кеңесінің төрағасы С.Оңғаров, аудандық ата-аналар комитетінің төрағасы М.Оспанов және басқа да шақырылғандар қатысты. Конференция жұмысын Мақтаарал аудандық кәсіподақ комитетінің төрағасы А.Жолдасов ашып, делегаттардың жалпы дауысымен күн тәртібі бекітілді.

Мақтаарал аудандық кәсіподақ комитетінің төрағасы А.Жолдасов кәсіподақ комитетінің 2019-2023 жылдардағы атқарған жұмысы туралы есепті баяндамасы мен тексеру комиссиясының төрағасы Ұ.Бердышевтың есебі тыңдалды.

Баяндамада есепті кезеңде аудандық кәсіподақ комитеті құрылымының нығаюы, әлеуметтік әріптестікті дамыту жөнінде атқарылған жұмыстар, кәсіподақ мүшелерінің әлеуметтік-экономикалық құқықтары мен мүдделерін қорғау бойынша атқарылған шаралар, еңбекті қорғау және еңбек қауіпсіздігі ережелерінің сақталуына қоғамдық бақылау жасау және оның нәтижелері, кәсіподақ мүшелерін сауықтыру, бұқаралық спорт және мәдени іс-шаралар жайлы ақпарат және мәліметтер айтылып, кемшіліктерді болдырмау, алда атқарылатын шаралар, кәсіподақ мүшелері тарапынан айтылған сын ескертпелерді орындау мәселелері қозғалды.

Баяндамаларды талқылау бойынша жарыссөзде сөйлегендер А.Аяпов – Мақтаарал мектеп-гимназиясы директорының оқу ісі жөніндегі орынбасары, Қ.Игенбаева – С.Датұлы атындағы ЖББМ бастауыш кәсіподақ ұйымының төрағасы, А.Ахментаева – Үлгілі ЖББМ директоры есепті жылдарда атқарылған жұмыстарға қанағаттандырарлық деген баға беріп, алдағы уақытта кәсіподақ комитетінің жұмысына табыстар тіледі.

Облыстық кәсіподақ комитеті төрағасы Б.Еркінбек баяндамалар бойынша өзінің ой-пікірін білдіріп, алда тұрған міндеттер және облыстық кәсіподақ комитетінің қызметі туралы делегаттарды хабардар етті.

Күн тәртібіне сәйкес аудандық кәсіподақ комитетінің комитет мүшелері, тексеру комиссиясының мүшелері мен төрағасы және облыстық конференцияға делегаттар сайланды. Мақтаарал аудандық кәсіподақ комитетінің төрағасы болып Жолдасов Алданияз Бастарұлы қайта сайланды. Конференцияның күн тәртібінде қаралған мәселелер бойынша қаулылар қабылданды.

Конференция соңында үздік бастауыш кәсіподақ ұйымдары мен үздік кәсіподақ жетекшілері республикалық «ӨРЛЕУ» білім және ғылым қызметкерлерінің салалық кәсіптік одағының «Кәсіподаққа сіңірген еңбегі үшін» медалі, облыстық кәсіподақ комитетінің Алғыс хаттары, Құрмет грамоталарымен және облыстық кәсіподақ комитетінің «Кәсіподаққа еңбегі сіңген қызметкер» белгісімен марапатталды.

Облыстық кәсіподақ комитетінің баспасөз қызметі.

Бүгін 2023 жылғы желтоқсанның 21 күні Ордабасы аудандық білім және ғылым қызметкерлерінің кәсіподақ комитетінің төрағасы Қ.Төлебаев, білім беру жүйесінде, сала қызметкерлерін әлеуметтік қорғаудағы белсенділігі мен өскелең ұрпақты оқыту мен тәрбиелеуде елеулі еңбектері үшін бір қатар белсенді кәсіподақ мүшелерін Қазақстан Республикасының «Өрлеу» білім және ғылым қызметкерлерінің салалық кәсіптік одағы» және «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің «Кәсіподаққа еңбегі сіңген қызметкер» белгісі және құрмет грамоталарымен марапаттады.

Ордабасы аудандық кәсіподақ комитетінің баспасөз қызметі.