«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Қазан айының 5-і күні Жетісай ауданында Мұғалімдер күні мерекесіне орай «Ұстаз болу жүректің батырлығы» атты шара өтті  Аудан орталығындағы Қ.Жандарбеков атындағы Жетісай драма театрында өткен салтанатты жиынға аудан басшылары мен ардагерлер, ұстаздар қауымы қатысты.  Білім саласы қызметкерлерінің құрметіне орай ұйымдастырылған шараға аудан әкімі Ж.Бейсенбаев арнайы қатысып, айтулы мерекемен ұстаздарды құттықтады.  Сонымен қатар, жиынға аудандық мәслихат хатшысы Ә.Утанов пен аудан әкімінің орынбасары М.Жолдасовтар қатысып, ардақты мамандық иелеріне ізгі тілектерін білдірді.

Арнайы жиында аудандық білім бөлімі басшысының міндетін атқарушы Т.Мырзалиев пен аудандық кәсіподақ ұйымының төрағасы А.Ниязбековтер құттықтауларын жолдап, ұстаздардың төл мерекесінде болашақ ұрпақты тәрбиелеу ісінде жемісті еңбек етіп келе жатқан бір топ мұғалімдер ҚР Білім және ғылым министрілігінің «Құрмет» грамотасымен, облыстық білім басқармасының «Алғыс хаттарымен», аудан әкімінің және аудандық білім бөлімінің «Алғыс хаттарымен», сондай-ақ «Қазақстандық салалық білім және ғылым қызметкерлері кәсіптік одағының Түркістан облыстық ұйымы» Қоғамдық бірлестігінің «Кәсіподаққа еңбегі сіңген қызметкер» төсбелгісі және Құрмет грамотасымен, аудандық кәсіподақ ұйымының Алғыс хаттарымен  марапатталды. Марапатталушы ұстаздарға аудандық кәсіподақ ұйымы тарапынан гүл шоқтары мен бағалы сыйлықтар табыс етілді. Іс-шара барысында білім мекемелерінің ұстаздары мен өнерлі оқушылары концерттік бағдарламаларын ұсынып, ұстаздарға деген құрметтерін көрсетті. Айтулы мерекеде ұстаздар қауымы туралы айшықты жырлар мен ізгі тілектер оқылып, ардақты мамандық иелеріне арналды.

Ұстаздардың төл мерекесі – Мұғалімдер күні білім мекемелерінде де ерекше атап өтіліп, концерттік бағдарлама мен сазды-танымдық кештер, дөңгелек үстел мен спорттық-мәдени іс-шара түріндегі түрлі жиындар ұйымдастырылып, ұстаз есімі ұлағатталды, ізгі мамандық иелеріне құрмет көрсетілді.

06.10.2018 жылы Оңтүстік Қазақстан политехникалық колледжінің үлкен мәжіліс залында Түркістан облыстық кәсіподақтар орталығы, облыстық салалық кәсіподақ комитеттері, кәсіподақ ардагерлері, кәсіподақ белсенділері және кәсіподақ жастары жалпы саны 350 адам қатысып,  Елбасы Н.Назарбаевтың «ҚАЗАҚСТАНДЫҚТАРДЫҢ ӘЛ-АУҚАТЫНЫҢ ӨСУІ: ТАБЫС ПЕН ТҰРМЫС САПАСЫН АРТТЫРУ» жолдауын талқылады. Елбасы үндеуі қашанда ел көңілінен шығып жатса, онда елі үшін қызмет етіп отырғандығының белгісі. Осы ретте әдеттегідей, биыл да Елбасымыз жұртшылыққа арналған жолдауын жария етті. Онда елдің әлеуметтік саласын, білім беру мен денсаулық сақтау саласына айрықша көңіл бөлінгендігін көреміз.  Өз кезегінде баяндама жасаған облыстық кәсіподақтар орталығының орынбасары Серік Әуесханов жолдаудағы басты мәселелерге тоқталып,қосымша түсіндірме беріп өтті.Жарыс сөзге шыққан кәсіподақ ардагері Досыбай Шерімқұлов, «Өрлеу» біліктілікті арттыру институтының кәсіподақ комитетінің төрағасы Гүлжан Айберова және Оңтүстік Қазақстан политехникалық колледжінің 2-курс студенті Керімбек Аманғали жолдаудағы          мұғалімдерге, жастарға, еліміздегі білімге, ғылымға деген  елбасымыздың сөздерін  қолдап, ризашылықтарын білдірді. Жолдау әрбір тұлға жауапкершілікке шақырып, жақсы бастамаларға бастайды. Елбасы Н.Ә.Назарбаев болашағына сенімді, азаматтық мақсаты анық елде ғана толыққанды мемлекет құрылатынына сенім білдірді. Ол үшін өз бойымызда және өскелең ұрпақ бойында жаңа қазақстандық патриотизмді тәрбиелеу өзекті мәселе екенін алға тартты. Жиыналған барша кәсіподақ белсенділері «Кәсіподақтар елбасы жолдауын қолдайды» деген ұранмен тарқасты .

2018 жылдың қазан айының 5-і күні Мақтаарал ауданында Мұғалімдер күні мерекесіне орай «Ұстаз – ұлы тұлға» атты шара өтті. Аудан орталығындағы №120 жалпы орта мектебінің акт залында өткен салтанатты жиынға аудан басшылары мен ардагерлер, ұстаздар қауымы қатысты.   Тәуелсіз еліміздің ертеңін ойлар білімді де саналы, Отанын, туған жерін, ұлтын сүйетін ұлтжанды, парасатты және рухани жан дүниесі бай азаматты тәрбиелеуде мұғалімнің еңбегі орасан зор екені белгілі. Білім саласы қызметкерлерінің құрметіне орай ұйымдастырылған шараға аудан әкімінің орынбасары Бейсенбай Төребеков арнайы қатысып, айтулы мерекемен ұстаздарды құттықтады.  Сонымен қатар, аудандық мәслихат депутаттары Бауыржан Адилов, Берік Шампиев, Әділхан Асауовтар қатысып, ұлағатты ұстаздарға құттықтау тілектерін жеткізді. Мақтаарал ауданының білім бөлімінің басшысы Серік Төребеков білім саласында тынбай қызмет етіп келе жатқан ұлағатты ұстаздарды құттықтады.  Аудандық ата-аналар комиетінің төрағасы Сейткерім Мелдеханов пен аудандық әжелер кеңесінің төрайымы Шахзада Құрманбаевалар да осы іс-шараға қатысып, ата-аналар тарапынан білім беруші ұстаздарға деген құрметтерін білдірді.

Ұстаздардың төл мерекесінде болашақ ұрпақты тәрбиелеу ісінде жемісті еңбек етіп келе жатқан бір топ мұғалімдер ҚР Білім және ғылым министрі Е.Сағадиевтің Құрмет грамотасымен, облыстық білім басқармасының Алғыс хаттарымен, аудан әкімінің және аудандық білім бөлімінің Алғыс хаттарымен марапатталды. Ардагер ұстаздарға аудандық кәсіподақ комитеті тарапынан гүл шоқтары мен бағалы сыйлықтар табыс етілді.

Мұғалімдер күні жалпы білім саласындағы қызметкерлерге, осы жолда жемісті еңбек еткен ардагерлерге, сондай-ақ білім беру саласындағы жалпы қызметкердерді бүгінгі кәсіби төл мерекелерімен құттықтаған  Мақтаарал ауданы кәсіподақ комитетінің төрағасы Алданияз Жолдасов өзінің алғысының риясыз екенін білдірді.  Мерекелік жиында мектептердің  өнерлі оқушылары концерттік бағдарламаларын қойып, ұстаздарға деген құрметтерін көрсетті.

Салтанатты жиынның мерекелік іс-шарасынан соң Мақтаарал аудандық кәсіподақ кеңесінің ұйымдастыруымен ардагер ұстаздарға дастархан жайылды.

Түркістан облысы Ордабасы ауданында «Ұстаздар күніне» орай аудандық мәдениет үйінде мерекелік іс-шара өтті. Мерекеге білім саласында көп жылдар талмай еңбек еткен 24   ардагер шақырылды.

Мерекелік жиында аудан әкімнің орынбасары А.Оралбаев ұстаздарды құттықтап, үздік ұстаздарды  аудан әкімінің алғыс хатымен 7-адамды және аудандық мәслихаттың грамотасымен 5-адам  марапттады.

Облыстық білім және ғылым қызметкерлері кәсіподағының төрағасы Б.Еркінбек бірқатар кәсіодақ белсенділерін құттықтады:

«Қазақстандық салалық білім және ғылым қызметкерлерінің кәсіптік одағы» Қоғамдық Бірлестігінің Құрмет грамотасы -5,

«Қазақстандық салалық білім және ғылым қызметкерлері кәсіптік одағының Оңтүстік Қазақстан облыстық ұйымы» Қоғамдық бірлестігінің Құрмет грамотасы -5,

«Ұстаз жолы» қоғамдық қорынан білім саласы қызметкерлеріне арналған «Елеулі еңбегі үшін» төсбелгісімен 1-адамды марапаттады.

Аудандық білім және ғылым қызметкерлері кәсіподағы төрағасы Ә.Сәдірмек  «Ұстаздар сабақтастығы» мен облыстық білім басқарамасының марапаттарын 6 адамға тапсырды.

Ардагер ұстаздардың мерекелік құттықтауды ардагер ұстаз Амантай Сексенбайұлы мен З.Маханова жалғастырып ,  Зейнеткерлік жасқа келген 10 кәсіподақ мүшелері,

ұстаздарды және ұстаздық еңбек жолын  бастаған 2018-2019 оқу жылында  жұмысқа  қабылданған 5 «Жас мамандарға» еңбек кітапшасын тапсырып марапттады.

Жас маман   «Достық» жалпы орта мекебінің математика пәнінің мұғалімі Орынбасар Бақтияр Амангелдіұлы Қазақстан Республикасының педагогикалық қызметкерінің АНТЫН салтанатты түрде тапсырды.

Түркістан облысы Түркістан қаласының №24 жалпы орта мектебінде орналасқан қалалық білім және ғылым қызметкерлері кәсіподақ комитетінің кезекті семинары өтті.   Қаламыздағы білім мекемелерінің кәсіподақ ұйымы жетекшілерінің қатысуымен өткен басқосу түсіндірме жұмыстарына арналды.
Қалалық білім және ғылым қызметкерлері кәсіподақ комитетінің төрағасы Диана Тұрманова семинарды алғысөзімен ашып, басқосудың мақсат-міндеттерін түсіндіріп өтті. Осыдан кейін семинардың негізгі кезеңі басталып, комитет маманы Фархат Дадабаев «Түркістан қалалық білімжәне ғылым қызметкерлері кәсіподақ комитетіне қарасты бастауыш кәсіподақ ұйымдарында есеп беру – сайлау жиналыстарын өткізу» тақырыбы аясында түсіндірме жұмысын жүргізді. Сонымен қатар, комитеттің заңгері Мағжан Есжан жеке еңбек дауларын шешу жөніндегі келісу комиссияларының жұмысы және оны қалыптастырудың әдістемелік ұсыныстары туралы сөз қозғап, сала қызметкерлерімен жұмыс жасау тәртібімен таныстырды. Қос тақырыпқа байланысты бастауыш кәсіподақ ұйымдарының төрағалары да өз ой-пікірлерімен бөлісіп отырды.
Семинар отырысын қорытындылаған Диана Абайқызы мен төрағаның кеңесшісі Гүлжан Әсілбайқызы айтылған тақырыптарға байланысты өз ойларын жеткізіп, осындай басқосулардың бастауыш ұйым басшыларына берері мол екендігін тілге тиек етті.

Жетісай ауданы бойынша «Еңбек күні» мерекесі кең көлемде атап өтілді. Мерекеге байланысты білім мекемелерінде көркем жазулар, стендтер мен плакаттар түріндегі көрнекіліктер жазылып, ілінді.

Ю.Гагарин және С.Сейфуллин атындағы жалпы орта мектептерінде еңбек ардагерлерімен кездесулер өткізіліп, 14 ардагерге мереке қарсаңында түрлі марапатпен бірге түрлі сый-сияпаттар табысталды. Мектептер ұжымы мен іс-шараға қатысқан оқушылар ардагер ұстаздардың еңбек жолымен танысып, олардың ағарту саласында атқарған қажырлы жұмыстары туралы ақпараттанды, еңбектің қадірі мен құндылығы туралы ой бөлісті.

Ғ.Мүсірепов атындағы жалпы орта мектебінде «Еңбек ер атандырады» тақырыбында дөңгелек үстел ұйымдастырылып, іс-шара қатысушылары еңбегімен танылған тұлғалардың өмір жолдары, туған жерді көркейтуге қосқан үлестері туралы пікіралмасты.

Сонымен қатар, «Еңбек» және Байзақов атындағы жалпы орта мектептерде «Көңілді старт» пен спорттың волейбол түрінен турнирлер ұйымдастырылса, аудандық мәдениет үйінде ұлағатты ұстаздар құрметіне концерттік бағдарлама ұсынылды.

Сондай-ақ, айтулы мерекеге орай, кәсіподақ белсенділері тарапынан қараушысы жоқ ардагерлердің үй шаруашылығына жәрдем беріліп, сауапты істер атқарылса, 18 жұмысқа жаңадан қабылданған қызметкерлерге еңбек кітапшалары салтанатты жағдайда табыс етілді.

«Еңбек күні» мерекесіне орай өткізілген іс-шаралар мен атқарылған жұмыстар туралы қорытындыланып, бұқаралық ақпарат құралдары беттерінде материалдар жарияланды.

Түркістан облысы Кентау қаласы Ш.Қанайұлы атындағы №2 жалпы орта мектепің спорт залында  «Еңбек күні» мерекесі  аталып  өтті.  2013 жылдың 22 қарашасында  Мемлекет басшысының қаулысымен қыркүйек айының соңғы жексенбісі «Еңбек күні» мерекесі болып еңгізілген болатын. Еңбек – адам өмірінің мәні. Ешкім де онсыз мұратқа жетіп, биікке шықпайды.  «Еңбек ер атандырады» дейді халқымыз. Сондықтан да тіршілікте бағы жа­нып, абыройы асқандардың бар­лығы да қажырлы еңбекпен биікке жеткен адамдар деп айтуға болады. Кәсіподақтар- азаматтық қоғамның айнымас құрамдас бөлігі ретінде еңбекшілердің әлеуметтік-экономикалық және еңбек құқықтарын қорғауды өз қызметінің ең басты міндеті деп танып, мемлекеттің  нығаюына нақты үлесін қосып келеді.Осы мереке кең ауқымда  ұйымдастырылып барлық  білім мекемелерінде  аталып өтті. Еңбек  ардагерлерін  әр  ұжымда тәрбие  сағаттарына, мекеме  ішілік  іс-шараларға шақырып  Еңбек  адамының  қоғамда  алатын  орны  туралы  өскелең  ұрпаққа жеткізе  білді. Іс-шаралардың  соңы  ардагерлерге  деген  сый-құрметке  ұласып, жалғасын  тапты. Осы  іс-шаралардың  қорытындысы ретінде   «Біз еңбек ардагерлерін  құрметтейміз» атты қалалық спартакиадаға  (стол тенннисі, шахматтан)  Кентау қаласы және Кентау қаласына қарасты ауылдардан 50 үміткер қатысты.

Шахмат ойынына 30 шахматшы қатысты.

І- орын Мухамедов Ержан шахмат үйірмесінің жетекшісі

ІІ-орын Лян Вячеслав шахмат үйірмесінің жетекшісі

ІІІ-орын Қыдырбаев Серік №2 Ш.Қанайұлы атындағы мектеп

Теннис ойынына 20 теннисші қатысты.

Кудретов Уткир -1962ж Ташанақ мектебі І-орын

Айтмаханов Сапарбай -1961ж №2 Ш.Қанайұлы ІІ-орын

Юлдашов Мадихан- 1963ж Ибата мектебі ІІІ- орын

Барлық қатысушылар қалалық кәсіподақ комитеті дайындаған бағалы сыйлықтармен  марапатталды.

Өткізілген  іс-шара барысы    туралы  жергілікті  «Ғасыр» газетіне  мақала

Сарыағаш аудандық кәсіподақ комитеті “Еңбек күні” мерекесіне байланысты іс-шаралар жоспарын дайындап, барлық бастауыш кәсіподақ ұйымдарына жеткізіп, түсінік жұмыстарын жүргізді.

Ауданның Ломоносов, Төле би, Торайғыров, Өтемісұлы, №139, Жәутіков, Сейфуллин, Амангелді, Окороков, Әуезов, Шәкәрім атындағы жалпы орта мектеп әкімшіліктері мен бастауыш кәсіпоақ ұйымдарының бірлесе өткізген “Еңбек адамына лайықты құрмет” тақырыбында еңбек ардагерлері мен жас мұғалімдердің кезедсуі өткізілді.

Барлық білім беру мекемелерінде “Еңбек күні” мерекесіне орай жазылған көрнекі үгіт сөздер ілініп, сахналар безендірілді.

Еңбек ардагерлері Г.Үмбетова, Ә.Хамитов (Жәутіков ж.о.м.) М.Күнібаева, К.Ибраев (Өтемісұлы ж.о.м.) өздерінің еңбек жолдары жайлы баяндап, жастарға бала тәрбиесіндегі ізгі жұмыстарына табыстар тіледі.

Кездесуге қатысқан барлық ардагерлерге сый-сияпаттар жасалынып, дастархан жайылды.

Б.Майлин, №143 жалпы орта мектебі, Т.Рысқұлов, Панфилов, Сәтбаев атындағы жалпы орта мектептеріндегі кездесудің соңы концерттік бағдарламалар мен спорттық жарыстарға ұласты.

Аудандық білім бөлімі мен аудандық кәсіподақ комитеті еңбек озаттарына марапаттаулар жасы.

Аудандық кәсіподақ комитетінің атқару комитеті мүшелері бастауыш кәсіподақ ұйымдарында болып, іс-шараларға қатысып, еңбек күні  мерекесімен құттықтады.

Аудандық білім бөлімінің басшысы  Нұрабаева Ш, білім және ғылым қызметкерлері кәсіподағының Ордабасы аудандық комитетінің төрағасы Сәдірмек Ә.Ш. және  аудандық спорт және дене шынықтыру бөлімінің басшысы Асанбаев Н. бірлескен шешімімен мұғалімдер спартакиадасының 2018 жылдың қыркүйык айының 15 және 22-сі күндері аймақтық  М.Әуезов С.Сейфуллин, А.Шерімқұлов Б.Оңтаев, Е.Ерназаров М.Исламқұлов, Б.Нұрлыбеков  , «Достық», «Көкарал», «Төрткүл» жалпы орта мектептерінде, қыркүйек айының 29- ы күні Темірлан елді мекеніндегі Қ.Мұңайтпасов атындағы стадионында және Аманкелді, Ш.Уәлиханов атындағы және Темірлан жалпы орта мектептерінде аудандық кезеңдері өтті.

Спартакида спорттың  волейбол, кіші футбол үстел теннисі, шахмат, кермеде тартылу, кір тасын көтеру, арқан тарту, жерден қолды бүгіп жазу, қол күресі, жеңіл атлетика түрлерінен өтті. Спартакиаданың аймақтық кезеңіне 3621 кәсіподақ мүшесі, оның ішінде 918 әйел, ал аймақтық кезеңіне 426 кәсіподақ мүшесі, оның ішінде 108 әйел қатысты.

Әр спорттың түрі бойынша жеке-жеке кәсіподақ мүшелері байқау Дипломымен марапатталып, сыйлықтар берілді. Жеңіл атлетикадан                     1000 метр қашықтыққа жүгіруден Қ.Сәтбаев атындағы ЖОМ директоры Досыбай Роза жеңімпаз атанып, «Ең үздік басшы-спортшы» аталымына ие болды.