«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Сауран аудандық білім және ғылым қызметкерлері кәсіподақ комитетінің ұйымдастыруымен 2025 жылғы 29 қазан күні Сауран аудандық білім бөліміне қарасты білім беру мекемелеріндегі келісу комиссияларының мүшелеріне «Білім беру ұйымдарында еңбек заңнамасының сақталуы», «Еңбек даулары және оларды шешу жолдары. Келісу комиссиясының жұмысын ұйымдастыру» тақырыптары бойынша оқыту семинары болып өтті.

Семинарды Сауран аудандық кәсіподақ ұйымының төрағасы Ф.Рысбекова жүргізіп отырды. Оқыту семинарына Түркістан облысы білім және ғылым қызметкерлерінің жергілікті кәсіптік одағының бөлім басшысы Ғ.Ақбердиев, ҚР ЕжХӘҚМ Мемлекеттік еңбек инспекциясы комитетінің Түркістан облысы бойынша департаментінің бас маманы-мемлекеттік еңбек инспекторы М.Төленов және білім беру мекемелерінің басшылары, келісу комиссияларының мүшелері мен бастауыш кәсіподақ ұйымының төрағалары қатысты.

М.Төленов және Ғ.Ақбердиев семинарға қатысушыларға мекемелердегі келісу комиссияларының жұмысының маңыздылығы мен жауапкершілікті талап ететіндігі жайлы айтып, тақырыпқа байланысты лекция оқыды.

Семинарға қатысушылар тақырыптар бойынша баяндама жасаушыларға қосымша сұрақтар қойып, өз пікірлерімен бөлісіп, өздеріне қажетті мәліметтерге ие болды. Қатысушыларға облыстық кәсіподақ комитеті тарапынан оқудан өткендігін куәландыратын арнайы сертификаттар табыс етілді.

Сауран аудандық кәсіподақ комитетінің баспасөз қызметі.

Түркістан төрінде болған 4 күнге созылған ұстаздар арасындағы *облыстық спартакиада* өз мәресіне жетті.

Төрт күнге созылған бұл тартысты дода – білім саласы қызметкерлерінің тек педагог емес, жан-жақты дамыған тұлға екенін дәлелдеген, көпшіліктің көңілінде жарқын із қалдырған шынайы мереке болды. Спорт алаңдарында тер төккен әрбір ұстаз – өз ұжымының мәртебесін, өз ауданының намысын абыроймен қорғады.

Осы үлкен бәсекеде *Келес ауданының командасы* да бар күш-жігерін салып, жоғары деңгейде өнер көрсетті. Аудандық кәсіподақ ұйымының қолдауымен келген командалар өздерінің шеберліктерін дәлелдеп, *әйелдер волейболынан*, *үстел теннисінен* және *бес асықтан* аймақтық деңгейде үздіктер қатарынан көрініп, *облыс бойынша жүлделі III орынды* иеленді.

Бұл – жеңістің жай сандық көрсеткіші ғана емес, бұл – тынымсыз дайындықтың, ұйымшылдықтың, сенім мен жігердің жеңісі. Әсіресе, ұлттық ойынымыз *бес асық* пен үстел теннисіндегі шапшаңдық пен дәлдік, волейбол алаңындағы шебер үйлесім – Келес құрамасының табандылығын көрсетіп, өзгелерге үлгі бола білді.

Спартакиада – мәресіне жетсе де, оның қалдырған рухани әсері, ұжымдық серпілісі мен бауырмал көңілі әлі де көптің жадында сақталады. Бұл – жеңістің емес, бірліктің мейрамы. Бұл – ұстаздардың жаңа қырынан танылып, спорттағы шеберлігін дәлелдеген сәті.

**Келес ауданының жеңісі – көптің қуанышы, ұжымның мақтанышы!

Жеңісті күндер жалғаса берсін, бірлік пен серпіліс әрдайым серік болсын!

Келес аудандық кәсіподақ комитетінің баспасөз қызметі.

Бүгін 4 күнге созылған облыстық мұғалімдер спартакиадасы өз мәресіне жетті. Ұстаздар арасында салауатты өмір салтын басты орынға қоюды мақсат еткен бұл шара дәстүрлі түрде әр жылы өз жалғасын тауып келеді.

«Дені сау адам – табиғаттың ең қымбат жемісі». Осы қағиданы басты ұстаным еткен ұстаздарымыз керемет тартысқа толы сайыс көрсете білді. Жарыстың соңғы күндері мұғалімдер ерлер арасындағы спорттың волейбол, үстел теннисі, тоғызқұмалақ, асық ату және бес асық түрлерінен сайысқа түсті. Аса тартысты өткен жарыс қорытындысы бойынша:

Ерлер арасындағы футзалдан:

ІІІ орын – Арыс және Кентау қалалары;

ІІ орын – Сайрам ауданы;

І орын – Түркістан қаласы иеленді.

Әйелдер арасындағы волейболдан:

ІІІ орын – Келес ауданы және Түркістан қаласы;

ІІ орын – Ордабасы ауданы;

І орын – Бәйдібек ауданы.

Ерлер арасындағы волейболдан:

ІІІ орын – Бәйдібек, Мақтаарал аудандары;

ІІ орын – Сайрам ауданы;

І орын – Жетісай ауданы.

Үстел теннисінен:

ІІІ орын – Мақтаарал, Келес аудандары;

ІІ орын – Отырар ауданы;

І орын – Сайрам ауданы.

Тоғызқұмалақтан:

ІІІ орын – Арыс қаласы, Бәйдібек ауданы;

ІІ орын – Сайрам ауданы;

І орын – Жетісай ауданы.

Асық атудан:

ІІІ орын – Төлеби, Қазығұрт аудандары;

ІІ орын – Ордабасы ауданы;

І орын – Бәйдібек ауданы.

Бес асық:

ІІІ орын – Келес, Қазығұрт аудандары;

ІІ орын – Арыс қаласы;

І орын – Түркістан қаласы.

Жалпы командалық есеп бойынша:

ІІІ орын – Түркістан қаласы;

ІІ орын – Жетісай ауданы;

І орын – Бәйдібек ауданы.

“Түркістан облысы білім және ғылым қызметкерлерінің жергілікті кәсіптік одағы” ҚБ төрағасы Б.Еркінбек спартакиада жеңімпаздары мен жүлдегерлерін құттықтап арнайы кубок, медальдар мен қаржылай сертификаттар табыстады.

Түркістан облыстық кәсіподақ комитетінің баспасөз қызметі.

25 қазан Республика күніне орай №77 жалпы білім беретін мектепте “Менің елім – жеңіс мекені” тақырыбында жас мамандар арасында эстафеталық спорттық сайыс ұйымдастырылды.

Шараның мақсаты – жас педагогтердің дене белсенділігін арттыру, ұжымдағы ынтымақтастықты нығайту және салауатты өмір салтын насихаттау болды. Сайыс барысында қатысушылар жоғары белсенділік пен ұйымшылдық танытып, өзара қолдау мен серіктестік рухын көрсетті.

Жарыс қорытындысы бойынша үздік нәтиже көрсеткен командалар арнайы дипломдармен және алғыс хаттармен марапатталды.

Жетісай аудандық кәсіподақ комитетінің баспасөз қызметі.

Бүгінгі дамыған заманда жастар мен кітапты байланыстыратын алтын көпір – кітапхана. Көне жазбалар мен сирек кітаптар секілді кітапхананың да тарихы өте ескі дәуірлерден бастау алады.

Кітапхана – оқырманның рухани талап-тілегін қанағаттандырумен қатар, әлемдік, ұлттық, әмбебап ақпарат көздерін толық жинақтап, оқырманға жеткізуші болып табылады.

№55 ЖББМ мәжіліс залында «Кітапханашылар күніне» арналған мерекелік іс-шара өтті. Жиында Сайрам аудандық білім бөлімінің бас маманы Ф.А.Оспанова, аудандық кәсіподақ комитетінің төрайымы М.К.Сейдалиева мектеп кітапханашыларды мерекелерімен құттықтап, үздік және ардагер мамандарға марапаттар мен сыйлықтар табыстады.

Шара барысында оқушылар мен ұстаздар дайындаған концерттік бағдарлама, сахналық көріністер мен бейнероликтер, слайдтар көрермендердің көңілінен шығып, іс шараның сәнін кіргізді.

Құрметті кітапханашылар! Мерекелеріңіз құтты болсын!

Сайрам аудандық кәсіподақ комитетінің баспасөз қызметі.

Бүгін 2025 жылдың 17 қазан күні Ордабасы ауданында білім және ғылым қызметкерлерінің бастауыш кәсіподақ ұйымдарының төрағаларымен «Білім беру мекемелеріндегі Педагогикалық әдеп қағидаларын сақтау туалы» тақырыбында ZOOM бағдарламасы арқылы семинар ұйымдастырылды.

Семинарды Ордабасы аудандық кәсіподақ комитетінің төрағасы Қ.Тулебаев бастап ашып берді. Сөз барысында кәсіподақ мүшелері үшін педагогикалық әдеп қағидаларын сақтау маңызды да, қажет екенін сөзге тиек етті. Сонлай ақ семинар барысына Ордабасы аудандық білім бөлімінің бас маманы, заңгер Марат Молдабайұлы қатысты. Өз сөзінде педагогикалық әдептің білім қызметкерлері үшін маңызын заңмен түсіндіре өтті.

Семинардың негізгі мақсаты-педагог қызметкерлердің кәсіби мінез-құлқын реттеу, оқу-тәрбие үдерісінде әділдік, адамгершілік және өзара құрмет қағидаларын сақтау арқылы жағымды моральдық-психологиялық ахуал қалыптастыру болды.

Ордабасы аудандық кәсіподақ комитетінің баспасөз қызметі.

Түркістан қаласындағы «Оқушылар сарайында» Ұлттық құндылықтар академиясының Түркістан облыстық филиалының ұйымдастыруымен «Ұлт руханияты және Ө.Жәнібеков тағылымы» тақырыбында халықаралық форум болып өтті. Айтулы іс-шараға Түркістан қаласы әкімінің орынбасары Мекенхан Қозыханұлы, еліміздің және Қырғызстан, Өзбекстан, Түркия елдерінің ғалымдары, мәдениет және білім саласының мамандары, оқытушылар мен студенттер қатысты.

Іс-шара барысында Ұлттық құндылықтар академиясының мүшелігіне қабылдау жүргізіліп, куәліктер берілді. Академияның мүшелік куәлігі Түркістан облысы білім және ғылым қызметкерлерінің кәсіподақ ұйымының төрағасы Б.Еркінбекке де табыс етілді.

Түркістан облыстық кәсіподақ комитетінің баспасөз қызметі.

Қазақстан Республикасының Президенті Қасымжомарт Кемелұлы Тоқаев 2025 жылды “Жұмысшы мамандықтар жылы” жариялануына байланысты Спатаев атындағы жбб мектебінің кәсіби бағдар беру педагогі, кәсіподақ мүшесі Бекенұлы Рахымжанның ұйымдастыруымен 9,10,11 сынып оқушыларымен мамандық таңдац бойынша кездесу өтті.

Кездесуде мамандық таңдау бойынша түсіндірулер жүргізілді.

Кездесуде 9,10,11 сынып оқушылары мектепте оқып жүріп, яғни аспазшы, плотник, сантехник, тігінші мамандықтары бойынша білім беріліп, аттестатпен бірге алып шығуына мүмкіндік жасау туралы ұсыныстарын енгізді.

Ордабасы ауандық кәсіподақ комитетінің баспасөз қызметі.

Жетісай ауданында “Мұғалімдер спартакиадасы – 2025” табысты аяқталды!

9-11 қазан күндері аралығында

Жетісай ауданы

Аудандық білім бөлімі мен кәсіподақ комитетінің қолдауымен өткен бұл ауқымды спорттық шараға қала, кент және ауылдық округ мектептерінен үздік командалар қатысты. Үш күнге созылған додада 7 спорт түрінен сайыс өтті.

Ерлер волейболы

Д.Қонаев МЛ

Әйелдер волейболы

Д.Қонаев МЛ

Кіші футбол

Б.Момышұлы МГ

Асық ату

Ш.Құдайбердиев

Бес асық

№3 Ю.Гагарин

Тоғызқұмалақ

А.Байтұрсынов

Үстел теннисі

№76 мектеп

Жалпыкомандалық есеп:

Жетісай қаласы

Жетісай қаласы

Абай ауылдық округі

Жеңімпаздарды шын жүректен құттықтаймыз!

Бұл спорттық бәсекенің жоғары деңгейде ұйымдастырылуына кәсіподақ маманы Бейсенов Сәкеннің белсенді еңбегі мен кәсіподақ комитетінің төрағасы Мұхамеджан Спархановтың қолдауы ерекше үлес қосты.

Алда өтетін облыстық спартакиадада барлық қатысушыларға сәттілік тілейміз!

Жетісай аудандық кәсіподақ комитетінің баспасөз қызметі.

Ордабасы аудандық білім және ғылым қызметкерлерінің кәсіподақ комитетінің ұйымдастыруымен жаңадан сайланған «Д.Қонаев», Тәукехан», «Ұлағат», «Б.Нұрлыбеков», «Ғ.Мұратбаев» атындағы жббм бастауыш кәсіподақ ұйымының төрайымдарымен кездесіп, түсіндіру жұмыстары ұйымдастырылды.

Кездесу барысында кәсіподақ комитетінің бас есепшісі М.Шураева қаржыға қатысты мәселелермен ой бөліссе, «Аққу» және «Балбөбек» бала бақшаларының төрайымдары М.Курымбаева мен Ж.Калимбетова бастауыш кәсіподақ ұйымдарындағы төрайымның рөлі жөнінде ойларымен бөлісіп, сұрақтарға жауап берді.

Кездесуді кәсіподақ комитетінің төрағасы Қ.Төлебаев жүргізіп, қорытындылап аяқтады.

Ордабасы аудандық кәсіподақ комитетінің баспасөз қызметі.