«Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігі

Қайнар жалпы білім беретін мектеп базасында Төлеби аудандық ардагерлер кеңесі жанындағы Әкелер мектебімен “Әке өнегесі – ұлттық тәрбиенің алтын қазығы” тақырыбында семинар болып өтті.

Скминардың мақсаты: Бала тәрбиесіндегі әкенің алар орнының маңыздылығын, әке балаларға өмірлік тәжірибе, білім және дағдыларды үйрететінін, олардың жеке тұлға ретінде қалыптасуына ықпал ететінін, түсіндіру.

Іс-шара барысында мектеп әкелері мен қонақтар өзара тәжірибе алмасып, бала тәрбиесіндегі өзекті мәселелерді талқылады. Әкенің отбасыдағы жауапкершілігі, әке мен бала арасындағы байланысты нығайту, ұлттық құндылықтарды дәріптеу бағытында мазмұнды ойлар ортаға салынды.

Семинарға белсенділік танытып, қатысқан әкелер мен ұстаздарға Төлеби аудандық білім бөлімі мен төлеби аудандық кәсіподақ комитетінің алғыс хаттары табысталды.

Төлеби аудандық кәсіподақ комитетінің баспасөз қызметі.

Түркістан қаласында өткен салтанатты іс-шарада Арыс қаласының М. Әуезов атындағы мектеп-гимназиясының директорының тәрбие жөніндегі орынбасары Аубакирова Лаззат Турсынбековна Қазақстан Республикасының Президенті Қасым-Жомарт Кемелұлы Тоқаевтың өз қолынан “Ерен еңбегі үшін” медалін алды.

Бұл – жылдар бойы білім саласында аянбай еңбек етіп, шәкірт тәрбиесіне бар жүрегін арнаған ұстаз еңбегінің биік бағасы. Лаззат Турсынбековнаның кәсібіне деген сүйіспеншілігі, жауапкершілігі мен табандылығы – әріптестеріне үлгі, жас мамандарға бағыт-бағдар.

Осындай жоғары деңгейде, ел Президентінің өз қолынан марапат алу – кез келген жанға бұйыра бермейтін зор мәртебе. Бұл тек жеке жетістік қана емес, тұтас ұжымның, мектептің абыройы мен беделінің артуы.

Құрметті Лаззат Турсынбековна!

Сізді осы айтулы марапатыңызбен шын жүректен құттықтаймыз!

Еңбегіңіздің жемісін көре беріңіз, алар асуларыңыз әлі алда болсын!

Шәкірттеріңіздің биіктен көрінуіне қосқан үлесіңіз еселене берсін! ҚҰТТЫҚТАЙМЫЗ!

 

Арыс қалалық кәсіподақ комитетінің баспасөз қызметі.

26-27 наурыз күндері Түркістан қаласында білім бөлімдерінің әдіскерлері мен қызметкерлері арасында салауатты өмір салтын қалыптастыру, спортқа деген қызығушылығын арттыру және достық пен ынтымақтастықты насихаттау мақсатында өткен облыстық спартакиада өз мәресіне жетті.

Өткен жылы бастау алған бұл сайыс биыл да өз жалғасын тауып, әдіскерлер спорттың волейбол, үстел теннисі және тоғызқұмалақ түрлерінен бақтарын сынады. Екі күн бойы қызу тартысқа, бәсеке толы ойындармен қатар, ұжымдық бірлік мен жоғары командалық рухтың куәсі болдық.

Жарыс қорытындысы бойынша:

Тоғызқұмалақтан

І орын – Созақ ауданы;

ІІ орын – Шардара ауданы;

ІІІ орын – Жетісай, Ордабасы аудандары.

Үстел теннисінен

І орын – Отырар ауданы;

ІІ орын – Түлкібас ауданы;

ІІІ орын – Ордабасы, Жетісай аудандары.

Волейболдан

І орын – Түлкібас ауданы;

ІІ орын – Жетісай ауданы;

ІІІ орын – Созақ, Ордабасы аудандары.

Ал, жалпы командалық есеп бойынша

І орынға – Түлкібас ауданы;

ІІ орынға – Жетісай ауданы;

ІІІ орынға – Созақ ауданының әдіскерлері ие болды.

Түркістан облысы білім басқармасының басшысы Ғ.Орынов және облыстық кәсіподақ комитетінің төрағасы Б.Еркінбек іс-шараның маңыздылығын атап өтіп, барша білім қызметкерлерін спортпен тұрақты шұғылданып, рухани шыңдалуға шақырды. Спартакиада жеңімпаздарына арнайы дипломдар, медальдар және қаржылай сыйлықтар табысталды.

Облыстық кәсіподақ комитетінің баспасөз қызметі.

Арыс қалалық білім және ғылым қызметкерлері кәсіподақ комитетінің ұйымдастыруымен білім саласында жемісті еңбек етіп жүрген кәсіподақ белсенділерімен мерекелік іс-шара өтті. Іс-шараға Арыс қалалық білім бөлімінің басшысы Момбеков Әшімхан Тілеуханұлы қатысып, ұстаздар құттықтап, марапаттап өтті.

Іс-шара барысында қатысушылар «Ұлыстың Ұлы күні – Наурыз» мерекесімен құттықталып, игі тілектер айтылды.

Мерекелік жиында бірқатар ұстаздарға:

– «Өрлеу» салалық білім және ғылым қызметкерлерінің кәсіптік одағы» ҚБ-нің,

– «Түркістан облысы білім және ғылым қызметкерлерінің жергілікті кәсіптік одағы» алғыс хаттары мен құрмет грамоталары табысталды.

Сонымен қатар кәсіподақ белсенділері:

– «Кәсіподаққа еңбегі сіңген қызметкер» төсбелгісімен,

– Түркістан облысы білім басқармасының марапатымен,

– Түркістан облыстық және Арыс қалалық «AMANAT» партиясының марапаттарымен,

– Арыс қалалық білім бөлімі мен кәсіподақ комитетінің бірлескен грамотасымен марапатталды.

Шара соңында кәсіподақ белсенділері Наурыз мерекесіне орай жүрекжарды тілектерін білдіріп, ел бірлігі мен татулығының арта беруіне ниеттестіктерін жеткізді.

Көктемнің шуақты мерекесі – Наурыз баршаңызға құт-береке, молшылық пен ырыс әкелсін!

Арыс қалалық білім және ғылым қызметкерлері кәсіподақ комитетінің баспасөз қызметі.

Қаласаңыз, осы постты тағы да ресми стильде немесе әлеуметтік желіге қысқа нұсқа етіп те өзгертіп бере аламын.

 

Арыс қалалық кәсіподақ комитетінің баспасөз қызметі.

Бүгін 2026 жылы 19 наурыз күні Ордабасы аудандық білім және ғылым қызметкерлерінің кәсіподақ комитетінің төрағасы Қ.Төлебаев, аудандық кәсіподақ комитетінде білім саласында еселі еңбек етіп жүрген кәсіподақ белсенділерімен дөңгелек үстел өткізіліп, «Ұлыстың Ұлы күні – Наурыз» мерекесімен құттықтады.Іс-шарада бірқатар ұстаздар «Өрлеу» салалық білім және ғылым қызметкерлерінің кәсіптік одағы» Қоғамдық бірлестігінің және «Түркістан облысы білім және ғылым қызметкерлерінің жергілікті кәсіптік одағы» Қоғамдық бірлестігінің алғыс хаттары мен құрмет грамоталарын тапсырды.Сонымен қатар «Кәсіподаққа еңбегі сіңген қызметкер» төсбелгілерімен, Түркістан облысы білім басқармасының марапаты, Түркістан облыстық «AMANAT» партиясының марапаты,Ордабасы аудандық білім бөлімі мен аудандық білім және ғылым қызметкерлері кәсіподағы комитетінің бірлескен грамотасымен,Ордабасы ауданының әкім марапаты,Ордабасы ауданының мәслихат төрағасының марапаты, Ордабасы аудандық «AMANAT» партиясының марапаты және Ордабасы аудандық білім және ғылым қызметкерлері кәсіподағы комитетінің марапаттарымен марапаттады.

Кәсіподақ белсенділері Наурыз мерекесіне орай жылы лебіздерін білдіріп, ізгі тілектерін жолдады. Көктемнің шуақты мерекесі – Наурыз баршаңызға құт-береке,бірлік пен ынтымақ әкелсін.

 

Ордабасы аудандық кәсіподақ комитетінің баспасөз қызметі.

Түлкібас ауданы білім және ғылым қызметкерлері кәсіподақ комитетінің ұйымдастыруымен 17.03.2026 жылы «Аманат» партиясының мәжіліс залында, «Ұлыстың ұлы күні Наурыз-2026» мерекесіне орай аудандық білім саласының дамуына өскелен ұрпақтың рухани және зияткерлік деңгейін арттыруға қосқан үлестерін атап өту мақсатында:

Түркістан облысының білім басқармасының «Құрмет грамотары» және «Кәсіподаққа еңбегі сіңген қызметкер» төс белгісімен.

«Өрлеу» Білім және ғылым қызметкерлерінің салалық кәсіптік одағы» қоғамдық бірлестігінің «Құрмет грамотасы» және «Алғыс хатымен».

Аудандық білім бөлімі мен аудандық кәсіподақ комитетінің «Алғыс хатымен» марапаттау рәсімі өткізілді.

 

Түлкібас аудандық кәсіподақ комитетінің баспасөз қызметі.

Мақтаарал аудандық кәсіподақ комитетінің ұйымдастыруымен              8 наурыз – «Халықаралық қыз-келіншектер күні» мерекесіне арналған «Әйел – әлемнің нәзік жыры» тақырыбымен мәдени іс-шара өткізілді.

Іс-шараға аудандық білім бөлімінің басшысының міндет атқарушы Б.Полатова, аудандық кәсіподақ комитеті төрағасы қоғамдық негізде төрағасы, С.Рахымов атындағы жалпы білім беретін мектебінің директоры С.Айтынбетов, аудандық мәслихаттың депутаты, №57 жалпы білім беретін мектебінің директоры Е.Альтаев қатысып, барша нәзік жанды ұстаздарымызды мерекемен құттықтап, аудан әкімі Б.Асановтың, аудандық мәслихаттың төрағасы Қ.Сәрсекбаевтың, аудандық білім бөлімі мен аудандық кәсіподақ комитетінің бірлескен алғыс хаттарымен марапаттады.

8 наурыз – «Халықаралық қыз-келіншектер күні» мерекесіне арналған шараның соңы қонцерттік бағдарламамен жалғасын тауып, қорытындыланды.

Мереке құтты болсын!

 

Мақтаарал аудандық кәсіподақ комитетінің баспасөз қызметі

Мақтаарал ауданының білім бөлімінің ұйымдастыруымен, аудандық білім саласы кәсіподақ комитетінің қолдауымен 05 наурыз күні «Мақтаарал» мәдениет үйінде 8 наурыз – «Халықаралық қыз-келіншектер күні» мерекесіне орай «Ана – өмір шуағый атты мерекелік іс-шара өткізілді.

Аудан деңгейінде өткен іс-шараға Мақтаарал ауданының әкімі Б.Асанов, аудандық мәслихат депутаты, фракция мүшесі, «AMANAT» партиясы Мақтаарал аудандық филиалы жанындағы Партиялық бақылау комиссиясының төрағасы Қ.Бейсенбаев, аудандық білім бөлімінің басшысының міндетін атқарушы Б.Полатова, аудандық кәсіподақ комитетінің төрағасы А.Ниязбеков, ардагер ұстаздар, мектеп директорлары, Бақ өкілдері мен ұлағатты ұстаздар қатысты.

Мерекеге орай ұйымдастылған іс-шара барысында білім беру саласында жоғарғы жетістіктерге қол жеткізген ұлағатты ұстаздарымызға Түркістан облысы білім және ғылым қызметкерлерінің жергілікті кәсіптік одағының төрағасы Б.Еркінбектің, аудан әкімі Б.Асановтың, аудандық мәслихаттың төрағасы Қ.Сәрсекбаевтың, аудандық білім бөлімінің алғыс хаттары мен марапаттары табысталды.

Түркістан облысы білім және ғылым қызметкерлерінің жергілікті кәсіптік одағының төрағасы Б.Еркінбектің «Кәсіподаққа еңбегі сіңген қызметкер» төсбелгісімен Мақтаарал ауданының білім бөлімі әдіскері – Сулейменова Сауле Лайыковна.

Түркістан облысы білім және ғылым қызметкерлерінің жергілікті кәсіптік одағының төрағасы Б.Еркінбектің «Құрмет грамотасымен» А.Тұяқбаев атындағы ЖББМ БКҰ төрағасы – Шамуратова Базаркул Камаловна, Ш.Бектасов атындағы ЖББМ БКҰ төрағасы – Бусаханова Райхан Турткульбаевна, С.Рахымов атындағы ЖББМ БКҰ төрағасы – Тортаева Жамила Смадияровна, М.Тоқжігітов атындағы ЖББМ БКҰ төрағасы – Доскалова Айман Романовна.

Түркістан облысы білім және ғылым қызметкерлерінің жергілікті кәсіптік одағының төрағасы Б.Еркінбектің «Алғыс хатымен» №57 ЖББМ БКҰ төрағасы Абишева Сандуғаш Кудайбергеновна, Қ.Қайсенов атындағы ЖББМ БКҰ төрағасы – Балкыбекова Бактыгул Карамановна, Қ.Мүсірепов атындағы ЖББМ БКҰ төрағасы – Уразимбетова Ултуар Ахмедовна, А.Байтұрсынұлы атындағы ЖББМ БКҰ төрағасы – Намазбаева Акерке Абдураимовна марапатталды.

Сонымен қатар бар ғұмырын ағарту саласына арнап, бүгінде бейнеттің зейнетін көріп отырған ардагер ұстаздарымызға аудандық кәсіподақ комитетінің атынан бағалы сыйлықтар табысталды.

Мерекелік шара концерттік бағдарламамен жалғасын тауып, ұстаздарымыз көтеріңкі көңіл-күймен тарасты.

8 наурыз – «Халықаралық қыз-келіншектер күні» мерекесі баршаңызға құтты болсын!

 

Мақтаарал аудандық кәсіподақ комитетінің баспасөз қызметі.

​         Түркістан облысы білім және ғылым қызметкерлерінің жергілікті кәсіптік одағы атқару комитетінің кеңейтілген мәжілісі өткізілді. Мәжіліске атқару комитетінің мүшелері, аудандық, қалалық кәсіподақ комитеттерінің төрағалары, кәсіподақ активі мен облыстық кәсіподақ комитеті аппаратының қызметкерлері қатысты.

Мәжілісті облыстық кәсіподақ комитетінің төрағасы Бахыт Еркінбек ашып, жүргізіп отырды. Күн тәртібінде – Әділеттілік, заң және тәртіп: 2026 жылғы Конституциялық реформа бойынша талқылау, насихаттау жұмыстары жайлы, – облыстық кәсіподақ комитетінің 2026 жылғы 1 қаңтарға кәсіподақ мүшелері мен кәсіподақ органдары жайлы статистикалық есебі, – облыстық кәсіподақ комитетіне 2025 жылы түскен кәсіподақ мүшелік жарнасы және оны пайдалану туралы, – аудандық, қалалық кәсіподақ комитеттеріне қарасты бастауыш кәсіподақ ұйымдарының төрағаларымен өткен оқыту семинарларының қорытындысы және т.б. мәселелер қаралды.

​

Күн тәртібіндегі алғашқы мәселе бойынша облыстық кәсіподақ комитетінің кеңесшісі Ә.Тастанбеков хабарлама жасады. Төраға Б.Еркінбек өз пікірін білдіріп, реформаның әділетті, заңға негізделген және халық мүддесін бірінші орынға қоятын мемлекет қалыптастыруға бағытталған маңызды қадам екенін, ондағы өзгерістер қоғамдағы сенімді нығайтып, елдің тұрақты дамуына жол ашатынын айтты.

Статистикалық есеп жайлы облыстық кәсіподақ комитетінің маманы Б.Қилыбай хабарлады. Б.Еркінбек кәсіподақ ұйымына мүшелікке ынталандыру бойынша тиісті жұмыстар жүргізіп, осы бағытта ұйымдастыру іс-шараларына тұрақты көңіл бөліп отыру қажеттігін алға тартты.

Облыстық кәсіподақ комитетіне 2025 жылы түскен кәсіподақ мүшелік жарнасы және оны пайдалану туралы облыстық кәсіподақ комитетінің қаржы бөлімінің меңгерушісі Р.Жолдықараева есеп берді.

Облыстық кәсіподақ комитетінің негізгі іс-шаралар жоспарына сәйкес барлық аудандық, қалалық кәсіподақ комитеттерінде бастауыш кәсіподақ ұйымы төрағаларымен өткен оқыту семинарыны қорытындысы туралы бөлім басшысы Ғабит Ақбердиев хабарлама жасады. Семинар аясында бастауыш кәсіподақ ұйымы төрағалары құқықтық сауақтылықтарын арттырып, кәсіподақ ұйымы жұмысына қатысты практикалық түсіндірмелер алды.

Аталған мәселелерді талқылауға Ордабасы, Түлкібас, Шардара, Арыс аудандық, қалалық кәсіподақ комитетінің төрағасы Қ.Төлебаев, Д.Әбішев, Ұ.Жұман, Ж.Мұхаев ой-пікірлерін білдіріп, ұсыныстар айтты. Қаралған мәселелер бойынша қаулы қабылданды.

Б.Еркінбек мәжіліс соңында, аудандық, қалалық кәсіподақ комитетінің бұрын қызмет еткен ардагер және белсенді төрағаларына кәсіподақ қозғалысын ілгерілету жолындағы жұмыстарын ескеріп облыстық кәсіподақ комитеті тарапынан арнайы сыйлықтар табыс етті.

 

Облыстық кәсіподақ комитетінің баспасөз қызметі.

Ұстаз мінбері! Абсатаров Қуанышбек Әбутәліпұлы, Түркістан облысы, Түлкібас ауданы, Жаскешу ауылында туылды. Сол елді мекендегі С. Сейфуллин атындағы жалпы орта мектебін 2008 жылы аяқтап, арманым алға жетектеп Абай атындағы Казақ ҰПУ-нің информатика мамандығының грант иегері атанды. 2013 жылы С.Сейфуллин атындағы ЖОМ-ке информатика пәнінің мұғалімі болып қабылданды.

XXI ғасыр – жаңа технология мен ақпараттандыру ғасыры. Жас ұрпаққа заман талабына сай білім мен тәрбие беру үшін білімімді үнемі жетілдіріп отырамын. Бәсекеге қабілетті ұрпақ тәрбиелеу үшін үштілділік бойынша курстан өттім. Н.Назарбаев зияткерлік мектебінде «Робот техникасы» саласы бойынша курсты меңгердім. Білім алуға арналған конструкторларды пайдалану арқылы роботтарды жинастыру, модельдеу және құрастыру, визуалды графикалық ортада бағдарламалау, топтық, зерттеушілік жұмыстарды жасау дағдыларын дамыту, команда құрып, WRO бойынша облыстық және республикалық олимпиадаларға оқушыларды дайындау жұмыстарын жасап жүрмін. Үздіксіз еңбегімнің нәтижесінде 2017 жылдан бастап оқушыларым аудандық, облыстық олимпиада жүлдегерлері атанды. Еңбегім еленіп, аудандық, облыстық марапаттарға ие болдым. 2021 жылы мектепте жыл қорытындысы бойынша «Үздік ұстаз» номинациясын жеңіп алдым. 2022 жылы пән мұғалімдерінің облыстық олимпиадасында III дәрежелі дипломмен марапатталдым. “ROBOTOTUR” екінші облыстық педагогтар арасындағы байқауының аудандық кезеңінде I дәрежелі дипломмен марапатталдым. Тәуелсіздігіміздің 32 жылдығына орай өткізілген шахматтан мұғалімдердің аудандық спартакиадасында жүлделі I орынды жеңіп алдым. «Педагог құзіреттілігі» республикалық ғылыми әдістемелік педжурналына №8(50) 2022 жыл «Ақпараттық әлем бейнесін қалыптастырудағы информатиканың рөлі» атты еңбегім жарияланды. Білімімді жетілдіріп, 2023 жылы Шымкент университетінде «Педагогика және психология» мамандығы бойынша магистратураны аяқтадым.

Пән мұғалімдерінің облыстық олимпиадасында озық идеясы және шығармашылық ізденістерімен ерекшеленгенім үшін ІІІ дәрежелі дипломымен марапатталдым.2022ж. №260

Болашақ ұрпаққа саналы тәрбие мен сапалы білім беруде аянбай еңбек етіп елеулі табыстарға жетіп, 2021-2022 оқу жылының қорытындысы бойынша «Үздік ұстаз» номинасиясын жеңіп алғаным үшін Мадақтама 2022ж. №14

«KazRoboSport-2023» робототехника республикалық чемпионатының облыстық кезеңі жалпы білім беру ұйымдарының аудан көлімінде өткізілген

Интернет-ресурстар саласындағы білім мен іскерлікті анықтауға бағытталған оқушылар мен ұстаздар арасындағы «Үздік веб-сайт» облыстық байқауына қатысып, веб ресурстағы үздік жұмысын дайындауда оқушыларға нақты бағыт-бағдар беріп, жетекшілік жасағаным үшін облыстық әдістемелік орталықтан Мадақтама №317

2023-2024 оқу жылында информатика пән олимпиадасынан аудандық кезеңнен 10 сынып оқушым Әлдибек Нұрдәулет І орын жеңіп алып, облыстық кезеңге өтті. Облыстық кезеңнен І орынды жеңіп алды.

«Педагог құзіреттілігі» Республикалық ғылыми – әдістемелік педагогикалық журналына №8 (№50) 2022ж. Қараша – желтоқсан. «Ақпараттық әлем бейнесін қалыптастырудағы информатиканың ролі» атты мақалам жарияланды

«Оқу-тәрбие процесіне инновациялық технологияларды енгізу арқылы көптілді білім беруді жүзеге асыру» атты Республикалық семинар практикумның қатысушысы болдым. «Балдаурен» Республикалық оқу-сауықтыру орталығында өткізілді.

«Рухани жаңғыру» бағдарламасы: білім беруді модернизациялауда үштілділіктің маңызы» тақырыбында өткізілген республикалық ғылыми – практикалық конференциясына қатысып, тәжірибеммен бөлістім.

2023-2024 оқу жылы « Ауыл олимпиадасы -2024ж» республикалық олимпиадасында үш оқушымыз информатика пәнінен республикадан жүлделі І,ІІ орын алып келді. Оқушым Әлдибек Нұрдәулет Өскенбайұлы 10 сыныптар арасында республикалық « Ауыл олимпиадасы -2024ж » абсалютті бал жинап І дәрежелі дипломмен марапатталды. 9 сынып оқушылары Әлдибек Нұрислам және Серікбай Елмұрат жүлделі ІІ орындарды иеленді. Мектебіміз республикалық «Ең үздік ауыл мектебі» номинациясына ие болды.

 

 

Мектепте дарынды оқушылармен жұмыс жүргізу жақсы жолға қойылған. Дарынды оқушым, Әлдибек Нұрдаулет Ускенбайұлы 2024 жылы Cpfed ұйымдастырылуымен өткен республикалық олимпиаданың II орын жүлдегері атанды. Халықаралық Жәутіков олимпиадасына қатысып алғыс хатпен марапатталды.

2024-2025 оқу жылы « Ауыл олимпиадасы» республикалық олимпиадасында оқушым Әлдибек Нұрдәулет Өскенбайұлы 11 сыныптар арасында республикалық абсалютті бал жинап І дәрежелі дипломмен марапатталып, С.Демирель атындағы университетке грант жеңіп алды. Қазіргі таңда СДУ – де үздік студенттің бірі.

2025-2026 оқу жылында “Ауыл олимпиадасынан” аудандық кезеңнен 9 сынып оқитын оқушым Амангелді Балауса І орын жеңіп алып, облыстық кезеңге өтті. Облыстық кезеңнен І орынды жеңіп алды.Республикалық кезеңінде Алтын медаль жеңіп, еліміздің жетекші білім ордаларының бірі –РФМШ – ға грант иегері атанды

Республикалық «Ауыл олимпиадасынан» 3 жыл қатарынан оқушыларым I орынды иеленді.

Еңбегімнің нәтижесі еленіп, 2025 жылдың «Білім беру саласының үздігі» номинациясымен марапатталдым.

Дарынды оқушылармен жұмыс жүргізу үшін көп іздену керек. Codeforces.com , acmp.ru , esep.spfed.kz осы сайттардан оқушыларды логикалық есептермен жұмыс жасауға үйретемін. Сергіту сәті ретінде оқушылардың миын дамытуға шахмат ойындарын қолданамын. Қазақтың ұлттық ойыны тоғызқұмалақ балалардың миын дамытуға арналған. Оқушыларды жан жақты шығармашыл, ізденімпаз етіп тәрбиелеу – бүгінгі заман талабы. Ғылыми техниканың дамыған кезеңінде оқушыларға ақпараттық технологияны меңгерту үшін жүйелі, жоспарлы жұмыс жүргізуіміз қажет.

 

Түлкібас аудандық кәсіподақ комитетінің баспасөз қызметі.